புதுநாவல் வரிசை: 4 - குமாரத்தி

“கிறிஸ்துவ பின்னணி கொண்ட ஒரு கடலோர கிராமத்தில் நடக்கக் கூடிய கதை தான் குமாரத்தி.

ஒரு இடத்திற்கு சென்று சேர்வதற்கு இரண்டு பாதை இருக்கும் அல்லவா?. அதுபோலத்தான் இந்த நாவலும். ஏறக்குறைய இருவேறு கதைகள் இருவேறு பாதைகளில் பயணத்தை தொடங்கி ஒரே இடத்தில் வந்து சேரும்” என்கிறார் நரன்.
 

கவிஞர், சிறுகதை ஆசிரியர், பதிப்பாளர், சிற்றிதழாளர், ஊடகவியலாளர் எனப் பன்முகம் கொண்ட நரன், புதிதாக எழுதியுள்ள நாவல் குமாரத்தி.


“பெண்கள் தான் நாவலின் மையம். ஏறக்குறைய பத்து பெண்களின் வாழ்க்கை பேசியிருக்கிறேன். அதில் மூன்று பேர் கன்னியாஸ்திரிகள். மூன்று கன்னியாஸ்திரிகளும் ஒரு கடலோர கிராமத்தில் நடக்கும் திருமணத்தில் கலந்து கொள்வதற்காக விடியற்காலையில் கிளம்பிச் செல்வார்கள். அப்படி செல்கையில் வழியில் என்னவெல்லாம் நடக்கிறது? அந்த திருமணம் யாருக்கு நடக்கிறது? என்பது முக்கியமான விஷயம். ஏனெனில் அந்த திருமணம் நாற்பத்து மூன்று வயதுள்ள பெண்ணுக்கு நடக்கும். அதை அந்த கன்னியாஸ்திரிகள் தான் நடத்தி வைப்பார்கள். திருமணம் செய்துகொள்ளும் பெண்ணுக்கு என்ன நடக்கிறது என்பது தான் மொத்த நாவலின் கதையும்.



இந்த நாவலின் மையக் கதை, ஒரு உண்மை சம்பவத்தை அடிப்படையாக கொண்டது. ஒருநாள் அதிகாலையில் தொடங்கும் கதை அடுத்த நாள் அதிகாலையில் முடியும். மொத்தம் நூற்றுப் பதினெட்டு பக்கம் தான் முழு நாவலும்.” என்றார்.   


இந்நாவல் சால்ட் பதிப்பக வெளியீடு.



நாவல்: குமாரத்தி

ஆசிரியர்: நரன்

பதிப்பகம்: சால்ட்