25 சதவீத பங்குகளை விற்ற ஜூனியர் குப்பண்ணா

பிரபல கொங்கு உணவகமான ஜூனியர் குப்பண்ணா தனது உணவகத்தின் 25 சதவீத பங்குகளை சென்னையைச் சேர்ந்த சூப்பர் கேப்பிட்டல் அட்வைசர் என்கிற முதலீட்டு நிறுவனத்திற்கு விற்றுள்ளது. இதற்கான தொகை குறித்த தகவல்கள் வெளியிடப்படவில்லை.
 
ஜூனியர் குப்பண்ணா உணவகத்தின் பெயரை வலுப்படுத்தும் வகையிலும், மாறி வரும் புதிய தொழில்முறைகளுக்கு ஏற்ற வகையிலும் இந்த முடிவு எடுக்கப்பட்டுள்ளதாக நிறுவனத்தின் சார்பில் தெரிவிக்கப்பட்டுள்ளது.

இதுகுறித்து பேசிய நிறுவனத்தின் இணைத்தலைவர் கே. மூர்த்தி, ’நாங்கள் கடந்த மூன்று வருடங்களாகவே முதலீட்டாளர்களைத் தேடி வருகிறோம். எங்கள் பெயரில் உரிமம் பெற்ற சில உணவகங்கள் சரி வர இயங்கவில்லை. 60-வருடம் பழமையான எங்கள் உணவகத்தின் பெயரை வலுப்படுத்த விரும்புகிறோம்’ என தெரிவித்தார்.

ஜூனியர் குப்பண்ணா உணவகம் 2025 ஆம் ஆண்டுக்குள் இந்தியா மற்றும் வெளிநாடுகளில் 250-க்கும் மேற்பட்ட கிளை அமைப்புகளைத் திறக்க திட்டமிட்டுள்ளது.