”இதற்கெல்லாம் பயப்பட மாட்டோம்” - கனிமொழி!

”பாஜகவை எதிர்த்து நிற்கும் அனைத்து தொகுதிகளிலும் திமுக சுலபமாக வெற்றிபெறும்” என திமுக எம்பி கனிமொழி தெரிவித்துள்ளார்.

தூத்துக்குடியில் இன்று செய்தியாளர்களை சந்தித்த கனிமொழி கூறியதாவது, “திமுக-வின் தேர்தல் அறிக்கை நிறைவேற்றப்படும். ஏனெனில் திமுக தான் அடுத்து ஆட்சி அமைக்கப் போகிறது. திமுகவின் தேர்தல் நம்பிக்கை நிறைவேற்றப்படும் என மக்கள் நம்புகிறார்கள். திமுக எப்போதும் கொடுத்த வாக்குறுதிகளை நிறைவேற்றியுள்ளது. குடும்ப பெண்களுக்கு மாதம் ஆயிரம் ரூபாய் வழங்கும் திட்டத்திற்கு பெரும் வரவேற்பு இருக்கிறது. இந்த அறிவிப்பு பெண்களின் பொருளாதார நிலையை உயர்த்தும். பாஜகவை எதிர்த்து நிற்கும் அனைத்து இடங்களிலும் திமுக சுலபமாக வெற்றி பெறும்.

அதிமுகவும் - பாஜகவும் இணைந்து கொண்டு நேர்மையான அதிகாரிகளை மிரட்டுகின்றனர். இதற்கெல்லாம் திமுகவும் கூட்டணி கட்சிகளும் பயப்படாது. திமுக நிச்சயம் வெற்றி பெரும்” என்றார்.