அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 ஆட்சி செய்பவர்கள் ஏன் கொரோனா தடுப்பூசி செலுத்திக்கொள்ளவில்லை? காங். எம்.பி கேள்வி 0 சிறந்த மாடுபிடி வீரர்களுக்கு அரசுப்பணியில் முன்னுரிமை: அமைச்சர் தகவல் 0 தடுப்பூசி போட்டுக் கொண்ட 2783 பேருக்கும் எந்த பாதிப்பும் இல்லை : அமைச்சர் விஜயபாஸ்கர் 0 “கொரோனா தடுப்பூசியை நானும் போட்டுக்கொள்வேன்” - முதலமைச்சர் பழனிசாமி “கொரோனா 0 கொரோனா தடுப்பூசி திட்டத்தை தொடங்கி வைத்தார் பிரதமர் மோடி 0 தமிழகத்தில் 166 மையங்களில் கொரோனா தடுப்பூசி 0 மத்திய அரசு - விவசாயிகள் இடையேயான பேச்சுவார்த்தை மீண்டும் தோல்வி 0 பொங்கல்: உச்சம் தொட்ட டாஸ்மாக் மது விற்பனை! 0 அயோத்தியில் ராமர் கோயில் கட்ட குடியரசுத் தலைவர் ரூ.5 லட்சம் நன்கொடை 0 கமலுக்கு மீண்டும் டார்ச் லைட்! 0 த.மா.கா. நிர்வாகி ஞானதேசிகன் காலமானார்! 0 அனைவரும் திருக்குறளைப் படியுங்கள்: பிரதமர் மோடி பரிந்துரை 0 விவசாயிகள் மத்திய அரசுடன் இன்று மீண்டும் பேச்சுவார்த்தை 0 திமுகவை எதிர்க்க சசிகலாவையும் சேர்த்துக்கொள்ள வேண்டும்! குருமூர்த்தி பரபரப்பு பேச்சு! 0 ஜல்லிக்கட்டு கண்டு ரசித்த ராகுல்காந்தி!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

இந்திய எல்லை முன்பை விட வலிமையாக உள்ளது: மோகன் பகவத்

Posted : செவ்வாய்க்கிழமை,   அக்டோபர்   08 , 2019  22:39:08 IST

மராட்டிய மாநிலம் நாக்பூரில் உள்ள ஆர்.எஸ்.எஸ். தலைமையகத்தில் ஆண்டுதோறும் விஜயதசமி விழா,  கொண்டாடப்படுவது வழக்கம். இந்த ஆண்டு நடந்த விழாவில் சிறப்பு விருந்தினராக எச்.சி.எல். நிறுவன தலைவர் சிவ நாடார் கலந்து கொண்டார். மத்திய அமைச்சர்கள் நிதின் கட்காரி, ஜெனரல் வி.கே.சிங், மராட்டிய மாநில முதலமைச்சர் தேவேந்திர பட்னாவிஸ் உள்ளிட்டோரும் பங்கேற்றனர்.

ஆர்.எஸ்.எஸ். தலைவர் மோகன் பகவத் பேசும்போது,

"பாரதத்தை சேர்ந்த, பாரத மூதாதையர்களின் சந்ததியினர், நாட்டின் புகழுக்கு பாடுபடுபவர்கள், அனைத்து வேற்றுமைகளையும் மதிப்பவர்கள் ஆகிய அனைத்து இந்தியர்களையும் ‘இந்துக்களாகவே’ நாம் பார்க்கிறோம். நாட்டின் அடையாளத்தை பற்றிய நமது பார்வை மிகவும் தெளிவானது. பாரதம் என்பது இந்துஸ்தான், இந்து ரா‌‌ஷ்டிரம் என்பதுதான் எங்கள் பிரகடனம்.

நாட்டு மக்கள் அனைவரும் இணக்கமாக வாழ வேண்டும். அனைவரும் சட்டத்துக்கு உட்பட்டு வாழ வேண்டும். நமது தொண்டர்கள் அந்த கண்ணோட்டத்தில் வளர்க்கப்பட்டவர்கள். இதை விரும்பாதவர்கள் பாரதத்தில் உள்ளனர். வளர்ந்த பாரதமானது, அந்த சக்திகளின் மனதில் அச்சத்தை ஏற்படுத்துகிறது. பாரதம் வலிமையாகவோ, துடிப்பானதாகவோ இருப்பதை அவர்கள் விரும்புவது இல்லை.

இந்த ஆண்டு நாடாளுமன்ற தேர்தல் சுமுகமாக நடக்குமா என்பதை அறிய உலகமே ஆவலாக இருந்தது. இந்தியாவில் ஜனநாயகம் என்பது வேறு நாட்டில் இருந்து இறக்குமதி செய்யப்பட்டது அல்ல. பல நூற்றாண்டுகளாக நடைமுறையில் இருக்கும் வழக்கம்.

இந்தியாவின் எல்லைகள், முன்எப்போதையும் விட பாதுகாப்பாக உள்ளன. கடலோர பாதுகாப்பில் கூடுதல் கவனம் செலுத்த வேண்டும். சாலை மார்க்க எல்லையிலும், கடல்சார் எல்லையிலும் கண்காணிப்பை தீவிரப்படுத்த வேண்டும்.

உலக பொருளாதார மந்தநிலை, எல்லாநாடுகளிலும் பாதிப்பை ஏற்படுத்தி உள்ளது. அதை சமாளிக்க கடந்த ஒன்றரை மாதமாக மத்திய அரசு பல்வேறு நடவடிக்கைகளை எடுத்துள்ளது. நமது சமுதாயம், தொழில்முனைவோர் சார்ந்தது. எனவே, இந்த சவால்களில் இருந்து மீண்டு எழும்.

நாட்டில் கும்பல் வன்முறைகள் நடப்பது கவலை அளிக்கிறது. ‘லிஞ்சிங்’ (அடித்து கொலை) என்ற வார்த்தை, இந்திய பண்பாட்டில் வந்ததல்ல. அது, ஒரு மத அடையாளம் கொண்டது. இந்தியர்களாகிய நாம் சகோதரத்துவத்தில் நம்பிக்கை கொண்டவர்கள்.

அது ஒரு மேலைநாட்டு வார்த்தை. இந்தியர்கள் மீது அதை திணிக்காதீர்கள். இந்தியாவை களங்கப்படுத்தும்வகையில், இந்திய சூழலில் அந்த வார்த்தையை பயன்படுத்த வேண்டாம்" இவ்வாறு பேசினார்.



click here
 

 

Print

 

கேலரி
புகைப்படத்தொகுப்பு -
மேலும்...