‘காட்டேரி’ படத்தின் ரிலீஸ் தள்ளிவைப்பு

கொரோனா பரவல் காரணமாக ’காட்டேரி’ படத்தின் ரிலீஸ் தள்ளி வைக்கப்பட்டுள்ளது.

வைபவ், வரலட்சுமி சரத்குமார், சோனம் பஜ்வா, ஆத்மிகா, கருணாகரன் உள்ளிட்ட பலர் நடிப்பில் உருவாகி இருக்கும் ‘காட்டேரி’ திரைப்படம், கிறிஸ்துமஸ் பண்டிகையையொட்டி நாளை, டிசம்பர் 25 ஆம் தேதி ரிலீஸாக இருந்தது.

இந்நிலையில், கொரோனா வைரஸின் இரண்டாவது அலை வேகமாக பரவி வருவதால் படத்தின் ரிலீஸ் தற்காலிகமாக தள்ளிவைக்கப்படுவதாக படக்குழு தெரிவித்துள்ளது. மேலும், இந்த கொரோனாவின் தாக்கம் குறைந்தவுடன் காட்டேரி திரைப்படம் வெளியாகும் தேதி விரைவில் அறிவிக்கப்படும் என படத்தின் தயாரிப்பு நிறுவனமான ஸ்டுடியோ கிரீன் வெளியிட்ட செய்தி குறிப்பில் தெரிவிக்கப்பட்டிருந்தது.