கே.ஜி.எஃப்-2 மாஸ் காட்டும் ராக்கி பாய்!

கோவிட் காரணமாக கடந்த இரண்டு வருடங்களாக திரைக்கு வராமல் ரசிகர்களின் எதிர்பார்ப்பை அதிகரித்து வந்த கேஜிஎப் 2 திரைப்படம் இன்று உலகம் முழுவதும் வெளியாகியுள்ளது. பாகுபலிக்கு பிறகு இந்தியாவில் வெளியாகும் பிரமாண்ட திரைப்படமாக கேஜிஎப் 2 எதிர்பார்ப்பை கிளப்பியது.

 

தமிழகத்தில் 300க்கும் மேற்பட்ட திரையரங்குகளில் இன்று திரையிடப்பட்டது.

 

சென்னையில்  ஒருசில திரையரங்கில் சிறப்பு காட்சியாக 4 மணி காட்சிகள் ஒளிபரப்பப்பட்டது. முதல் காட்சியை பார்த்த ரசிகர்கள் கேஜிஎஃப் முதல் பாகத்தை விட இரண்டாம் பாகம் இன்னும் மாஸாக இருப்பதாக கூறி வருகின்றனர்.

 

அதேபோல் கேஜிஎப் 3 வருவதற்கான கதைக்களம் அமைந்திருப்பதாகவும் கட்டாயம் ரசிகர்கள் கொண்டாடும் திரைப்படமாக கேஜிஎஃப் அமைந்திருப்பதாகவும் ரசிகர்கள் கூறினர்.