அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 எட்டாவது முறை பீகார் முதலமைச்சராகப் பதவியேற்றார் நிதிஷ்குமார்! 0 பிளவுகளைக் கடந்து நிச்சயமாக அதிமுக ஒன்றிணையும் – சசிகலா 0 ஒன்றாகத் தேர்வு எழுதி, ஒன்றாகத் தேர்ச்சி பெற்று, அரசு வேலைக்கு செல்லும் தாய் – மகன்! 0 பிரியங்கா காந்திக்கு மீண்டும் கொரோனா தொற்று உறுதி! 0 போதைப் பொருள் விற்பவர்கள் சொத்துகள் முடக்கப்படும் – முதலமைச்சர் 0 நிதிஷ் குமார் செய்தது நம்பிக்கை துரோகம்: பா.ஜ.க. 0 கள்ளக்குறிச்சி கலவர வழக்கில் கைதான 64 பேருக்கு நிபந்தனை ஜாமீன் 0 அரசியல் பேச ஆளுநர் மாளிகை கட்சி அலுவலகம் அல்ல: சிபிஐ(எம்) கண்டனம் 0 முல்லை பெரியாறு அணை பாதுகாப்பாக உள்ளது: மு.க.ஸ்டாலின் பதில் 0 பீகாரை போல் ஜனநாயக சக்திகள் ஒன்றிணைய வேண்டும்: திருமாவளவன் 0 நான் பேசியது சட்டத்துக்கு புறம்பானது இல்லை: கனல் கண்ணன் முன்ஜாமீன் கோரி மனுத்தாக்கல் 0 செஸ் ஒலிம்பியாட்: தங்கம் வென்ற தமிழக வீரர்கள்! 0 ஆட்சி அமைக்க உரிமை கோரினார் நிதீஷ் குமார்! 0 அதிமுகவின் முதல் எம்பியான மாயத்தேவர் காலமானார்! 0 அரசியல் அலுவலகமா ஆளுநர் மாளிகை? கே.பாலகிருஷ்ணன் கண்டனம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

அதிபர் தேர்தலில் இரணிலுக்கு ஆதரவு - இராஜபக்சே கட்சி முடிவு

Posted : வெள்ளிக்கிழமை,   ஜுலை   15 , 2022  18:44:41 IST

இலங்கையின் அரசு அதிபர் கோத்தாபய இராஜபக்சே பதவிவிலகியதை அந்நாட்டின் நாடாளுமன்ற சபாநாயகர் அபேவர்த்தன இன்று காலை முறைப்படி அறிவித்தார். அதையடுத்து தற்காலிக அதிபராக பிரதமர் இரணில் விக்கிரமசிங்கே பதவியேற்றுக்கொண்டார். இலங்கை உயர்நீதிமன்றத் தலைமைநீதிபதி அவருக்குப் பதவிப்பிரமாணம் செய்துவைத்தார். 

 

நாளை 16ஆம் தேதி நாடாளுமன்றம் கூடியபின்னர், அரசுத் தலைவர் தேர்தலுக்கான நடவடிக்கைகள் தொடங்கும். அதிபர் தேர்தலுக்கான வேட்புமனுத் தாக்கல் 19ஆம் தேதி தொடங்கும். அந்நாட்டின் அரசமைப்பின்படி, நாடாளுமன்ற உறுப்பினர்கள் வாக்களித்து அதிபரைத் தேர்ந்தெடுப்பார்கள். 20ஆம் தேதியன்று வாக்குப்பதிவு நடத்தப்படும் என முன்னரே அறிவிக்கப்பட்டுள்ளது. 

 

இதில், நாடாளுமன்ற உறுப்பினர்கள் தங்களுக்குள் ஒருவரைத் தேர்வுசெய்வார்கள். இப்போதைக்கு, தற்காலிக அதிபராக இருக்கும் இரணில் விக்கிரமசிங்கே, எதிர்க்கட்சித்தலைவர் சஜித் பிரேமதாசா, மகிந்த இராஜபக்சே கட்சியின் முன்னாள் அமைச்சர் டலஸ் அழகப்பெரும ஆகியோரும் போட்டியிடுவது உறுதியாகியுள்ளது. 

 

மகிந்த தலைமையிலான இலங்கை பொதுசன முன்னணியில் இடையில் அதிருப்தி அடைந்த அழகப்பெருமவுக்கு ஆதரவளிக்காது என அக்கட்சியின் பொதுச்செயலாளர் சாகர காரியவசம் இன்று அறிவித்தார். 

 

இலங்கை அரசியலில் நிலவிவரும் குழப்பம், கொந்தளிப்புக்கு இடையே நேரெதிராகச் செயல்பட்டுவந்த இரணிலும் இராஜபக்சேக்களும் கோத்தாபயவின் தப்பியோட்டத்தை முன்னிட்டு, இணக்கமாகியுள்ளனர். கோத்தாபய தப்பிய தகவல் தெரிந்தும் இரணில் அதை வெளியில் சொல்லவில்லை என போராட்டக்காரர்களும் எதிர்க்கட்சியினரும் அவரைக் கடுமையாகச் சாடிவருகின்றன. இந்த சூழலில் இரணிலுக்கே ஆதரவு என இராஜபக்சே தரப்பு தீர்மானித்திருப்பது, அவர்களுக்கு இடையிலான கூட்டை உறுதிப்படுத்தியுள்ளது. 


English Summary
Mahinda's SLPP supports Ranil in President election

 

 

Print

 

கேலரி
புகைப்படத்தொகுப்பு -
மேலும்...