???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சிகிச்சைக்காக அமெரிக்கா செல்கிறார் விஜயகாந்த்! 0 ஜெயலலிதா சகிச்சையின் போது உணவு செலவு மட்டும் ரூ.1.17 கோடி: அப்பல்லோ தகவல் 0 சபரிமலையில் 22- ந் தேதி வரை 144 தடை உத்தரவு நீட்டிப்பு 0 செய்தியாளர்களை சந்திக்க எப்போதும் அஞ்சியதில்லை: முன்னாள் பிரதமர் மன்மோகன்சிங் 0 சாதாரண மக்கள் பயன்படுத்தும் பொருட்களுக்கு ஜிஎஸ்டி குறைக்கப்படும்: பிரதமர் 0 கீழடியில் 5-ம் கட்ட அகழாய்வுக்கு மத்திய தொல்லியல் துறை அனுமதி! 0 ஜெயலலிதாவின் சொத்து விவரங்களை தாக்கல் செய்ய உயர்நீதிமன்றம் உத்தரவு 0 எய்ம்ஸ் மருத்துவமனை விரைந்து செயல்பாட்டுக்கு அரசு உதவும்: பிரதமருக்கு முதலமைச்சர் கடிதம் 0 "ஆளுநர் மௌனம் காப்பது ஏன்?": அற்புதம் அம்மாள் கண்ணீர் 0 விவசாயக் கடன்கள் தள்ளுபடி: முதல்வராக பதவியேற்றவுடன் முதல் கையெழுத்திட்ட கமல்நாத் 0 500, 2000 ரூபாய் அச்சடித்ததில் செலவு எவ்வளவு? ரிசர்வ் வங்கிக்கு உத்தரவு! 0 சீக்கிய கலவர வழக்கு: காங்கிரசை சேர்ந்த சஜ்ஜன் குமாருக்கு ஆயுள் தண்டனை 0 ஆசிரியர் பற்றாக்குறை: வெள்ளை அறிக்கை அளிக்க அரசு தயாரா? ராமதாஸ் கேள்வி 0 ஸ்டெர்லைட் ஆலைக்கு எதிராகப் போராடினால் நடவடிக்கை! தூத்துக்குடி ஆட்சியர் 0 குட்கா ஊழல்: சென்னையில் 3 இடங்களில் சிபிஐ சோதனை
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

கடலோரக் கவிதைகள்- அது காதலாகவே இருக்கிறது!

Posted : புதன்கிழமை,   டிசம்பர்   05 , 2018  00:37:56 IST


Andhimazhai Image



 

எத்தனையோ பெண்கள் இருக்கும் போது எனக்கு ஏன் ஜெஸ்ஸியை பிடித்திருந்தது? எவ்வளவு அடிப்படையான, ஆதாரமான கேள்வி இது.

எத்தனையோ காதல் கதைகள் இருக்கும் போது எனக்கு ஏன் வெண்ணிற இரவுகளின் மீது தீராத வியப்பும் வசீகரமும் இருக்கிறது? காதலை மையப்படுத்திய எத்தனையோ திரைப்படங்கள் இருக்கும் போது, ஜெனிபர் டீச்சரின் கண்ணீர் ஊடான புன்னகை எனக்கு ஏன் காதலின் ஆதாரமான காட்சியாக இருக்கிறது?

பிரேமம் போல, 96 போல பிரிந்த காதல்கள் ஏற்படுத்தும் வலியை இறுதியில் சேர்ந்துவிட்ட போதும் கடலோர கவிதைகளின் ஜெனிபர் டீச்சரும் சின்னப்பதாசும் எனக்குள் ஆழமாக ஏற்படுத்தியிருக்கிறார்கள். காதலின் சுகம், அதன் வெற்றியில் மட்டுமோ... வலி அதன் தோல்வியில் மட்டுமோ... இல்லை. காதல் ஒரே நேரத்தில் சுகமாகவும் வலியாகவும் இருக்க கூடிய ஒரு உணர்வு. அது இரண்டையும் பார்வையாளருக்கு கடத்திய திரைப்படமாக கடலோரக் கவிதைகள் இருந்தது.

கொடியிலே பாடல் காட்சியில் கடலுக்குள் மூழ்கி காணாமல் போகும் தாஸ், மீனோடு நிற்பதை பார்த்து கண்ணீர் ஊடாக ஜெனிபர் டீச்சர் சிரிக்கும் காட்சிக்கு இணையானது, இறுதிக் காட்சியில் இருவரும் சேர்ந்திருப்பதை பார்த்து கங்கம்மா கண்ணீர் மல்க சிரித்துக்கொண்டு நிற்பது.

தமிழ் திரைப்படங்களில் வழி தவறிய ஆடுகளாக பெண்களும் நல் மேய்ப்பர்களாக ஆண்களும் பொதுவாக இருந்திருக்கிறார்கள். காதலை எந்த மொழியில் வழி தவறிய ஆடுகள் சொல்லும்? தமிழ் திரைப்படங்களில் பெண்களின் காதலுக்கு என்ன இடம் இருந்திருக்கிறது?

அதிலிருந்து சற்றே விலகிய படமாக கடலோரக் கவிதைகள் இருந்தது.

 வழி தவறிய ஆடாக சின்னப்ப தாஸ் அலைந்து கொண்டிருக்கும் போது அவனுக்கான மீட்சியை தேடித்தரும் நல் மெய்ப்பராக கங்கம்மா உருவெடுக்கிறாள். அவளுக்குள்ளும் காதல் இருக்கிறது. லாரன்சுக்கு ஜெனிபர் மீது இருந்த காதலை விட கங்கம்மாவுக்கு தாஸ் மீதிருந்த காதல் இன்னும் அழுத்தமாக காட்சிப்படுத்தப்பட்டிருக்கிறது.

கை கூடும் போது காதல் பலமாயிருக்கலாம். கை கூடும் வரையில் அது பலவீனம். ஊருக்குள் ரவுடியாக திரிந்து கொண்டிருந்த தாஸை காதலின் அவஸ்தை மனிதனாக்குகிறது. அவன் ஊருக்கு முன்பு அவமானப்படுத்தப்படுகிறான். அடி வாங்குகிறான். ஆனால் பொதுவாக தமிழ் படங்களில் நிகழ்வது போல அது காதல் மீதான வெறுப்பாகவோ பழிவாங்கும் உணர்வாகவோ மாறவில்லை. அது காதலாகவே இருக்கிறது.

நாஸ்டென்காவின் பெயரில்லாத காதலன் தொடங்கி ராமச்சந்திரன் வரையில் காதலின் அசலான தன்மையாக அதுதான் இருக்கிறது. எந்த நிலையிலும் அவர்களது காதல் அதன் தீவிரத்தன்மையையும் மென்மையையும் இழந்துவிடவில்லை. அவன் சமகாலத்து சினிமா காதலர்களிடமிருந்து சின்னப்பதாஸ் வேறுபட்டது, இந்த இடத்தில்தான்.  அவனிடத்தில் அசலான ஒரு காதல் இருந்தது. காதலுக்கேயுரிய நெகிழ்வுத்தன்மை இருந்தது.

தமிழ் சினிமாவில் காதலின் பொதுவான போக்குகளாக இருந்த சிலவற்றை கலைத்துப் போட்ட படமாக கடலோரக் கவிதைகள் இருந்ததில் எந்த வியப்பும் இல்லை.

அந்த படத்திலும் சில குறைகள் இருக்கதான் செய்தன, ஆனால் நீங்கள் காதல் வயப்பட்டிருக்கும் போது குறைகள் பெரிதாக தெரிவதில்லை.

 

-கவிதா முரளிதரன்

 

(அந்திமழை நவம்பர் 2018 இதழில் இருந்து)


 



click here
 

 

Print

 

கேலரி
புகைப்படத்தொகுப்பு -
மேலும்...