அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 உலக நாடுகளில் ஆராய்ச்சிப் பணியும் வாய்ப்புகளும்- -முனைவர் விஜய் அசோகன், ஆராய்ச்சியாளர், அயர்லாந்து 0 கருணாநிதி சிலையை திறக்க மிகவும் பொருத்தமானவர் வெங்கய்ய நாயுடு – முதல்வர் மு.க.ஸ்டாலின் 0 தமிழகத்தை தலை நிமிரச்செய்தவர் கருணாநிதி – அமைச்சர் துரைமுருகன் புகழாரம்! 0 செய்தியாளரை அவமதிப்பது அழகல்ல! - மக்கள் நீதி மய்யம்! 0 தமிழகத்தில் அடுத்த 5 நாள்களுக்கு மிதமான மழை! 0 தமிழ்நாடு முழுவதும் திராவிட பாசறைக் கூட்டங்கள் – திமுக மாவட்ட செயலாளர்கள் கூட்டத்தில் தீர்மானம்! 0 வாய்தா: திரைப்பட விமர்சனம்! 0 பாமக தலைவராக அன்புமணி தேர்வு! 0 "வழக்குகளை எஸ்.ஜே.சூர்யா எதிர்கொள்ள வேண்டும்" – எச்சரித்த நீதிமன்றம்! 0 தமிழகத்தில் அக்னி நட்சத்திரம் இன்றுடன் நிறைவு! 0 அண்ணாமலையின் பேச்சுக்கு பத்திரிகையாளர் அமைப்புகள் கண்டனம் 0 சென்னை ஓமந்தூரார் அரசினர் தோட்டத்தில் கருணாநிதி சிலை இன்று திறப்பு 0 தலைகுனிவை ஏற்படுத்தும் செயல்களை காவல்துறையினர் செய்துவிடக்கூடாது: முதலமைச்சர் 0 நடிகர் ஷாருக்கான் மகன் ஆர்யன் கானை விடுவித்தது போதை பொருள் தடுப்பு பிரிவு! 0 குழந்தைகள் தொடர்பான வழக்கு: உயர்நீதிமன்றம் முக்கிய அறிவுறுத்தல்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

அரசை விமர்சித்துப் பேசும் அமைச்சர்களை, அதிகாரிகளைப் பதவி நீக்கம் செய்யும் கோத்தபய ராஜபக்சே!

Posted : வியாழக்கிழமை,   ஜனவரி   06 , 2022  11:08:30 IST

அரசை விமர்சித்துப் பேசிய முக்கிய அமைச்சர் மற்றும் அதிகாரிகளை இலங்கை அதிபர் கோத்தபய ராஜபக்சே பதவி நீக்கம் செய்துள்ளதுடன், அரசை விமர்சிப்பவர்களுக்கு எச்சரிக்கையும் விடுத்துள்ளது பரபரப்பை ஏற்படுத்தியுள்ளது.

கொரோனா பெருந்தொற்று காரணமாக சுற்றுலாவை பெரிதும் நம்பியிருக்கும் இலங்கை, கடுமையான பொருளாதார நெருக்கடியை சந்தித்திருக்கிறது. நாட்டின் பணவீக்கம் வரலாறு காணாத வகையில் அதிகரித்துள்ளதால் பொதுமக்கள் பெரும் சிரமத்தை சந்தித்துள்ளனர்.

இதனிடையே, இயற்கை விவசாயத்துக்கு முற்றிலும் மாற வேண்டும் எனவும், செயற்கை உரங்கள் பயன்பாட்டுக்கு தடை விதிப்பதாகவும், விவசாய கொள்கையில் இலங்கை அதிபர் கோத்தபய ராஜபக்சே பெரிய மாற்றத்தைக் கொண்டுவந்தார். ஆனால் இது எதிர்மறையான விளைவுகளை ஏற்படுத்தியிருக்கிறது.

இலங்கை அதிபரின் புதிய விவசாயக் கொள்கை தவறானது, உணவுப் பொருட்கள் கடுமையாக விலையேற்றம் அடைந்திருக்கிறது என ஆளும் கட்சியின் முக்கிய தலைவரும், மத்திய அமைச்சருமான சுசில் பிரேமஜயந்த இலங்கை அரசை விமர்சித்து பேசியிருந்தார். இதனால் அதிருப்தியடைந்த அதிபர் கோத்தபய ராஜபக்சே அவரை அமைச்சர் பதவியில் இருந்து நீக்கியுள்ளார். பொதுமக்களுக்கு ஆதரவாக பேசிய அமைச்சரைப் பதவியில் இருந்து நீக்கியது அரசியல் அரங்கில் அதிர்வலைகளை ஏற்படுத்தியிருக்கிறது. உணவுப் பஞ்சம் விரைவில் ஏற்படலாம் என பேசியதற்காக கடந்த இரு வாரங்களுக்கு முன்னர் தான் விவசாயச் செயலரையும் அதிபர் பணியிலிருந்து நீக்கியிருந்தார்.

மேலும், அரசை விமர்சித்து ஆளும் பிரமுகர்கள் தனிப்பட்ட முறையில் பேசி வருவதை அறிந்த அதிபர் கோத்தபய ராஜபக்சே, அரசுக்கு எதிராக பொதுவெளியில் பேசும் அமைச்சர்கள், எம்.பிக்களுக்கு எச்சரிக்கை விடுத்துள்ளார். தங்கள் சொந்த கட்சிக்கும், அரசுக்கும் எதிராக பேசுவது தர்மம் கிடையாது. ஏதேனும் பிரச்சினை இருந்தால் அதனை அமைச்சரவை கூட்டத்தில் தெரிவிக்கலாம் அல்லது ஆலோசிக்கலாம், அதை விட்டு மீடியா முன்னிலையில் அரசை விமர்சிக்கக் கூடாது என தெரிவித்துள்ளார்.


 



 

 

Print

 

கேலரி
புகைப்படத்தொகுப்பு -
மேலும்...