???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 தொழிற்நுட்ப கோளாறு: சந்திரயான்-2 தற்காலிக நிறுத்தம் 0 காங்கிரஸ் தலைவர்களால் அச்சுறுத்தல்: கர்நாடக அதிருப்தி எம்.எல்.ஏக்கள் காவல்துறைக்கு கடிதம் 0 புதிய தேசிய கல்விக் கொள்கை குறித்து ஆராய திமுக சார்பில் ஆய்வுக்குழு அமைப்பு 0 ஆசிரியர்களுக்கு பயோ மெட்ரிக் வருகைப் பதிவு முறை: பள்ளிக்கல்வித்துறை எச்சரிக்கை 0 புதிய கல்விக் கொள்கை குறித்து விமர்சித்த நடிகர் சூர்யாவுக்கு ஹெச். ராஜா கண்டனம் 0 அத்திவரதரை வழிபடுவதற்கான நேரத்தை அதிகரிக்க வேண்டும்: விஜயகாந்த் 0 உயர்நீதிமன்றத் தீர்ப்புகள் தமிழிலும் வெளியிடவேண்டும்: குடியரசுத் தலைவர் 0 அஞ்சல்துறைத் தேர்வு முடிவுகளை வெளியிடத் தடை! 0 இந்தித் திணிப்பில் தமிழ்நாட்டின் நிலைப்பாடு மாறாது: கமல்ஹாசன் உறுதி 0 ராஜினாமா செய்த எம்.எல்.ஏ.க்களை தகுதிநீக்கம் செய்யக்கூடாது: உச்சநீதிமன்றம் உத்தரவு 0 ஸ்விக்கி தலைமை பொறுப்பாளராக தமிழகத்தை சேர்ந்த திருநங்கை நியமனம் 0 தமிழகத்தில் அடுத்த 3 நாட்களுக்கு கனமழை பெய்யும்: வானிலை ஆய்வு மையம் 0 சென்னை மண்ணடியில் உள்ள வஹாபி இஸ்லாம் அலுவலகத்தில் என்.ஐ.ஏ. சோதனை 0 எதிர்ப்பை மீறி நியூட்ரினோ ஆய்வு மையத்திற்கு மத்திய அரசு அனுமதி: மு.க. ஸ்டாலின் கண்டனம் 0 நடமாடும் டாஸ்மாக் வேண்டும்: எம்.எல்.ஏ. தனியரசு கோரிக்கை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

மேகதாது அணை தொடர்பாக தமிழக சட்டப்பேரவையின் சிறப்புக்கூட்டம்!

Posted : செவ்வாய்க்கிழமை,   டிசம்பர்   04 , 2018  22:21:18 IST

தமிழக சட்டப்பேரவையின் சிறப்புக் கூட்டம் நாளை மாலை 4:00 மணிக்கு நடைபெறும் என்று ஆளுநர் மாளிகை அவசர அறிக்கை வெளியிட்டுள்ளது. அந்த அறிக்கையில் எதற்காக தமிழக சட்டமன்றம் கூடுகிறது என்ற எந்த அறிவிப்பும் இல்லை. இந்நிலையில், காவிரியின் குறுக்கே மேகதாது பகுதியில் அணை கட்டுவதற்கான விரிவான திட்ட அறிக்கை தயாரிக்க கர்நாடக அரசுக்கு அளித்த அனுமதியை ரத்து செய்ய வலியுறுத்தி தீர்மானம் நிறைவேற்றப்படும் என்று எதிர்பார்க்கப்படுகிறது.
 
காவிரியில் தமிழகத்துக்கு உரிய நீரை தர மறுத்துவரும் கர்நாடக அரசு, மேகதாது பகுதியில் அணை கட்டும் முயற்சியில் ஈடுபட்டுள்ளது. இந்த அணைக்கான வரைவு அறிக்கைக்கு ஒப்புதல் அளித்துள்ள மத்திய நீர்வள ஆணையம், விரிவான திட்ட அறிக்கை தயாரிக்கவும் அனுமதி அளித்துள்ளது. இதற்கு கண்டனம் தெரிவித்து பிரதமர் நரேந்திர மோடிக்கு முதலமைச்சர் எடப்பாடி பழனிசாமி ஏற்கனவே கடிதம் எழுதியுள்ளார்.
 
மேலும், மத்திய அரசின் செயலைக் கண்டித்து, திருச்சியில் திமுக தலைவர் மு.க.ஸ்டாலின் தலைமையில் எதிர்க்கட்சிகள் நேற்று கண்டனப் போராட்டம் நடத்தின. இதில், காங்கிரஸ், இடதுசாரிகள் உள்ளிட்ட கட்சிகளின் தலைவர்கள் கலந்துகொண்டனர். இந்நிலையில், தமிழக சட்டப்பேரவை நாளை மாலை 4:00 மணிக்கு கூடும் என்று ஆளுநர் பன்வாரிலால் புரோகித் அறிவித்துள்ளார். இந்த சிறப்புக்  கூட்டத்தில், மேகதாது பகுதியில் அணை கட்டுவதற்கான விரிவான திட்ட அறிக்கை தயாரிக்க அளிக்கப்பட்ட அனுமதியை ரத்து செய்ய வேண்டும் என்றும், காவிரியின் குறுக்கே எந்த அணையை கட்டவும் அனுமதி அளிக்கக் கூடாது என்றும் ஒருமனதாக தீர்மானம் நிறைவேற்றப்படும் என்று கூறப்படுகிறது. இந்தத் தீர்மானம் மத்திய அரசுக்கு அனுப்பிவைக்கப்படும் என்று தகவல்கள் தெரிவிக்கின்றன.
 
இந்நிலையில், அதிமுக நாடாளுமன்ற உறுப்பினர்கள் கூட்டம், ராயப்பேட்டையில் உள்ள கட்சி தலைமை அலுவலகத்தில் இன்று மாலை 5:00 மணிக்கு நடைபெறுகிறது. கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் தலைமையில் நடைபெறும் இந்தக் கூட்டத்தில், வரும் 11-ம் தேதி தொடங்கும் நாடாளுமன்றக் கூட்டத் தொடரில் எவ்வாறு செயல்பட வேண்டும் என்று எம்.பி.க்களுக்கு அறிவுரை வழங்கப்படுகிறது. மேலும், நாடாளுமன்றத்தில் மேகதாது அணை விவகாரத்தை எழுப்ப வேண்டும் என்றும் வலியுறுத்தப்படும் என்று தகவல்கள் தெரிவிக்கின்றன.
 


click here
 

 

Print

 

கேலரி
புகைப்படத்தொகுப்பு -
மேலும்...