???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 மொழித்திமிர் காட்டிய அதிகாரி இந்தி பூமிக்கு மாற்றப்பட வேண்டும்: ராமதாஸ் 0 மக்களைக் காக்க வேண்டிய அரசு கொல்லும் அரசாக மாறிவிட்டது: மு.க.ஸ்டாலின் 0 இடைநீக்கத்தை ரத்து செய்யும் வரை நாடாளுமன்றத்தை எதிர்க்கட்சிகள் புறக்கணிப்பு 0 நவம்பர் முதல் வாரம் கல்லூரிகள் திறப்பு 0 மாணவர் சேர்க்கை தகவல்களை அக்டோபர் 7-ஆம் தேதிக்குள் அனுப்பவேண்டும்: பள்ளிக்கல்வித்துறை 0 வேளாண் மசோதாவுக்கு எதிராக பேசிய அதிமுக எம்.பி.யிடம் விளக்கம் கேட்கப்படும்: முதலமைச்சர் 0 அண்ணா பல்கலைக்கழக பெயர்மாற்றம்: வழக்கு தொடர பேராசிரியர்கள் முடிவு 0 இரவு முழுவதும் நாடாளுமன்ற வளாகத்திலேயே கழித்த இடைநீக்கம் செய்யப்பட்ட எம்.பிக்கள் 0 வேளாண் மசோதாக்களுக்கு எதிர்ப்பு தெரிவித்து 24ம் தேதி காங்கிரஸ் நாடு தழுவிய போராட்டம் 0 மாநிலங்களவையில் அமளியில் ஈடுபட்ட 8 எம்.பிக்கள் சஸ்பெண்ட் 0 தட்டார்மடம் கொலை வழக்கு: காவல் ஆய்வாளர் ஹரிகிருஷ்ணன் சஸ்பெண்ட் 0 தமிழகத்தில் புதிதாக 5,344 பேருக்கு கொரோனா; 60 பேர் உயிரிழப்பு 0 பொருளாதார மேம்பாட்டுக்காக உயர்மட்ட குழு அறிக்கை சமர்பித்தது! 0 தமிழகம் முழுவதும் 28-ந் தேதி திமுக தோழமை கட்சிகள் கண்டன ஆர்ப்பாட்டம் 0 வேளாண் சட்டத்திருத்த மசோதாக்களுக்கு எதிர்ப்பு: நாட்டின் பல்வேறு பகுதிகளில் விவசாய அமைப்புகள் போராட்டம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

பிரியங்களுடன் கி.ரா – 9, எழுத்தாளர் கி. ராஜநாராயணனின் வெளிவராத கடிதங்கள் , தொகுப்பு – கழனியூரன், ஒளி எழுத்து – புதுவை இளவேனில்

Posted : புதன்கிழமை,   ஏப்ரல்   13 , 2016  03:00:20 IST

16.06.2006

 

பிரியம் நிறைந்த சாந்தியம்மாவுக்கு எப்பவும் நலம். உன்னுடைய 12-06-06 கடிதம் கிடைத்தது. ( பதில் கடிதங்கள் எழுதியே ரொம்ப ரொம்ப நாட்கள் ஆகிவிட்டது. சலிப்பு என்றும் சொல்ல முடியாது. சிலருக்குப் பாடும் குரல் அமைந்திருப்பது போல உனக்குக் கடிதம் எழுதும் பேனா வாய்த்திருக்கிறது. விசயங்களை மடக்கிக்கொண்டு வருகிறது அருமையாக கருத்துக்கள்.

 

போராடணும் போராடணும் என்று கணேசன் சொல்லிக்கொண்டுதான் இருக்க முடியும்; சாரம்சத்தில் போராடாமல் ஒரு போராட்டமே நடத்தி வெற்றியும் பெற்றது நீ தான்! “தோழர்” களைப் பற்றி உன்னைவிட எனக்கு ரொம்பவே தெரியும், அவர்களோடு நானும் பத்தாண்டுகள் நெருக்கமாக வாழ்ந்தவன்.

 “நீலகண்ட பறவையைத் தேடி” என்றொரு வங்காள நாவல். தமிழில் வந்திருக்கிறது. அந்த நாவலின் சாராம்சமே, இல்லாத ஒன்றுக்காகவே மனிதர்கள் அதை அடையவும் பெற வாழ்நாள் பூராவும் போராடித் தோற்றுக்கொண்டே இருக்கிறார்கள் என்று சொல்லுகிறது.

 

நூறு ஆண்டுகள் கழித்து வந்து பார்த்தாலும் கோபுரத்தின் மேல் உள்ள அரசஞ்செடி அப்படியேதான் இருக்கும் வளராமல். ஏன்? அதன் வேர்கள் மண்ணில் – தரையில் – விடவில்லை. மண்ணில் வேர்விடாத செடிகள் இவர்கள்.

 

மக்களிடம் போ என்று சொல்லியிருக்கிறது; போவார்கள். மக்களுக்குச் சொல்லிக்கொடு என்று சொல்லியிருக்கிறது; சொல்லிக் கொடுப்பார்கள். மக்களிடமிருந்து கற்றுக்கொள் என்று சொல்லியிறுக்கிறது; அதை மட்டும் செய்ய மாட்டார்கள். இவர்கள் சொல்லுவதை மட்டும் மக்கள் அப்படியே ஏற்றுக்கொண்டு நடக்கனும்.

 

இலக்கியம் என்பது கட்சி இலக்கியம் தத்துவ இலக்கியம் மட்டுமல்ல உலக இலக்கியம் படிக்கணும். ( உலக இலக்கியம் என்பது சர்வதேச இலக்கியம் அல்ல). நமது மண்ணில் விளைந்த மக்கள் இலக்கிய கதை முதலில் படித்துத் தெரிந்து கொள்ளனும்.

 

உனக்கு மூன்று குழந்தைகள் ; கணேசனையும் சேர்த்து. குழந்தைகளுக்கு பாடம் சொல்லிக்கொடுக்கும்போது கணேசனுக்கும் சொல்லிக்கொடு. அது புத்திசாலிக்குழந்தை; புரிந்துகொள்ளும்.

 

உங்கள் அனைவரையும் வந்து பார்க்க முடிந்தது ரொம்ப மகிழ்ச்சி.

 

அன்புடன்

 

 

(கழனியூரன் தொகுத்து எழுதும் இந்தத்தொடர் புதன்கிழமை தோறும் வெளியாகும். உங்கள் கருத்துகளை editorial@andhimazhai.com க்கு அனுப்புங்கள்)

 


click here
 

 

Print

 

கேலரி
புகைப்படத்தொகுப்பு -
மேலும்...