அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 கட்டா குஸ்தி: திரைவிமர்சனம்! 0 இந்தியா முழுமைக்கும் ஒரே மொழி அமல்படுத்துவதை நான் எதிர்க்கிறேன்: கிரண் ரிஜிஜு 0 தமிழகத்தில் அனைத்து கோவில்களில் செல்போன் பயன்படுத்த தடை! 0 தமிழகத்தில் 5 நாட்கள் மிதமான மழையே பெய்யும்! 0 அறப்போர் இயக்கத்துக்கு எதிராக நீதிமன்ற படியேறிய எடப்பாடி பழனிசாமி 0 பிரதமர் பாதுகாப்பில் குளறுபடி: ஆளுநர் விளக்கம் கேட்டு கடிதம் 0 வங்கிக் கணக்கு இல்லாத ரேசன் அட்டைதாரர்களுக்கு புதிய வங்கிக் கணக்கு தொடக்கம்: தமிழக அரசு 0 மும்பையில் தென்கொரிய பெண்ணுக்கு பாலியல் தொல்லை! 0 குஜராத் முதற்கட்ட தேர்தலில் 60.20% வாக்குப்பதிவு! 0 ஆளுநரின் ஒப்புதலுக்காக காத்திருக்கும் 21 மசோதாக்கள்: அமைச்சர் ரகுபதி குற்றச்சாட்டு 0 கீர்த்தி சுரேஷ் புகைப்படத்தை டிபியாக வைத்து 40 லட்சம் ஏமாற்றிய பெண்! 0 பாகிஸ்தானை பதம்பார்த்த இங்கிலாந்து! ஒரே நாளில் 506 ரன்கள் குவித்து உலகசாதனை! 0 தமிழகத்தில் அடுத்த ஐந்து நாட்களுக்கு மழை! 0 'கடைமையை செய்யாமல் தேவையில்லாதவற்றை ஆளுநர் பேசுகிறார்' – கி.வீரமணி 0 ஆன்லைன் ரம்மி தடை விவகாரம்: கவர்னருடன் சட்டத்துறை அமைச்சர் ரகுபதி சந்திப்பு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

லவ் டுடே: திரைவிமர்சனம்!

Posted : வெள்ளிக்கிழமை,   நவம்பர்   04 , 2022  18:51:40 IST


Andhimazhai Image

சமூகவலைதளங்களின் வருகை ஆண் பெண் உறவை எளிதாகியிருந்தாலும், காதலுக்கு நம்பிக்கை முக்கியம் என்பதை கலகலப்பாகவும் கிளுகிளுப்பாகவும் சொல்லும் திரைப்படமே ‘லவ் டுடே’ திரைப்படம்.


சமூகவலைதளம் மூலம் காதலர்களாகின்றனர் நாயகன் உத்தமன் பிரதீப்பும் (பிரதீப் ரங்கநாதன்) நாயகி நிகிதாவும் (இவானா). இருவரும் ஒருவரையொருவர் புரிந்து வைத்திருப்பதாக நம்புகின்றனர். இதனைத் தொடர்ந்து, அவர்களின் காதல் நாயகியின் தந்தைக்கு( சத்யராஜ்) தெரிய வருகிறது. காதலை ஏற்றுக்கொள்ளும் அவரோ, கோரிக்கை ஒன்று வைக்கிறார்.  அதாவது, ஒரே ஒரு நாள், இருவரின் செல்போனையும் மாற்றிக்கொள்ள வேண்டும். சிறிய யோசனைக்குப் பின் காதலர்கள் ஒப்புக்கொண்டு தங்களின் செல்போன்களை மாற்றிக்கொள்கிறார்கள்.


இதன்பின், நாயகன் தன் காதலியின் வாட்ஸ்ஆப், இன்ஸ்டாகிராம் குறுஞ்செய்திகளைத் திறந்து பார்த்ததும் அதிர்ச்சி அடைகின்றார். அதே அதிர்ச்சி நாயகிக்கும் காத்திருக்கிறது. இதுவரை, ஒருவரைப் பற்றி ஒருவர் புரிந்து வைத்திருந்த விஷயங்கள் அனைத்தும் பொய் என தெரிய வர, அடுத்து என்ன நிகழ்கிறது என்பதுதான்  படத்தின் மீதிக் கதை.


காதலுக்கு நம்பிக்கை முக்கியம் என்பதை, இன்றைய இளைஞர்களின் வாழ்க்கைச்சூழலோடு இணைத்து, காமெடிக்கு பஞ்சமில்லாத திரைக்கதையை எழுதியிருக்கிறார் இயக்குநர் பிரதீப் ரங்கநாதன். அவரே இந்த படத்தின் நாயகன்.  


காதலர்களுக்குள் உண்டாகும் மனப்போராட்டங்கள், தவிப்பு, சகிப்புத்தன்மை என படம் விரிகிறது. முதல்பாதி முழுக்க வயிறு குலுங்க வைக்கும் காமெடிகள். அதிலும் சத்யராஜ் மற்றும் பிரதீப் சந்திக்கும் காட்சிகளுக்கு தியேட்டரில் அப்படியொரு விசில் சத்தம். இரண்டாம் பாதியில் சிறிய தடுமாற்றங்கள் இருந்தாலும், அவை பெரிய குறையாகத் தெரியவில்லை.


அம்மாவை சமாளிக்கும் குணம், ரகசியங்களைத் தெரிந்துகொள்ளும் ஆர்வம், யாரையும் நம்பமுடியாத கையறு நிலை போன்ற காட்சிகளில் இயக்குநர் பிரதீப் ரங்கநாதன் சிறப்பான நடிப்பை வெளிப்படுத்தியுள்ளார். முதல் படம் என்று தெரியாத அளவிற்கு அட்டகாசமான நடிப்பை கொடுத்துள்ளார். நாயகி இவானாவின் நடிப்பு யதார்த்தம். சத்யராஜ், நாயகனின் அம்மாவாக நடித்த ராதிகா சரத்குமார், யோகி பாபு, நாயகனின் நண்பர்கள் என அனைவரும் சிறப்பான நடிப்பை வெளிப்படுத்திப் படத்தின் வெற்றிக்கு பலமாக அமைந்துள்ளனர்.


யுவன்ஷங்கர் ராஜாவின் பாடல்கள் ஓரளவு ரசிக்க வைத்தாலும், பின்னணி இசையில் அசத்தியிருக்கிறார்.


இன்றைய நவீன யுகத்தில் வேவுபார்ப்பது, சந்தேகப்படுவது உறவுகளுக்குள் என்ன மாதிரியான விரிசலை ஏற்படுத்தும் என்பதை படம் அழுத்தமாக பேசுகிறது. தலைப்புக்கு ஏற்ற கதை என்பதால் இளைஞர்கள் கொண்டாடும் வெற்றிப் படமாக ‘லவ் டுடே’ இருக்கும்.



 

 

Print

 

கேலரி
புகைப்படத்தொகுப்பு -
மேலும்...