ஓபிஎஸ் இளைய மகன் தேர்தலில் போட்டியிட 100க்கும் மேற்பட்டோர் விருப்ப மனு!

தமிழக துணை முதல்வரும் அதிமுக ஒருங்கிணைப்பாளருமான ஓ.பன்னீர்செல்வத்தின் இளைய மகன் ஜெயபிரதீப் பெயரில், சட்டமன்ற தேர்தலில் போட்டியிட நூற்றுக்கும் மேற்பட்டோர் விருப்ப மனுத் தாக்கல் செய்திருக்கின்றனர்.

அதிமுக வேட்பாளர்களுக்கான விருப்ப மனு இன்றுடன் நிறைவடைவதாக அறிவிக்கப்பட்டுள்ள நிலையில், இதுவரை 5 ஆயிரத்து 500 விண்ணப்பங்கள் வினியோகம் செய்யப்பட்டுள்ளன.

அந்தவகையில், தமிழக துணை முதல்வரும், அதிமுக ஒருங்கிணைப்பாளருமான ஓ.பன்னீர்செல்வத்தின் இளைய மகன் ஜெயபிரதீப் பெயரில் அவருடைய ஆதரவாளர்கள் கம்பம், வில்லிவாக்கம், கொளத்தூர் ஆகிய சட்டமன்றத் தொகுதிகளில் போட்டியிடுவதற்கு நூற்றுக்கும் மேற்பட்டோர் விருப்ப மனுத் தாக்கல் செய்திருக்கிறார்கள்.