அமைச்சர் விஜயபாஸ்கரிடம் ஆறுமுகசாமி ஆணையம் 7 மணிநேரம் விசாரணை!

ஜெயலலிதா மரணம் தொடர்பாக விசாரித்து வரும் ஆறுமுகசாமி ஆணையம் முன், சுகாதாரத்துறை அமைச்சர் விஜயபாஸ்கர் முதன்முறையாக ஆஜராகி சாட்சியம் அளித்தார். இந்த விசாரணை 7 மணி நேரம் நீடித்தது.

 

ஜெயலலிதா மரணம் தொடர்பாக இதுவரை 140 பேர், ஆறுமுகச்சாமி விசாரணை ஆணையத்தால் விசாரிக்கப்பட்டுள்ளனர். டிசம்பர் 18, ஜனவரி 7 மற்றும் ஜனவரி 10 ஆகிய தேதிகளில் ஆஜராகுமாறு, அமைச்சர் விஜயபாஸ்கருக்கு சம்மன் அனுப்பப்பட்டிருந்தது. அதன்படி ஆஜரான அவரிடம் ஜெயலலிதாவிற்கு வெளிநாட்டில் சிகிச்சை வழங்குவது தொடர்பாக, என்ன முடிவெடுக்கப்பட்டது என்பது பற்றி, விசாரணை நடத்தப்பட்டது.