நிர்பயா குற்றவாளிகள் நால்வருக்கும் தூக்கு உறுதி!

நிர்பயா வழக்கில் 4 பேருக்கு விதிக்கப்பட்ட மரண தண்டனையை வரும் பிப்ரவரி ஒன்றாம் தேதி நிறைவேற்ற டெல்லி நீதிமன்றம் உத்தரவிட்டுள்ளது. இந்நிலையில், 4 பேரில் ஒருவரான பவன்குமார் குப்தா, பாலியல் வன்முறை சம்பவம் நடைபெற்ற 2012-ம் ஆண்டு டிசம்பர் மாதத்தில், தான் சிறாராக இருந்ததாக டெல்லி உயர்நீதிமன்றத்தில் மனுத் தாக்கல் செய்தார்.

இந்த மனு தள்ளுபடி செய்யப்பட்டதால், உச்சநீதிமன்றத்தில் மனுத் தாக்கல் செய்திருந்தார். அதில் தனது தண்டனையை நிறுத்திவைக்க வேண்டும் என்று கோரிக்கை விடுத்திருந்தார். இந்த மனு நீதிபதி ஆர்.பானுமதி தலைமையிலான மூன்று நீதிபதிகள் கொண்ட அமர்வில் இன்று விசாரணை வந்த நிலையில், மனுவை தள்ளுபடி செய்வதாக நீதிபதிகள் அறிவித்தனர்.

ஏற்கனவே, கருணை மனுக்கள் குடியரசுத் தலைவர், டெல்லி துணை நிலை ஆளுநர் தள்ளுபடி செய்யப்பட்டுள்ளதால், நால்வரின் தூக்கு உறுதியாகியுள்ளது.