???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 மன்சூர் அலிகானை விடுதலை செய்யக்கோரி கமிஷனர் அலுவலகம் வந்த சிம்பு! 0 நிர்மலாதேவி விவகாரம்: காமராஜர் பல்கலைக்கழக பேராசிரியர்கள் இருவர் தலைமறைவு 0 பாஜக தேசிய தலைவர் அமித் ஷா பங்கேற்ற மாநாட்டில் தீ விபத்து 0 சிறுமிகள் பாலியல் வன்கொடுமைக்கு தூக்கு தண்டனை: அவசர சட்டத்திற்கு மத்திய அரசு ஒப்புதல்! 0 எஸ்.வி.சேகர் மீது நடவடிக்கை எடுக்கப்படும்: தமிழிசை சௌந்தர்ராஜன் 0 பாஜகவில் இருந்து விலகினார் யஷ்வந்த் சின்ஹா! 0 தலைமை நீதிபதி தீபக் மிஸ்ராவுக்கு எதிராக உரிமை மீறல் தீர்மானம்! 0 கர்நாடக தேர்தல்: முதல்வர் சித்தராமையா வேட்புமனுத் தாக்கல் 0 நிர்மலாதேவி விவகாரத்தில் CBI விசாரணை தேவை: வைகோ 0 எஸ்வி.சேகரின் கருத்து, அருவருக்கத்தக்கது: கனிமொழி 0 எச்.ராஜாவும், எஸ்.வி சேகரும் சைபர் சைக்கோக்கள்: அமைச்சர் ஜெயக்குமார் 0 சிறுமிகள் பாலியல் வன்கொடுமைக்கு தூக்கு தண்டனை: மத்திய அரசு பரிசீலனை 0 சிவகார்த்திகேயன் படத்தில் இரண்டாவது காமெடியனாக களமிறங்கும் யோகி பாபு 0 குஜராத் கலவர வழக்கு: முன்னாள் அமைச்சர் மாயாபென் கோட்னானி விடுதலை! 0 அவதூறு கருத்துகள் பரப்பும் எச்.ராஜா மீது வழக்கு தொடரப்படும்: அமைச்சர் ஜெயக்குமார்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

பிரியங்களுடன் கி.ரா – 31, எழுத்தாளர் கி. ராஜநாராயணனின் வெளிவராத கடிதங்கள் , தொகுப்பு – கழனியூரன், ஒளி எழுத்து – புதுவை இளவேனில்

Posted : வியாழக்கிழமை,   டிசம்பர்   08 , 2016  03:48:52 IST


Andhimazhai Image

12.01.55

 

இடைசெவல்

 

2-12-54ல் நீங்கள் எழுதிய கடிதத்துக்கு 12-1-55ல் பதில் எழுதுகிறேன்; போன வருஷம் போட்ட லெட்டருக்கு இந்த வருஷம் பதில் எழுதுகிறேன்! காரியங்கள் எவ்வளவு ஜரூராய் நடக்கிறது பாருங்கள்?

     

      “கத்துகடல் நாகன் காகுந்தன் சத்திரத்தில்

      அத்தமிக்கும் போது அரிசிவரும் – குத்தி

      உலையி(ல்) இட ஊர் அடங்கும், ஓர் அகப்பை

      இலையில் இட வெள்ளி எழும்!”

 

என்ற பாட்டு ஞாபகம் வருகிறதா?

 

“என்னுடைய லட்டர் பேடில் இதுதான் கடைத்தாள்” என்று முடிகிறது உங்கள் கடிதம். இதற்குள் லெட்டர் பேடு அச்சாகி இருக்கும். பாதி காலியாகக் கூட போய் இருக்கும்.

 

நேற்று தபாலில் ஒரு ‘மான்சூன்’ வந்தது எனக்கு. விலாசம் குத்தாலிங்கம் எழுத்து மாதிரி இருக்கிறது. இன்னும் படிக்கவில்லை. அக்காவின் குழந்தை குணமாகி ஊருக்குப் போய் விட்டான். (என்ன முழிக்கிறீர்கள், உங்கள் கடிதத்துக்கு பதில் எழுதுகிறேன் ஐயா!)

 

பேனாவைப் பராமரிக்கும் வித்தைச் சொல்லி இருக்கிறீர்கள் கடிதத்தில். அமுத்தி எழுதாமல் லேசாக லாவகமா எழுத வேண்டும் என்கிறீர்கள். அது முடியாத காரியம்.

 

பெண்களையும், குழந்தைகளையும் புஷ்பங்களைப் போல்த்தான் கையாள வேண்டும். நாமும் முதலில் அவர்களிடம் அப்படித்தான் நெருங்குகிறோம். உணர்ச்சி ஏற ஏற அதன் வசப்பட்டுவிடுகிறோம். வெறியே உண்டாய்விடுகிறது.

 

இது பேனாவுக்கும் பொருந்தும். நம்முடைய எழுத்துக்குள் முதலில் அச்சு குண்டாக ஆரம்பித்து, கடேசியில் தாறு மாறாக முடிவதின் காரணம் இப்பொழுது விளங்குகிறதா?

 

முதலில் பேனா கண்ணுக்குத் தெரியும், அப்புறம் பேப்பர் தெரியும், அப்புறம் எழுத்து தெரியும்; அப்புறம் ஒன்றுமே தெரியாது.

 

சரி. ரொம்ப நேரமாகிவிட்டது. விடை கொடுக்கிறீர்களா?

 

இக்கடிதத்தையே பொங்கல் வாழ்த்தாக ஏற்றுக்கொள்ளுங்கள்..

 

 

(கழனியூரன் தொகுத்து எழுதும் இந்தத்தொடர் புதன்கிழமை தோறும் வெளியாகும். உங்கள் கருத்துகளை editorial@andhimazhai.com க்கு அனுப்புங்கள்)



click here
 

 

Print

 

கேலரி
புகைப்படத்தொகுப்பு -
மேலும்...