அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 என்னை அன்பால் மாற்றியவர் என் மனைவி: ரஜினி 0 பழனி முருகனுக்கு 16 ஆண்டுகளுக்கு பிறகு கும்பாபிஷேகம்! 0 சாதனையாளர்களுக்கு விருது வழங்கினார் முதலமைச்சர் மு.க.ஸ்டாலின்! 0 தேசியக் கொடியை ஏற்றினார் ஆளுநர் ஆர். என்.ரவி! 0 கொடியேற்றிய முதலமைச்சர்; விழாவை புறக்கணித்த முதல்வர்: தெலங்கானாவில் பரபரப்பு! 0 கொலிஜியத்தில் ஒன்றிய அரசின் பிரதிநிதிகள் வேண்டும்: சட்ட அமைச்சர் கடிதம் 0 “ஒன்று கூடுவோம் ஸ்டாலின்.. தமிழ்நாடு வாழ்க”: ட்வீட் செய்த கமல்ஹாசன்! 0 குட்கா, பான் மசாலா புகையிலை பொருட்களுக்கு நிரந்தர தடை விதிக்க முடியாது: நீதிமன்றம் உத்தரவு! 0 இருளர் பழங்குடி செயல்பாட்டாளர்களுக்கு பத்ம விருதுகள்! 0 ஜெயலலிதா பயன்படுத்திய பொருட்கள் ஏலம்: நீதிமன்றம் அதிரடி உத்தரவு! 0 நாஞ்சில் சம்பத் மருத்துவமனையில் அனுமதி 0 ஆளுநரின் தேநீர் விருந்து: ஒட்டுமொத்தமாக புறக்கணித்த திமுக கூட்டணி கட்சிகள் 0 தமிழ்நாட்டில் ஆர்.எஸ்.எஸ் அணிவகுப்பு விவகாரம்: தீர்ப்பு தள்ளிவைப்பு 0 "வீட்டை முற்றுகையிடுவோம்": தாமரைக்கு எதிராக ஜல்லிக்கட்டு அமைப்பு 0 மருத்துவம் தொடர்பான சர்ச்சை கருத்துகள்: சித்த மருத்துவர் ஷர்மிகாவிடம் விசாரணை!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

இந்தியா முழுமைக்கும் ஒரே மொழி அமல்படுத்துவதை நான் எதிர்க்கிறேன்: கிரண் ரிஜிஜு

Posted : சனிக்கிழமை,   டிசம்பர்   03 , 2022  11:06:49 IST

இந்தியாவிற்கு பொதுவான ஒரே மொழி என்பதை தாம் எதிர்ப்பதாக சென்னையில் நடந்த நிகழ்ச்சியில் மத்திய சட்டத்துறை அமைச்சர் கிரண் ரிஜிஜு தெரிவித்துள்ளார்.
 
சென்னை பெருங்குடியில் உள்ள அம்பேத்கர் சட்ட பல்கலைக்கழகத்தில் 12வது பட்டமளிப்பு விழா நடைபெற்றது. இதில் மத்திய சட்டத்துறை அமைச்சர் கிரண் ரிஜிஜு, ஆளுநர் ஆர்.என் ரவி உள்ளிட்டோர் கலந்துகொண்டு மாணவர்களுக்கு பட்டங்களை வழங்கினர். நிகழ்ச்சியில் உரையாற்றிய ஆளுநர் ரவி, காசிக்கும் தமிழ்நாட்டிற்குமான தொடர்பை ஆங்கிலேயர்கள் சிதைத்ததாகவும் அதனை மீட்டெடுக்கும் வகையில் காசி தமிழ் சங்கமம் நடைபெறுவதாகவும் கூறினார்.
 
தொடர்ந்து நிகழ்ச்சியில் பேசிய மத்திய சட்ட அமைச்சர் கிரண் ரிஜிஜு, சட்ட படிப்புகளில் தாய்மொழி கொண்டு வரப்படும் என்றும் அதற்கான நடவடிக்கைகள் மேற்கொள்ளப்பட்டுள்ளதாகவும் தெரிவித்தார். நீதி வழங்குவதில் கால தாமதம் ஏற்படுவது விரைவான நீதி என்ற கொள்கையை குலைத்துவிடும் என்று குறிப்பிட்ட கிரண் ரிஜிஜு, சாமானியர்களும் வழக்காடு மொழியை புரிந்துகொள்ள வேண்டும் என்றும், சாமானியனுக்கும் நீதித்துறைக்குமான இடைவெளியை குறைக்க வேண்டும் என்றும் கேட்டுக்கொண்டார். நாடு முழுவதும் ஒரு பொதுமொழி என்பதை தான் ஏற்கவில்லை என்றும், அனைத்து மாநில மொழிகளுக்கும் சமமான முக்கியத்துவம் தரவேண்டுமென்றும் அமைச்சர் கிரண் ரிஜிஜு தெரிவித்தார்.
 
இந்தியா முழுமைக்கும் ஒரே மொழியை அமல்படுத்துவதை நான் எதிர்க்கிறேன். பிராந்திய மொழிகளுக்கு நாம் முக்கியத்துவம் கொடுக்க வேண்டியது அவசியம். இந்திய அரசியலமைப்பின் 8-வது அட்டவணையின்படி, 22 மொழிகளுக்கு அங்கீகாரம் அளிக்கப்பட்டுள்ளது. தமிழ்நாட்டைப் பொருத்தவரை, மிகவும் பழமையான இந்திய மொழியாக தமிழ் இருக்கிறது என்பதை கூறிக் கொள்ள விரும்புகிறேன். வழக்கறிஞர், நீதிபதிகள், பொதுமக்கள் என யாராக இருந்தாலும் பொதுவான மொழியாக தமிழ் இருக்க வேண்டும்.


 

 

Print

 

கேலரி
புகைப்படத்தொகுப்பு -
மேலும்...