???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 எதிர்பார்த்த தொகுதிகள் எங்களுக்கு கிடைத்ததில் மகிழ்ச்சி: கே.எஸ்.அழகிரி 0 கல்லைக் கட்டிக்கொண்டு எடப்பாடி கிணற்றில் இறங்கியுள்ளார்: டிடிவி தினகரன் 0 காலியானதாக அறிவிக்கப்பட்டது ஒசூர் தொகுதி 0 11 ஐ.பி.எஸ் அதிகாரிகளை இடம் மாற்றி தமிழக அரசு உத்தரவு 0 விஜயகாந்த்தின் உடல்நலம் விசாரித்தார் பியூஷ் கோயல் 0 உச்சத்தைத் தொட்டது தங்கத்தின் விலை! 0 அதிமுக கூட்டணியில் பா.ஜ.கவுக்கு 5 தொகுதிகள் ஒதுக்கீடு 0 அதிமுக-வுடன் பணத்திற்காகவே பாமக கூட்டணி:மு.க.ஸ்டாலின் 0 பாஜக தலைவர் அமித் ஷா வருகை திடீர் ரத்து! 0 செயல்பாட்டாளர் முகிலன் மாயம்: காவல் ஆணையர் பதிலளிக்க உத்தரவு 0 திமுக - காங்கிரஸ் இடையே இறுதிக்கட்ட பேச்சுவார்த்தை 0 ஸ்டெர்லைட் ஆலையை திறக்க உச்ச நீதிமன்றம் தடை 0 ஆறுமுகசாமி ஆணையத்தின் முன் ஆஜராவதில் மீண்டும் விலக்கு கேட்டார் ஓ.பி.எஸ்.! 0 அமித்ஷா இன்று சென்னை வருகை! 0 பி.எஸ்.என்.எல் நிறுவனத்தை மீட்கத் தீவிரமாக முயல்கிறோம்: தொலைத்தொடர்பு அமைச்சகம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

மேகதாது அணை: தமிழகம் தொடர்ந்த வழக்கு அடுத்தவாரம் விசாரணை

Posted : புதன்கிழமை,   டிசம்பர்   05 , 2018  21:39:13 IST

மேகதாது அணை தொடர்பாக மத்திய அரசு அளித்த அனுமதிக்கு எதிராக தமிழக அரசு தொடர்ந்த வழக்கு உச்ச நீதிமன்றத்தில் அடுத்த வாரம் விசாரணைக்கு வருகிறது.
 
காவிரியின் குறுக்கே மேகதாதுவில் அணை கட்டுவதற்கு கர்நாடகாவுக்கு மத்திய அரசு அளித்த அனுமதிக்கு எதிராக உச்ச நீதிமன்றத்தில் தமிழக அரசு தொடர்ந்த வழக்கு அடுத்த வாரம் விசாரணைக்கு வரவுள்ளது.
 
காவிரி ஆற்றின் குறுக்கே மேகதாது பகுதியில் அணை கட்டுவதற்கு கர்நாடக அரசு தொடர்ந்து முயற்சி செய்துவருகிறது. அதன் ஒரு பகுதியாக 5,912 கோடி ரூபாய் செலவில் மேகதாதுவில் அணை கட்டுவதற்கான சாத்தியக்கூறுகள் அடங்கிய அறிக்கையை மத்திய நீர் ஆணையத்திற்கு அனுப்பியது. கர்நாடக அரசு அனுப்பிய அறிக்கையை ஏற்றுக்கொண்ட நீர் ஆணையம், மேகதாது அணையின் விரிவான திட்ட அறிக்கையை தயாரித்து தாக்கல் செய்ய அனுமதி வழங்கியது.
 
இதற்கு தமிழக அரசியல் கட்சிகள் கடுமையான கண்டனங்கள் தெரிவித்தன. மத்திய நீர் ஆணையத்தின் அனுமதியை எதிர்த்து தமிழக அரசு உச்சநீதிமன்றத்தில் வழக்கு தொடர்ந்தது. அந்த மனுவில், காவிரியின் குறுக்கே ரூ. 5912 கோடி செலவில் மேகதாதுவில் அணை கட்டுவதற்கான திட்ட அறிக்கையை தாக்கல் செய்ய கர்நாடக அரசிற்கு வழங்கப்பட்டிருக்கும் அனுமதியை ரத்து செய்ய வேண்டும் என கோரப்பட்டுள்ளது. இந்த மனுவை அவசர வழக்காக விசாரிக்க வேண்டும் என தமிழக அரசின் வழக்கறிஞர் உமாபதி தலைமை நீதிபதி ரஞ்சன் கோகோய் அமர்வில் முறையிட்டார். தமிழக அரசின் கோரிக்கையைக் கேட்ட நீதிபதிகள் வழக்கினை அடுத்தவாரம் விசாரணைக்கு எடுத்துக் கொள்ளப்படும் என தெரிவித்தனர்.
 


click here
 

 

Print

 

கேலரி
புகைப்படத்தொகுப்பு -
மேலும்...