நாடாளுமன்றத்தில் வருகின்ற ஜனவரி 29-ஆம் தேதி முதல் பட்ஜெட் கூட்டத் தொடர் தொடங்குமென மக்களவை சபாநாயகர் ஓம் பிர்லா அறிவித்துள்ளார்.
கொரோனா நோய்த்தொற்று சூழலில் நடைபெறும் இந்த பட்ஜெட் கூட்டத் தொடர் மாநிலங்களவையில் காலை 9 மணி முதல் பிற்பகல் 2 மணி வரை, மக்களவையில் மாலை 4. மணி முதல் இரவு 9 மணி வரை நடைபெறுமென அறிவிக்கப்பட்டுள்ளது. உறுப்பினர்கள் அனைவரும் கொரோனாவுக்கான பிசிஆர் சோதனைக்கு பிறகே நாடாளுமன்றத்திற்குள் அனுமதிக்கப்படுவார்கள்.
மேலும், நாடாளுமன்ற உணவகத்தில் உறுப்பினர்களுக்கு வழங்கப்பட்டு வந்த உணவு மானியம் ரத்து செய்யப்பட்டுள்ளது.
