???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இடியால் சேதமான தாஜ்மஹாலின் பிரதான கல்லறை 0 தியேட்டர்கள் திறக்க அனுமதி வேண்டும்: அரசுக்கு பாரதிராஜா கடிதம் 0 இந்தியாவில் கொரோனாவால் பாதிக்கப்பட்டவர்கள் எண்ணிக்கை 1,82,143 ஆக உயர்வு! 0 'மத்திய அரசு ரூ.7,500, மாநில அரசு ரூ.5 ஆயிரம் நிவாரணம் வழங்க வேண்டும்' 0 காய்ச்சல், இருமல் இருந்தால் பஸ்சில் அனுமதி இல்லை: தமிழக அரசு 0 ஒரே நாளில் 1,149 பேருக்கு கொரோனா: 13 பேர் உயிரிழப்பு 0 இது மிகவும் கவனமாக இருக்க வேண்டிய நேரம்: பிரதமர் மோடி 0 சென்னையில் இருந்து வெளியே சென்றால் கட்டாய கொரோனா பரிசோதனை 0 தமிழகத்தில் ஒரே நாளில் 938 பேருக்கு கொரோனா தொற்று உறுதி 0 நோய் கட்டுப்பாட்டு பகுதிகளில் ஜூன் 30-ந் தேதி வரை ஊரடங்கு நீட்டிப்பு: உள்துறை அமைச்சகம் 0 இந்தியாவில் கொரோனா பாதிப்பு 173,763 ஆக உயர்வு 0 தமிழகத்தில் கொரோனா பாதிப்பு 20 ஆயிரத்தை தாண்டியது! 0 சின்னத்திரை படப்பிடிப்புகளில் 60 பேர் வரை பணியாற்றலாம்: முதலமைச்சர் உத்தரவு 0 தீபாவும், தீபக்கும் ஜெயலலிதாவின் நேரடி வாரிசுகள்: தீர்ப்பில் திருத்தம் செய்த உயர்நீதிமன்றம் 0 பொன்மகள் வந்தாள்- விமர்சனம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

மத்திய பிரதேச முதல்வராகிறார் கமல்நாத் கமல் நாத்

Posted : வியாழக்கிழமை,   டிசம்பர்   13 , 2018  23:26:42 IST

மத்திய பிரதேசத்தின் புதிய முதலமைச்சராக போபாலில் நடைபெற்ற காங்கிரஸ் எம்.எல்.ஏ.க்கள் கூட்டத்தில் கமல்நாத் தேர்ந்தெடுக்கப்பட்டுள்ளார். நடந்து முடிந்த 5 மாநில சட்டப்பேரவைத் தேர்தலில், மத்திய பிரதேசம், ராஜஸ்தான், சத்தீஸ்கர் ஆகிய மாநிலங்களில் காங்கிரஸ் வெற்றி பெற்று ஆட்சியை பிடித்தது. மக்களவைத் தேர்தலுக்கு முன்னோட்டமாக பார்க்கப்பட்ட இதில், வெற்றி பெற்றாலும், 3 மாநிலங்களிலும் அடுத்த முதலமைச்சர் யார் என்பதில் சிக்கல் நீடித்தது.
 
ராஜஸ்தானில், சச்சின் பைலட், அசோக் கெலாட்டுக்கும் இடையேவும், சத்தீஸ்கரில் பூபேஷ் பாகல், டி.எஸ்.சிங் தியோ, தம்ராத்வாஜ் சாஹூ ஆகியோருக்கும் இடையே போட்டி நிலவியது. மத்திய பிரதேசத்திலும் மூத்த தலைவர் கமல்நாத், மற்றும் இளம் தலைவர் ஜோதி ராதித்ய சிந்தியா ஆகிய இருவரும் முதல்வர் போட்டியில் இருந்தனர்.
 
இந்நிலையில், நேற்று மாலை கமல் நாத் மற்றும் சிந்தியா ஆகியோரிடம் காங்கிரஸ் தலைவர் ராகுல் காந்தி ஆலோசனை நடத்தினார். இந்த ஆலோசனையில், ஐக்கிய முற்போக்கு கூட்டணி தலைவர் சோனியா காந்தியும், ப்ரியங்கா காந்தியும் பங்கேற்றனர். ஆலோசனை கூட்டத்திற்கு பின் இருவருடனும், தான் இருக்கும் புகைப்படத்தை டிவிட்டரில் பகிர்ந்த ராகுல் காந்தி, பொறுமையும், காலமுமே சக்திவாய்ந்த போர்வீரர்கள் என்ற லியோ டால்ஸ்டாயின் கருத்தை மேற்கோள் காட்டியிருந்தார்.
 
தொடர்ந்து போபால் வந்த கமல்நாத் நேற்றிரவு நடைபெற்ற காங்கிரஸ் எம்.எல்.ஏ.க்கள் கூட்டத்தில் பங்கேற்றார். ஜோதி ராதித்ய சிந்தியா, முன்னாள் மத்திய அமைச்சர் ஏ.கே.அந்தோணி, திக்விஜய் சிங் உள்ளிட்டோரும் இதில் பங்கேற்றனர். கூட்டத்தில் முதலமைச்சர் பதவிக்கு கமல்நாத் ஒரு மனதாக தேர்ந்தெடுக்கப்பட்டார். அவருக்கு வாழ்த்து தெரிவித்த காங்கிரஸ் கட்சி வெளியிட்டுள்ள டிவிட்டர் பதிவில், மத்திய பிரதேசத்தில் புதிய சகாப்தம் தொடங்கிவிட்டதாக தெரிவிக்கப்பட்டுள்ளது.
 
9 முறை எம்.பி.யாக இருந்த கமல்நாத் மத்திய அமைச்சராகவும் பொறுப்பு வகித்துள்ளார். 72 வயதான இவர் மீது 1984-ல் நடந்த சீக்கியர்களுக்கு எதிரான கலவரத்தில் தொடர்பு இருப்பதாக குற்றச்சாட்டு உள்ளது. காங்கிரஸ் வெற்றி பெற்ற 3 மாநிலங்களில் ஒன்றில் முதலமைச்சர் பதவி விவகாரம் முற்று பெற்ற நிலையில், மற்ற 2 மாநிலங்களில் முதலமைச்சரை தேர்வில் சமரசத்தை உண்டாக்கும் பொறுப்பில் காங்கிரஸ் ஈடுபட்டு வருகிறது.
 


click here
 

 

Print

 

கேலரி
புகைப்படத்தொகுப்பு -
மேலும்...