???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 முதலமைச்சர் பழனிசாமி மருத்துவ நிபுணர்கள் குழுவுடன் இன்று ஆலோசனை 0 விமானம், ரயில் நிலையங்களில் டாக்சி, ஆட்டோக்களுக்கு அனுமதி 0 5 வயது சிறுவன் தாயைக் காண தனி ஆளாக விமானப் பயணம்! 0 இந்தியா உள்பட கூடுதலாக 11 நாட்டு மக்களுக்கு ஜப்பானில் நுழைய தடை 0 நாடாளுமன்ற நிலைக்குழு கூட்டங்கள் நடத்த ஏற்பாடு: வெங்கையா நாயுடு, ஓம் பிர்லா ஆலோசனை 0 கால்வாய் தூர்வாரும் பணிகளை போர்க்கால அடிப்படையில் நிறைவேற்ற வேண்டும்: மு.க.ஸ்டாலின் வலியுறுத்தல் 0 விமான போக்குவரத்து தொடங்கியது: முதல் நாளில் 630 விமானங்கள் ரத்து 0 தொழிலாளர் நல சட்டத்தில் சீர்திருத்தம் மட்டுமே செய்யப்படுகிறது: நிதி ஆயோக் துணைத்தலைவர் 0 தமிழகத்தில் 17,000ஐ கடந்த கொரோனா பாதிப்பு: மேலும் 805 பேர் பாதிப்பு 0 தமிழகம்-புதுவையில் ரம்ஜான் கொண்டாட்டம்: சமூக விலகலைக் கடைப்பிடித்து தொழுகை! 0 வைரஸ் எங்கள் ஆய்வுக்கூடத்தில் இருந்து கசிந்ததாக கூறுவது கட்டுக்கதை: உகான் வைராலஜி நிறுவனம் 0 தமிழகத்தில் இலவச மின்சார திட்டம் தொடரும் அமைச்சர் பி.தங்கமணி தகவல் 0 உலகில் அமைதி நிலவட்டும், அன்பு தழைக்கட்டும், மகிழ்ச்சி பெருகட்டும்: முதலமைச்சர் ரம்ஜான் வாழ்த்து! 0 ரத்து செய்யப்பட்ட விமான சேவை மீண்டும் தொடங்கியது 0 ஒரே நாளில் 7 ஆயிரம் பேருக்கு கொரோனா தொற்று உறுதி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

வாக்கு எண்ணும் பணி குறித்து தேர்தல் அதிகாரிகள் ஆலோசனை

Posted : புதன்கிழமை,   மே   15 , 2019  00:34:29 IST

வாக்கு எண்ணும் பணிகள் குறித்து சென்னையில் 4 மாநில தேர்தல் அதிகாரிகளுடன் தலைமை தேர்தல் ஆணைய அதிகாரிகள் இன்று ஆலோசனை நடத்த உள்ளனர். அப்போது வாக்கு எண்ணிக்கை குறித்த செய்முறை விளக்கமும் அளிக்கப்பட உள்ளது.

நாடு முழுவதும் 6 கட்ட வாக்குப்பதிவு நிறைவடைந்த நிலையில், இறுதிகட்ட வாக்குப்பதிவு வரும் 19-ம் தேதி நடைபெற உள்ளது. அன்றைய தினம் தமிழகத்தில் 4 சட்டமன்ற தொகுதிகளில் இடைத்தேர்தல் மற்றும் 13 வாக்குச்சாவடிகளில் மறுவாக்குப்பதிவும் நடைபெற உள்ளது.

தேர்தலில் பதிவான வாக்குகள் வரும் 23-ம் தேதி எண்ணப்பட்டு முடிவுகள் அறிவிக்கப்பட உள்ளன. இந்நிலையில், வாக்கு எண்ணும் பணிகள் தொடர்பாக தலைமை தேர்தல் ஆணையத்தின் துணை ஆணையர்கள் சந்தீப் சக்சேனா, சுதீப் ஜெயின் ஆகியோர் இன்று சென்னையில் ஆலோசனை நடத்த உள்ளனர்.

கிண்டியில் உள்ள தனியார் ஹோட்டலில் நடைபெறும் இந்த கூட்டத்தில், தமிழகம், கேரளா, புதுச்சேரி, குஜராத் மாநில அதிகாரிகள் மற்றும் யூனியன் பிரதேசமான லட்சத்தீவுகளின் தேர்தல் அதிகாரிகள் பங்கேற்க உள்ளனர்.

அப்போது, மின்னணு வாக்குப்பதிவு இயந்திரத்துடன் ஒவ்வொரு சட்டமன்ற தொகுதியிலும் 5 வாக்குச்சாவடிகளில் பதிவான ஒப்புகைச்சீட்டுகளை எண்ண வேண்டும் என்ற உச்சநீதிமன்றம் உத்தரவுப்படி, வாக்கு எண்ணிக்கையை நடத்துவது குறித்து தலைமை தேர்தல் ஆணையர்கள் விளக்கமளிக்க உள்ளனர்.

இதைத்தொடர்ந்து, மின்னணு வாக்கு இயந்திரத்துடன் ஒப்புகைச்சீட்டுகளையும் ஒரு சேர எண்ணுவது குறித்த செய்முறை விளக்கமும் அளிக்க உள்ளனர். இந்த தேர்தலில் முதல்முறையாக ஒப்புகைச்சீட்டுகளுடன் மின்னணு வாக்கு இயந்திரத்தில் பதிவான வாக்குகளை ஒப்பிடப்படுவதால் தேர்தல் முடிவுகள் வெளியாவதில் சிறிது தாமதம் ஏற்படும் என அதிகாரிகள் தெரிவித்துள்ளனர்.



click here
 

 

Print

 

கேலரி
புகைப்படத்தொகுப்பு -
மேலும்...