???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 ஜெயலலிதாவுக்கு அதிக ‘ஸ்டீராய்டு மருந்து’ கொடுக்கப்பட்டதால்தான் உடல்நலம் பாதித்தது: அக்குபஞ்சர் டாக்டர் பேட்டி 0 சாதிய கொலைகளுக்கு எதிராக தனிச்சட்டமே தீர்வு : கௌசல்யா 0 ஓகி புயலால் உயிரிழந்த மீனவர்களுக்கான நிவாரணம் ரூ.20 லட்சமாக உயர்வு : முதல்வர் அறிவிப்பு 0 சவுதி அரேபியாவில் சினிமா திரையிட அனுமதி 0 பேரறிவாளனை விடுவிக்க உச்சநீதிமன்றம் மறுப்பு 0 ஜல்லிக்கட்டிற்கு இடைக்கால தடை விதிக்க முடியாது: உச்சநீதிமன்றம் 0 சங்கர் ஆணவ கொலை வழக்கில் மூவர் விடுதலையை எதிர்த்து மேல் முறையீடு:அரசு வழக்கறிஞர் 0 உடுமலை சங்கர் ஆணவ கொலை வழக்கு : கௌசல்யா தந்தை உட்பட ஆறு பேருக்கு தூக்கு! 0 விராட் கோலி - அனுஷ்கா: ஒரு காதல் திருமணத்தின் கதை! 0 புலன் மயக்கம் - 66 - அடுத்த வீட்டுக் கவிஞன் - ஆத்மார்த்தி எழுதும் தொடர்! 0 குமரிக்கு செல்கிறார் முதல்வர் எடப்பாடி பழனிச்சாமி 0 குஜராத் தேர்தலில் பாக். தலையீடு: பிரதமர் மோடிக்கு பிரகாஷ்ராஜ் காட்டமான கேள்வி 0 ரஜினியின் 68 வது பிறந்த நாள்; அரசியல் அறிவிப்புக்கு ரசிகர்கள் எதிர்பார்ப்பு! 0 விராட் கோலி - அனுஷ்கா சர்மா இத்தாலியில் திருமணம்! 0 பொன்வண்ணன் ராஜினாமா கடிதத்தை ஏற்கமாட்டோம்: நடிகர் சங்கத்தலைவர் நாசர்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

ஐந்து மருத்துவமனைகள் அலைக்கழிப்பு; கேரளாவில் உயிரிழந்த தமிழர்!

Posted : செவ்வாய்க்கிழமை,   ஆகஸ்ட்   08 , 2017  03:59:52 IST


Andhimazhai Image
கேரள மாநிலம் கோட்டயத்தில் வசித்து வந்தவர் முருகன், வயது 46. பால்வியாபாரம் இவரது தொழில். தமிழர், நாகர்கோயிலைச் சேர்ந்தவர். இவர் இரவு பத்து மணிக்கு நண்பர் முத்து என்பவருடன் பைக்கில் சென்றுகொண்டிருந்தார். இத்திக்கரா என்ற இடத்தில் தேசிய நெடுஞ்சாலைச் சந்திப்பில் கார் ஒன்று மோதியதில் அவர்கள் இருவரும் தூக்கி வீசப்பட்டார்கள்.
 
சம்பவ இடத்திற்கு விரைந்து வந்த போலீஸ் அவர்கள் இருவரையும்  கொல்லத்தில் இருக்கும்   கேஐஎம்எஸ்  மருத்துவமனைக்கு தூக்கிச் சென்றது. முத்துவுக்கு சிகிச்சை அளித்த அவர்கள் மூளையில் ரத்தக்கசிவு ஏற்பட்டுள்ளதால் முருகனை வேறு ஒரு சிறந்த மருத்துவமனைக்கு கொண்டு செல்லும்படியும் அறிவுறுத்தினார்கள்.  
 
உயிர்க்காக்கும் சிறப்பு ஆம்புலன்ஸ்  மூலமாக முருகன், மெடிட்ரினா மருத்துவமனைக்கு கொண்டு செல்லப்பட்டார். ஆனால் முருகனுக்கு சிகிச்சை அளிக்க, நரம்பியல் மருத்துவர் இல்லையென்று சொல்லி மருத்துவமனை நிர்வாகம் அவருக்குச் சிகிச்சை அளிக்க மறுத்துவிட்டது. எனவே அவர் மறுபடியும் திருவனந்தபுரம் மருத்துவக் கல்லூரி மருத்துவமனைக்கு கொண்டு செல்லப்பட்டார். ஆனால் அங்கும் அவர் செயற்கை சுவாசக் கருவிகள் மற்றும் நரம்பியல் மருத்துவர் இல்லையென்று சொல்லி முருகனுக்கு சிகிச்சை அளிக்க மறுத்துவிட்டது மருத்துவமனை நிர்வாகம்.
 
பிறகு முருகன் எஸ்.யூ.டி என்ற மருத்துவமனைக்கு கொண்டு செல்லப்பட்டார். போதிய மருத்துவர்கள் இல்லையென்று சொல்லி சிகிச்சை அங்கும் அவருக்கு அளிக்கப்படவில்லை.  
 
மறுபடியும் முருகன் ஆம்புலன்ஸில் கொல்லத்திலிருக்கும் அஸீஸியா மற்றும் மெடிசிட்டி மருத்துவமனைக்கு கொண்டு செல்லப்பட்டார். கூட உறவினர்கள் யாரும் இல்லை என்று சொல்லி இரண்டு மருத்துவமனைகளும் சிகிச்சை அளிக்க மறுத்துவிட்டன. ஆம்புலனஸ் பணியாளர்கள் தாங்களே கூட இருந்து பார்த்துக்கொள்கிறோம் என்று சொல்லியும் இந்த மருத்துவனைகள் கைவிரித்துவிட்டன.
 
எட்டு மணி நேரம் கொல்லத்திற்கும், திருவனந்தபுரத்திற்கும் ஆம்புலன்ஸில் அலைக்கழிக்கப்பட்டு உயிருக்குப்போராடிய முருகன் கடைசியில் பரிதாபமாக உயிரிழந்தார்.
 
கேரள காவல்துறை தலைவரும், சுகாதாரத் துறை அமைச்சரும் கண்டனம் தெரிவித்துள்ளார்கள். இது குறித்து வழக்கு பதிந்து விசாரணை மேற்கொள்ளப்படும் என்று அறிவித்துள்ளார்கள். ஆனால் மருத்துவமனைகளின் அலட்சியத்தால் ஓர் உயிர் பலியாகிவிட்டது.
 
மருத்துவர்கள் இருக்கும் வரை மருத்துவம் உயிரோடிருக்கும். ஆனால் மருத்துவர்களின் மனிதாபிமானம்தான் செத்துவிட்டது. முருகனின் பரிதாப மரணம் இதைத்தான் நமக்கு உணர்த்தியிருக்கிறது.


click here
 

 

Print

 

கேலரி
புகைப்படத்தொகுப்பு -
மேலும்...