???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 '7 பேர் விடுதலை தொடர்பாக கவர்னர் நல்ல முடிவை எடுப்பார்': முதல்வர் பழனிசாமி நம்பிக்கை 0 'குடும்பக் கட்டுப்பாடு அறுவை சிகிச்சையை மேற்கொள்ள ஆண்கள் முன்வர வேண்டும்': அமைச்சர் 0 என்னை ஒழித்துகட்ட முயற்சி: நடிகை சனம் ஷெட்டி மீது தர்ஷன் புகார் 0 திருப்பூரில் லாரி - பேருந்து மோதி விபத்து: 13 பேர் பலி 0 இந்தியன்-2 படப்பிடிப்பில் விபத்து: 3 பேர் உயிரிழப்பு 0 பா.ஜ.க எம்.எல்.ஏ மீது கூட்டு பாலியல் வன்கொடுமை வழக்கு 0 எம்.ஜி.ஆர் சிலைக்கு காவி சாயம்: சர்ச்சை! 0 திட்டமிட்டபடி சட்டமன்ற முற்றுகை போராட்டம் நடைபெறும்: இஸ்லாமிய அமைப்புகள் 0 கர்நாடக பா.ஜ.க. அதிருப்தி எம்.எல்.ஏ.க்கள் ரகசிய கூட்டம்! 0 தயாரிப்பாளர்களுக்கு செலவு வைக்கிறார் நயன்தாரா: தயாரிப்பாளர் புகார்! 0 சிஏஏவுக்கு எதிராக தீர்மானம் நிறைவேற்ற தெலுங்கானா அரசு முடிவு 0 கொரோனா வைரஸ்: பலி எண்ணிக்கை 2000ஐ தொட்டது! 0 மகாராஷ்டிராவில் NPR அமல்படுத்தப்படும்: உத்தவ் தாக்கரே 0 சட்டமன்றத்தை முற்றுகையிட்டு போராட்டம் நடத்தத் தடை! 0 "மாதவிடாய் காலத்தில் சமைக்கும் பெண்கள் நாயாகப் பிறப்பார்கள்"
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

நிர்பயா வழக்கில் தூக்குத் தண்டனை தேதி மாற்றம்

Posted : வெள்ளிக்கிழமை,   ஜனவரி   17 , 2020  21:05:54 IST

டெல்லியில் மருத்துவ மாணவி 2012-ம் ஆண்டில் பாலியல் வன்கொடுமை செய்து கொல்லப்பட்ட வழக்கில் குற்றவாளிகள் நான்கு பேருக்கு 22-ம் தேதி தூக்கு தண்டனை நிறைவேற்ற டெல்லி பாட்டியாலா நீதிமன்றம் வாரண்ட் பிறப்பித்திருந்தது. இதற்கான ஏற்பாடுகள் நடந்து வந்தன.

குற்றவாளிகள் நால்வரும் தனிமை சிறையில் அடைக்கப்பட்டனர். தூக்கிலிடுவதற்கான எல்லா பணிகளும் விரைவுபடுத்தப்பட்ட நிலையில், குற்றவாளிகளில் ஒருவரான முகேஷ்சிங் குடியரசுத் தலைவர் மற்றும் டெல்லி துணை நிலை ஆளுநரிடம் கருணை மனுதாக்கல் செய்தார். அந்த கருணை மனுவை குடியரசுத் தலைவருக்கு அனுப்பி வைத்த ஆளுநர் மனுவை நிராகரிக்க வேண்டும் என்று பரிந்துரை செய்துள்ளார்.

இந்த நிலையில் கருணை மனு குடியரசுத் தலைவரிடம் இருப்பதால் தனது மரண தண்டனை நிறைவேற்றத்தை ஒத்திவைக்கும்படி டெல்லி நீதிமன்றத்தில் முகேஷ்சிங் மனுதாக்கல் செய்திருந்தார். இதுசம்பந்தமாக டெல்லி திகார் சிறை நிர்வாகத்திடமும், டெல்லி நிர்வாகத்திடமும் விளக்கம் கேட்டது. விரிவான அறிக்கையை நீதிமன்றத்தில் தாக்கல் செய்யும்படி திகார் சிறை நிர்வாகத்துக்கு நீதிபதி உத்தரவிட்டார்,

இதற்கிடையே, முகேஷ் சிங்கின் கருணை மனுவை குடியரசுத் தலைவர் நிராகரித்தார். இதனால், நால்வருக்கும் மரண தண்டனை உறுதியானது. ஆனால், குடியரசுத் தலைவர் கருணை மனு நிராகரித்தற்கு பின்பு 14 நாட்கள் வரை தூக்கு தண்டனையை நிறைவேற்றக்கூடாது என விதிகள் இருக்கிறது. இதனால், ஏற்கனவே, பிறப்பிக்கப்பட்ட வாரண்டின் படி 22-ம் தேதி தூக்குத் தண்டனையை நிறைவேற்ற முடியாது.

இதை டெல்லி அரசு ஏற்கனவே நீதிமன்றத்தில் சுட்டிக்காட்டியது. இந்த நிலையில், குற்றவாளிகள் 4 பேருக்கும் தூக்குத் தண்டனையை வரும் பிப்ரவரி மாதம் 1-ம் தேதி காலை 6 மணிக்கு நிறைவேற்ற பாட்டியாலா நீதிமன்றம் புதிய வாரண்டை பிறப்பித்துள்ளது. சட்ட ரீதியாக எந்த சிக்கலும் இல்லை என்பதால் நால்வருக்கும் அன்றைய தினம் தூக்குத் தண்டனை நிறைவேற்றுவது உறுதி என்று அதிகாரிகள் தெரிவித்துள்ளனர்.



click here
 

 

Print

 

கேலரி
புகைப்படத்தொகுப்பு -
மேலும்...