அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 அடுத்த திருப்பம்... ஷிண்டேதான் முதலமைச்சர்- பா.ஜ.க. அறிவிப்பு 0 கர்நாடக சட்டசபை தேர்தலில் பா.ஜனதாவுக்கு பின்னடைவு: ஆய்வில் தகவல் 0 ஓராண்டில் 131 கோடி முறை பெண்கள் இலவசப் பயணம்! 0 மூன்றாம் பாலினத்தவர்கள் எம்.பி.சி. பிரிவில் சேர்ப்பு! 0 கொரோனா பாதிப்பால் சிகிச்சை பெறுபவர்கள் எண்ணிக்கை 10,000-ஐ கடந்தது 0 இரட்டைத் தலைமைதான் நல்லது: எம்.ஜி.ஆர் பேரன் 0 தமிழகத்தில் 2 நாள்களுக்கு கனமழைக்கு வாய்ப்பு! 0 நடிகர் சூர்யாவிற்கு முதல்வர் ஸ்டாலின் பாராட்டு 0 மதுரையில் அடுத்த ஜிஎஸ்டி கவுன்சில் கூட்டம்! 0 உத்தவ் விலகல் - இனிப்புடன் பா.ஜ.க. கொண்டாட்டம் 0 பதவிவிலகினார் உத்தவ் தாக்கரே - மகாராஷ்டிரத்தில் திடீர் திருப்பம் 0 ராஜஸ்தானில் தையல் கடைக்காரரின் தலையைத் துண்டித்த கொலைகாரர்கள் கைது! 0 அயர்லாந்துக்கு எதிரான 2வது டி20 போட்டியில் இந்திய அணி திரில் வெற்றி! 0 நடிகை மீனாவின் கணவர் காலமானார்! 0 ப்ளூட்டோ முதல் ப்ளூட்டி வரை - 17: மருத்துவர் அகிலாண்ட பாரதி எழுதும் தொடர்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

நீரஜ் சோப்ரா: தங்கக் கரம்!

Posted : திங்கட்கிழமை,   ஆகஸ்ட்   09 , 2021  18:47:09 IST


Andhimazhai Image

பானிப்பட்டைச் சேர்ந்த நீரஜ் என்ற சிறுவன் எண்பது கிலோ எடையை தன் 13 வயதிலேயே தொட்டுவிட்டான். இவ்வளவு குண்டாக இருக்கிறானே என ஊர் கேலி பேச, ஜிம்மில் சேர்ந்தான். அங்கே இருந்த  சிவாஜி மைதானத்துக்கு வேடிக்கை பார்க்கவும் போனான். மாங்கு மாங்கென்று ஓடி ஒருவர் ஈட்டி எறிந்துகொண்டிருப்பதைப் பார்த்தான். அவர் ஹரியானாவுக்காக ஈட்டி எறிதல் போட்டிகளில் கலந்துகொண்டிருக்கும் ஜெய்வீர் என்ற தடகள வீரர். அவர் இந்தப் பையனை ஒரு நாள் கூப்பிட்டு, ஈட்டியைக் கையில் கொடுத்து எறியச் சொன்னார். நீரஜ் சாதாரணமாக 40 மீட்டர் எறிந்தான். எந்தப் பயிற்சியும் இல்லாத நிலையில் இது ஆச்சரியப் படுத்தும் தூரம். ஜெய்வீர், நீரஜை தினமும் வரசொல்லி பயிற்சி கொடுத்தார்.
 

இந்த புதிய விளையாட்டில் நீரஜ் ஈடுபடுவது அவனது குடும்பத்துக்கே தெரியாது. ஒரு பெரிய போட்டியில் வென்று அது செய்தியாக வெளியான போதுதான் அவர்கள் தெரிந்து கொண்டார்கள்.
 

இப்படித் தொடங்கிய கதைதான் இன்று இந்தியாவின் நூறாண்டு கனவை நனவாக்கி தடகளத்தில் தங்கப்பதக்கம் வாங்கித் தந்துள்ளது.
 

ஒலிம்பிக்கில் நீரஜ் 87.58 மீட்டர் தூரம் எறிந்துள்ளார். முன்னதாக காமன்வெல்த், ஆசிய விளையாட்டுப் போட்டிகளில் தங்கம் வென்றிருந்த இவர், 88.07 மீட்டர் தூரம் எறிந்து தன் அதிகபட்ச தூரத்தை எட்டி இருந்தார். அந்த தூரத்தை எட்டாதபோதும் கூட, இந்த போட்டியில் தங்கத்தை வெல்ல முடிந்தது.


ஜெர்மனியைச் சேர்ந்தவர் 28 வயதான ஜோஹனஸ் வெட்டெர். சாதாரணமாக 90 மீட்டர் தாண்டி ஈட்டி எறிந்துகொண்டிருந்தவர். டோக்கியோ ஒலிம்பிக் ஆரம்பிக்கும் முன்னால் தனக்குத்தான் தங்கப்பதக்கம்  என்று சொல்லிக் கொண்டிருந்தார்.


டோக்கியோ ஒலிம்பிக்கில் ஆரம்ப சுற்று. இறுதிப்போட்டியில் கலந்துகொள்ளும் 12 பேரில் ஒருவராக இடம்பிடிக்க 83.5 மீட்டர் எறிய வேண்டும் என இலக்கு நிர்ணயமானது. வெட்டர் முதல் இரண்டு தடவைகளில் இந்த மார்க்கை எட்ட முடியவில்லை. மூன்றாவது முறைதான் 85.64 மீட்டர் வீசி இறுதிச்சுற்றுக்குத் தேர்வானார்.
 

ஆனால் நீரஜுக்கு எந்த சிரமமும் இல்லை. முதல் தடவையே ஈட்டியை 86.65 மீட்டர் தூரம் எறிந்து, இறுதிப்போட்டிக்குத் தேர்வாகி விட்டார்.
 

இறுதிச் சுற்றில் வெட்டர் தான் மார்தட்டிக்கொண்டபடி 90 மீட்டரைத் தாண்டி வீச முடியவில்லை.
 

நீரஜ் தங்கப்பதக்கத்தை அமைதியுடன் தட்டிச் சென்று, இந்தியர்களின்  நீண்டகால ஆசையை நிறைவேற்றி வரலாற்றில் இடம் பெற்றார்.



 

 

Print

 

கேலரி
புகைப்படத்தொகுப்பு -
மேலும்...