அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 என்னை அன்பால் மாற்றியவர் என் மனைவி: ரஜினி 0 பழனி முருகனுக்கு 16 ஆண்டுகளுக்கு பிறகு கும்பாபிஷேகம்! 0 சாதனையாளர்களுக்கு விருது வழங்கினார் முதலமைச்சர் மு.க.ஸ்டாலின்! 0 தேசியக் கொடியை ஏற்றினார் ஆளுநர் ஆர். என்.ரவி! 0 கொடியேற்றிய முதலமைச்சர்; விழாவை புறக்கணித்த முதல்வர்: தெலங்கானாவில் பரபரப்பு! 0 கொலிஜியத்தில் ஒன்றிய அரசின் பிரதிநிதிகள் வேண்டும்: சட்ட அமைச்சர் கடிதம் 0 “ஒன்று கூடுவோம் ஸ்டாலின்.. தமிழ்நாடு வாழ்க”: ட்வீட் செய்த கமல்ஹாசன்! 0 குட்கா, பான் மசாலா புகையிலை பொருட்களுக்கு நிரந்தர தடை விதிக்க முடியாது: நீதிமன்றம் உத்தரவு! 0 இருளர் பழங்குடி செயல்பாட்டாளர்களுக்கு பத்ம விருதுகள்! 0 ஜெயலலிதா பயன்படுத்திய பொருட்கள் ஏலம்: நீதிமன்றம் அதிரடி உத்தரவு! 0 நாஞ்சில் சம்பத் மருத்துவமனையில் அனுமதி 0 ஆளுநரின் தேநீர் விருந்து: ஒட்டுமொத்தமாக புறக்கணித்த திமுக கூட்டணி கட்சிகள் 0 தமிழ்நாட்டில் ஆர்.எஸ்.எஸ் அணிவகுப்பு விவகாரம்: தீர்ப்பு தள்ளிவைப்பு 0 "வீட்டை முற்றுகையிடுவோம்": தாமரைக்கு எதிராக ஜல்லிக்கட்டு அமைப்பு 0 மருத்துவம் தொடர்பான சர்ச்சை கருத்துகள்: சித்த மருத்துவர் ஷர்மிகாவிடம் விசாரணை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

நாய் சேகர் ரிட்டர்ன்ஸ்: திரைவிமர்சனம்!

Posted : சனிக்கிழமை,   டிசம்பர்   10 , 2022  14:07:14 IST


Andhimazhai Image

தெய்வ வரம் பெற்ற நாயை மீட்பதற்கு,  ஒருவன் நிகழ்த்தும் காமெடி கலாட்டாதான் ‘நாய் சேகர் ரிட்டர்ன்ஸ்’.

பணக்கார வீட்டு நாய்களை குறிவைத்து கடத்தி அதன் உரிமையாளர்களிடம் பணம் பறிக்கும் கடத்தல் மன்னன் நாய் சேகர் (வடிவேலு). அவர் ரவுடி ஒருவரின் நாயைக் கடத்தி சிக்கலில் மாட்டிக்கொள்கிறார். பின்னர் ஊரைவிட்டுக் கிளம்பலாம் என நினைக்கும்போது, அவரது சொந்த நாயையே ஒருவர் கடத்தி வைத்து, அதன் யோகத்தால் கோடிகளில் புகழடைந்திருப்பதை அறிந்து, அதை மீட்க புறப்படுகிறார். இறுதியில் தனது நாயை நாய் சேகர் மீட்டாரா? இல்லையா? இதற்கிடையில் என்ன நடந்தது என்பதுதான் படத்தின் திரைக்கதை.

நீண்ட இடைவெளிக்குப் பிறகு வடிவேலு நடிக்கும் படம் என்பதால் படத்தின் மீதான எதிர்பார்ப்பு எக்கச்சக்கமாக இருந்தது. நாயை திருடி உரிமையாளர்களை மிரட்டுவது, மாட்டிக் கொண்டால் சாமார்த்தியமாக சமாளிப்பது, அடி வாங்கி அவதிப்படுவது என வடிவேலு தனது நடிப்பால் அசத்தியிருக்கிறார். இருந்தாலும்   திரைக்கதையில் எந்த புதுமையும் செய்யாமல் சறுக்கியிருக்கிறார் இயக்குநர் சுராஜ். வடிவேலுவின் குடும்பத்தை பற்றி சொல்லும் காட்சிகள் ஆறுதல் தந்தாலும், சிரிப்பையே வரவைக்காது காமெடிகள் படம் முழுவதும் இருப்பது சோகம்.

வடிவேலுவின் நண்பர்களாக வரும் ரெடின் கிங்ஸ்லி, வில்லனாக வரும் ஆனந்த் ராஜ் செய்யும் காமெடிகள் ஆறுதல்.  ஷிவாங்கி, இட்ஸ் பிரசாந்த், விஜய் டிவி ராமர், லொல்லு சபா மாறன், முனீஸ்காந்த், தங்கதுரை, கே.பி.ஒய் பாலா, சச்சு, ராஜா ராணி கார்த்தி, மனோபாலா என பெரிய காமெடி நடிகர் பட்டாளம் இருந்தாலும் காமெடிக்காக காத்திருக்க வேண்டி உள்ளது. மற்றொரு வில்லனாக வரும் ராவ் ரமேஷ் கொஞ்சம் மிரட்டுகிறார்.

'டீசன்ட்டான ஆளு', 'அப்பத்தா' என இரு பாடல்களும் ரசிக்கும் ரகம். பின்னணி இசையிலும் சந்தோஷ் நாராயணன் வித்தியாசம் காட்டியிருக்கிறார். காமெடி படத்திற்குத் தேவையான ஜாலியான சில செட்டுகள் ரசிக்கும்படியாக இருக்கின்றன. ஒளிப்பதிவாளர் விக்னேஷ் வாசு, படத்தொகுப்பாளர் ஆர்.கே. செல்வா-வும் ஓரளவு கவனிக்க வைக்கின்றனர்.

 ‘நாய் சேகர் ரிட்டர்ன்ஸ்’ வைகைப் புயலை திருப்பிக் கொடுக்கும் எனப் பார்த்தால் வேகம் குறைந்த மாண்டஸ் புயலாக வந்துள்ளது.

-தா.பிரகாஷ்



 

 

Print

 

கேலரி
புகைப்படத்தொகுப்பு -
மேலும்...