அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 என்னை அன்பால் மாற்றியவர் என் மனைவி: ரஜினி 0 பழனி முருகனுக்கு 16 ஆண்டுகளுக்கு பிறகு கும்பாபிஷேகம்! 0 சாதனையாளர்களுக்கு விருது வழங்கினார் முதலமைச்சர் மு.க.ஸ்டாலின்! 0 தேசியக் கொடியை ஏற்றினார் ஆளுநர் ஆர். என்.ரவி! 0 கொடியேற்றிய முதலமைச்சர்; விழாவை புறக்கணித்த முதல்வர்: தெலங்கானாவில் பரபரப்பு! 0 கொலிஜியத்தில் ஒன்றிய அரசின் பிரதிநிதிகள் வேண்டும்: சட்ட அமைச்சர் கடிதம் 0 “ஒன்று கூடுவோம் ஸ்டாலின்.. தமிழ்நாடு வாழ்க”: ட்வீட் செய்த கமல்ஹாசன்! 0 குட்கா, பான் மசாலா புகையிலை பொருட்களுக்கு நிரந்தர தடை விதிக்க முடியாது: நீதிமன்றம் உத்தரவு! 0 இருளர் பழங்குடி செயல்பாட்டாளர்களுக்கு பத்ம விருதுகள்! 0 ஜெயலலிதா பயன்படுத்திய பொருட்கள் ஏலம்: நீதிமன்றம் அதிரடி உத்தரவு! 0 நாஞ்சில் சம்பத் மருத்துவமனையில் அனுமதி 0 ஆளுநரின் தேநீர் விருந்து: ஒட்டுமொத்தமாக புறக்கணித்த திமுக கூட்டணி கட்சிகள் 0 தமிழ்நாட்டில் ஆர்.எஸ்.எஸ் அணிவகுப்பு விவகாரம்: தீர்ப்பு தள்ளிவைப்பு 0 "வீட்டை முற்றுகையிடுவோம்": தாமரைக்கு எதிராக ஜல்லிக்கட்டு அமைப்பு 0 மருத்துவம் தொடர்பான சர்ச்சை கருத்துகள்: சித்த மருத்துவர் ஷர்மிகாவிடம் விசாரணை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

காரி: திரைவிமர்சனம்!

Posted : சனிக்கிழமை,   நவம்பர்   26 , 2022  11:51:00 IST


Andhimazhai Image

“அண்டமானாலும் சரி பிண்டமானாலும் சரி அதை தொட்டுத் துலங்க ஒண்ணு வேண்டும்” என்று படத்தில் வரும் வசனத்துடன் ஜல்லிக்கட்டு, குலதெய்வம், சுற்றுச்சூழல் பிரச்சினை போன்றவை இணைவதே ‘காரி’திரைப்படம்.

நகரத்தில் வசிக்கும் குதிரை ஜாக்கி சசிகுமார், தன் சொந்த கிராமத்துக்குப் போய் ஜல்லிக்கட்டுப் போட்டியில் கலந்துகொண்டு ஊருக்கு நன்மை ஏற்படுத்துவதுதான் கதை.

பகையால் சிதறுண்டு கிடக்கும் மக்களை, ஜல்லிக்கட்டு போட்டியின் மூலம் இணைக்க விரும்பும் இளைஞரரான சசிகுமார்  வழியாக முழுக்கதையும் நகர்கிறது.  பொட்டல் காடு, வீராப்புடன் இருக்கும் மனிதர்கள், நின்றுபோன கோவில் திருவிழா, அடுக்கு மொழியில் வசனம் பேசும் பின்னணி குரல் என படம் திகிலுடன் தொடங்குகிறது. பிறகு கிளைமாக்ஸ் காட்சி வரை படம் தொய்வாகவே செல்கிறது. அப்பா – மகன் உறவு, கிராம வாழ்க்கை, காதல் போன்ற செண்டிமெண்ட் காட்சிகள் தட்டை.  அறிமுக இயக்குநர் ஹேமந்த் திரைக்கதையில் கொஞ்சம் உணர்ச்சியை கொட்டியிருக்கலாம்.

சசிகுமாரை குதிரை ஜாக்கியாக நம்மால் ஏற்றுக் கொள்ள முடிந்தாலும், காளை அடக்கும் வீரராக ஏற்றுக் கொள்ள முடியவில்லை. சசிகுமாரின் அப்பாவாக நடித்துள்ள ஆடுகளம் நரேன் ஜீவகாருண்யம் பேசுபவராக வந்து அசத்துகிறார். “அன்பையும், பாசத்தையும் மனுசன் கண்டுபுடுச்சானு பாத்தீயா” என அவர் பேசும் வசனம் கைத்தட்டலைப் பெறுகிறது.

கிராமத்துப் பெண்ணாக நடித்துள்ள நாயகி பார்வதி, தான் ஆசையாக வளர்த்த மாட்டைக் காணவில்லை என்றதும், புரண்டு அழும் காட்சியில் நம் கண்ணே கலங்கி விடுகிறது. நாயகிக்கு அப்பாவாக நடித்துள்ள இயக்குநர் பாலாஜி சக்திவேல் குடிகார தந்தையாக வந்து நடிப்பில் அசத்தியிருக்கிறார். வில்லன் ஜேடி சக்ரவர்த்திக்கு வழக்கமான வில்லன் கதாபாத்திரம். நாகி நீடு, அம்மு அபிராமி, ரெடின் கிங்ஸ்லி போன்றவர்களும் கச்சிதமான நடிப்பை வழங்கியுள்ளனர்.

இமானின் பின்னணி இசை கதைக்கு ஏற்ற உணர்வை ஏற்படுத்துகிறது. பாடல்கள் காட்சிகள் படத்திற்கு பலம் சேர்க்கவில்லை என்றாலும், ஓரளவு ரசிக்கும் படி உள்ளது. ராமநாதபுரத்தின் நிலவியல் பகுதியையும், ஜல்லிக்கட்டு போட்டியையும் நேர்த்தியாகவும் வித்தியாசமாகவும் படம் பிடித்துள்ளார் ஒளிப்பதிவாளர்  கணேஷ் சந்திரா.

திரைக்கதைக்குக் கூடுதல் பலம் சேர்த்துள்ளது வசனம். “தாலியும் கட்டுவாராம்; தள்ளியும் பட்டுப்பாரம்”, “உசுரு உடம்புல இருந்தா தான் சாவு, அது மானத்துல இருந்தா இல்லடா”,  “எல்லோத்தையும் இழந்து கடவுளாண்ட கையேந்தும் மக்களை குத்தம் சொல்லி என்ன ஆவப்போது” என ராமநாதபுரத்தின் பேச்சு வழக்கை யதார்த்தமாகப் பதிவு செய்துள்ளார் இயக்குநர்.

குலப்பெருமை, கலாச்சாரம் பெருமிதம், மாட்டிறைச்சி போன்ற விஷயங்கள் படத்தின் பலவீனம். ஜல்லிக்கட்டை மையப்படுத்தி வந்திருக்கும் ‘காரி’மற்றப் படங்களுடன் மல்லுக்கட்டினால் சரி



 

 

Print

 

கேலரி
புகைப்படத்தொகுப்பு -
மேலும்...