அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 அக்டோபர் 1-முதல் குற்றாலம், ஒகேனக்கல் அருவிகள் திறப்பு! 0 வங்கக் கடலில் உருவான ‘குலாப்’ புயல்: தமிழகத்தில் 4 நாட்களுக்கு மழைக்கு வாய்ப்பு! 0 உலகத்திற்கான பயங்கரவாத அச்சுறுத்தல் அதிகரித்து வருகிறது - பிரதமர் மோடி 0 கேரளாவில் இன்று 120 பேர் கொரோனாவால் உயிரிழப்பு! 0 இந்து பெண்ணான எனக்கு ஏன் அனுமதி மறுக்கப்பட்டது? - மத்திய அரசுக்கு மம்தா கேள்வி 0 காங்கிரஸ் கட்சியில் இணையும் ஜிக்னேஷ் மேவானி, கன்னையா குமார்! 0 வெளியானது சிவகார்த்திகேயனின் டாக்டர் படத்தின் டிரெய்லர்! 0 ஊரக உள்ளாட்சித் தேர்தல்: வேட்பு மனுக்களைத் திரும்பப் பெறுவதற்கான கால அவகாசம் நிறைவு! 0 ராஜஸ்தானுக்கு எதிராக திணறும் டெல்லி அணி! 0 எஸ்.பி.பி.-க்கு மணிமண்டபம் கட்ட அரசு உதவ வேண்டும் - பாடகர் சரண் 0 ஆணவக் கொலைகள் அதிகம் நடக்கும் மாநிலங்களில் ஒன்றாக தமிழ்நாடு - தொல்.திருமாவளவன் 0 கூழாங்கல்லில் கருவி: கண்டுபிடித்திருக்கும் நியூசிலாந்து கிளி! 0 சாதிவாரி கணக்கெடுப்பு: முதல்வர் ஸ்டாலினுக்கு தேஜஸ்வி யாதவ் கடிதம்! 0 இன்று மாலை வெளியாகிறது டாக்டர் திரைப்படத்தின் டிரெய்லர் 0 சிவில் சர்வீஸ் தேர்வில் வெற்றி பெற்ற மாணவர்களுக்கு முதல்வர் பாராட்டு!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

நீட் ஒழிப்பு: அதிமுகவால் முடியாதது, திமுகவால் முடியுமா?

Posted : புதன்கிழமை,   செப்டம்பர்   15 , 2021  16:42:48 IST


Andhimazhai Image

திமுக அரசே, நீட் தேர்வு ரத்து வாக்குறுதி என்னவாயிற்று? ரகசியம் வைத்திருப்பதாக சொன்னீர்களே,அதை எப்போது செயல்படுத்துவீர்கள்? -கேட்டே விட்டார் முன்னாள் முதல்வர் எடப்பாடி பழனிச்சாமி. திமுக ஆட்சிக்கு வந்து நான்கு மாதங்களில் நீட் தேர்வும் நடத்தி மாணவர்கள் எழுதி விட்டனர். மூன்று மாணவர்கள் இந்த தேர்வு அச்சுறுத்தலால் மடிந்தும் விட்டனர்.

தேர்தல் வாக்குறுதிகளில் ஒன்றாக நீட் தேர்வை ஒழிப்போம் என்பதையும் திமுக அளித்திருப்பதால், அது என்னவாயிற்று என எதிர்க்கட்சிகள் விமர்சிக்கின்றன.

இப்போதைக்கு பாஜக தவிர பிற கட்சிகளின் ஆதரவுடன் தமிழ்நாட்டுக்கு நீட் விலக்கு கோரும் சட்டத்தை தமிழக சட்டசபையில் ஆளும் திமுக கொண்டுவந்துள்ளது. இந்த சட்டத்துக்கு குடியரசுத் தலைவரின் ஒப்புதல் பெற்றால் மட்டுமே இது செயல்பாட்டுக்கு வரும்.

இதற்கு முன்னரும் அதிமுக ஆட்சியின் போது நீட் விலக்கு கோரும் சட் மசோதா நிறைவேற்றப்பட்டு, குடியரசுத்தலைவரின் ஒப்புதலுக்கு அனுப்பப்பட்டு, அவரது ஒப்புதல் பெறமுடியாமல் போயிருக்கிறது.

திமுகவின் சட்டத்தில் என்ன புதுமை? நீதியரசர் ஏகே ராஜன் கமிட்டியின் பரிந்துரைகளின் பேரில் இந்த சட்ட மசோதாவை கொண்டுவந்திருப்பதாக சொல்வதுதான் புதிது.

பாஜகவின் கூட்டணியில் இடம்பெற்றிருந்த அதிமுகவால் பெற முடியாத குடியரசுத் தலைவரின் ஒப்புதலை எதிர்க்கட்சிக் கூட்டணியில் இடம் பெற்றிருக்கும் திமுக பெற்றுவிட முடியுமா? என்பதுதான் மில்லியன் டாலர் கேள்வி.

”தமிழ்நாடு சட்டமன்றத்தில் நீட் தேர்வில் இருந்து நிரந்தர விலக்கு பெறும் மசோதா நிறைவேற இருக்கிறது. இதனை இந்தியத் துணைக்கண்டத்தின் பிரச்சினையாகக்  கருதி அனைத்து மாநில முதலமைச்சர்களின் கவனத்துக்கும் கொண்டுச் சென்று ஆதரவு திரட்டி, வெற்றி பெறுவோம் என்ற நம்பிக்கை இருக்கிறது. நீட் தேர்வை ஒன்றிய அரசு நீக்கும்வரை நமது சட்டரீதியான போராட்டம் தொடரும்,” என்று சொல்லி இருக்கிறார் முதலமைச்சர் முக ஸ்டாலின்.

என்றைக்கு கல்வி மாநிலப்பட்டியலில் இருந்து பொதுப்பட்டியலுக்குப் போனதோ அன்றே பறிபோன உரிமை இது. இதை எதிர்த்து சென்னை உயர்நீதிமன்றத்தில் மருத்துவர் எழிலன் எம்.எல்.ஏவின் அறக்கட்டளை சார்பாக வழக்குத் தொடரப்பட்டு, இதுபற்றி நீதிமன்றமும் கேள்வி எழுப்பி இருக்கிறது.

2006-இல் திமுக ஐக்கிய முற்போக்குக் கூட்டணியில்  அங்கம் வகித்தபோது தொழிற்கல்விக்கான நுழைவுத் தேர்வை ரத்து செய்ய சட்டம் இயற்றி அதற்கான ஒப்புதலை குடியரசுத் தலைவரிடம் இருந்து பெற்றுள்ளது. அதற்கு முன்னதாக இருந்த அதிமுக அரசு நுழைவுத் தேர்வை ரத்து செய்ய முயன்றபோது உயர்நீதிமன்றத்தால் தடுத்து நிறுத்தப்பட்டது.

இது பழைய கதை. இப்போது தமிழ்நாட்டுக்கு மட்டும் நீட் விலக்கு பெறவேண்டும் என்றால் மத்தியில் வலுவான அரசியல் மற்றும் நீதித்துறை ஆதரவு தேவைப்படுகிறது. எதிர்க்கட்சி வரிசையில் இருந்துகொண்டே இதை மு.க. ஸ்டாலின் அரசு சாதிக்குமானால் மிகப்பெரிய சாதனையாகக் கருதப்படும்.

திமுகவின் சட்ட மூளைகளும் அரசியல் புலிகளும் முழு வேகத்தில் இயங்கவேண்டிய நேரம் இது.


 



click here
 

 

Print

 

கேலரி
புகைப்படத்தொகுப்பு -
மேலும்...