ஜனநாயகத்தை நொறுக்கப் பார்க்கிறது பாஜக: குமாரசாமி குற்றச்சாட்டு

பெரும்பான்மை இல்லாத எடியூரப்பா ஏன் ஆட்சியமைக்க அழைக்கப்பட்டார் என மஜத தலைவர் குமாரசாமி கேள்வி எழுப்பியுள்ளார். எடியூரப்பா கர்நாடக முதல்வராக பதவியேற்ற நிலையில் செய்தியாளர்களிடம் பேசிய குமாரசாமி, "நரேந்திர மோடி அரசாங்கம், நாட்டில் உள்ள அரசியலமைப்பு சட்டத்தைத் தவறாக பயன்படுத்திக்கொண்டிருக்கிறது. பாஜகவினர் காங்கிரஸ், மஜத எம்.எல்.ஏக்களை விலைக்கு வாங்க துடித்துக்கொண்டிருக்கிறது. இவர்களுக்கு எதிராக நாங்கள் ஒருங்கிணைந்து போராடுவோம்" என பேசினார்.