???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 மோடிக்கு கிடைத்த பெரும் அடி: தேர்தல் முடிவு குறித்து மு.க.ஸ்டாலின் 0 பாஜக செல்வாக்கை இழந்துள்ளது: நடிகர் ரஜினிகாந்த் 0 வெற்றிகரமான தோல்வி!: தேர்தல் முடிவுகள் குறித்து தமிழிசை கருத்து 0 மக்களின் ஆணையை பணிவுடன் ஏற்கிறோம்: பிரதமர் மோடி 0 இது நாட்டு மக்களின் வெற்றி: மம்தா பானர்ஜி கருத்து 0 எதிர்க்கட்சிகள் ஒன்றிணைந்தால் மக்களவைத் தேர்தலில் வெற்றி உறுதி: ராகுல் காந்தி 0 மத்திய பிரதேசத்தில் இழுபறி நீடிப்பு: ஆட்சியமைக்க உரிமை கோரியது காங்.! 0 அமோக வெற்றி பெற்ற சந்திரசேகர் ராவ்! 0 ஐந்து மாநிலத் தேர்தல் முடிவுகள்: மூன்று மாநிலங்களில் ஆட்சியமைக்கிறது காங்கிரஸ்! 0 5 மாநில சட்டசபை தேர்தல்: மூன்று மாநிலங்களில் காங்கிரஸ் முன்னிலை 0 5 மாநில தேர்தல்: வாக்கு எண்ணிக்கை தொடங்கியது 0 விஜய் மல்லையாவை நாடு கடத்த அனுமதி: லண்டன் நீதிமன்றம் தீர்ப்பு 0 மோடி ஆட்சி ஏமாற்றம் அளித்துவிட்டது: ராஜினாமா செய்த மத்திய அமைச்சர் 0 உர்ஜித் படேல் ராஜினாமா வங்கி துறைக்கு பெரும் இழப்பு: பிரதமர் மோடி 0 உர்ஜித் படேல் ராஜினாமா ஒரு எதிர்ப்பு போராட்டம்: ரகுராம் ராஜன் கருத்து
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

இந்தி நாவலாசிரியருக்கு ஞானபீட விருது!

Posted : சனிக்கிழமை,   நவம்பர்   04 , 2017  04:26:10 IST


Andhimazhai Image

இந்தி மொழியின் மூத்த எழுத்தாளர் கிருஷ்ண சோப்தி 2017ஆம் ஆண்டுக்கான ஞானபீட விருதுக்கு தேர்வு செய்யப்பட்டுள்ளார். நேற்று டெல்லியில்  நம்வார்சிங் தலைமையில் கூடிய ஞானபீட விருதுக்குழு ஒருமனதாக கிருஷ்ண சோப்தியைத் தேர்வு செய்தது.

 

இன்றைய பாகிஸ்தானில் உள்ள பஞ்சாப் மாகாணம் குஜராத்தில் 1925 ஆம் ஆண்டு பிறந்த சோப்தி ஒரு சிறந்த நாவலாசிரியர் ஆவார். இதுவரை ஏழு நாவல்களும், நான்கு சிறுகதைத் தொகுப்புகளும், ஐந்து மொழிபெயர்ப்புத் தொகுதிகளும் என எழுத்துலகில் கணிசமான பங்களிப்பை வழங்கியவர் கிருஷ்ண சோப்தி. 1980ஆம் ஆண்டுக்கான சாகித்ய அகாதமி விருதை தனது ஸிந்தகிநாமா என்னும் நாவலுக்காகப் பெற்ற கிருஷ்ண சோப்தி, சாகித்ய அகாதமி பெலோஷிப்பையும் பெற்றுள்ளார் என்பது குறிப்பிடத்தக்கது. இதுவரை வாழ்நாள் இலக்கிய சேவைக்காக கதா சூடாமணி விருது, ஷிரோமணி விருது, ஹிந்தி அகாதமி விருது, ஹிந்தி அகாதமியின் ஷலகா விருது, மைதிலி சரன் குப்தா சம்மான் விருது, க்ராஸ் வோர்ட் விருது என பல விருதுகளையும், அங்கீகாரங்களையும் இவர் பெற்றுள்ளார்.

 

1944 ஆம் ஆண்டு சிறுகதை எழுத்தாளராக இலக்கிய உலகில் அறிமுகம் ஆன கிருஷ்ண சோப்தி பின்னாளில் அதிகமும் நாவல் எழுதுவதில் கவனம் செலுத்தினார். இவரது எழுத்துகள் பெரும்பாலும் இந்திய பாகிஸ்தான் பிரிவினை, ஆண் பெண் உறவுச்சிக்கல்கள், மாறிவரும் சமூகங்களின் நன்மை தீமைகள், அதனால் அதிகமும் பாதிப்புறும் மனித விழுமியங்கள் என இவற்றை மையமிட்டே அமைந்தன. எழுபது ஆண்டுகால இந்தியாவின் சமூக யாதார்த்த வாழ்க்கை இவரது எழுத்துகளில் அழுத்தமாகப் பதிவாகியுள்ளன என்பது மிகையான பாராட்டு அல்ல. ’’எல்லைகளை தவிடு பொடியாக்கிய நாவலாசிரியர் கிருஷ்ண சோப்தி. இந்தி மொழியை தனது படைப்புகளால் வளமூட்டியவர்’’ என்னும் ஞானபீட விருதுக் குழுவின் மனம் நிறைந்த பாராட்டு நமக்கு உணர்த்துவதும் இதைத்தான்.      

 

கிருஷ்ண சோப்தியின்  ’தார் சே பிச்சூடி’, மித்ர மர்ஜனி’, ’தில்-ஓ-தனிஷ்’, ’பத்லொம் கி கர்ஹே’, அ லடுக்கி’ ஆகிய நாவல்கள் ஆங்கிலம், ரஷ்யன் மற்றும் ஸ்வீடிஷ் மொழிகளில் மொழிபெயர்க்கப்பட்டுள்ளன. கிருஷ்ண சோப்தி இந்தி இலக்கிய உலகில் தனது தனித்த எழுத்துநடைக்காகவும், மொழியின் நவீனத்துக்காகவும், பழமையை சாடிய தீவிர கதாபாத்திரங்களுக்காகவும் என்றும் நினைவு கூறப்படுவார் என்பதில் ஐயமில்லை. இந்து உருது மற்றும் பஞ்சாபி மொழிகளின் கலாச்சாரக் கலவை இவரது எழுத்தின் வழி நாம் வாசிக்கமுடியும். 

 

 

- சரோ லாமா -



click here
 

 

Print

 

கேலரி
புகைப்படத்தொகுப்பு -
மேலும்...