தவவாழ்க்கை வாழ்ந்தவர் சசிகலா: கோகுல இந்திரா அதிரடி

ஜெயலலிதாவுக்கு துணையாக தவவாழ்க்கை வாழ்ந்தவர் சசிகலா என உதயநிதியைக் கண்டித்து நடத்தப்பட்ட ஆர்ப்பாட்டத்தில் முன்னாள் அமைச்சர் கோகுல இந்திரா பேசியது அரசியல் வட்டாரத்தில் பரபரப்பு ஏற்படுத்தியது.

 

சென்னை அண்ணா நகர் எம்எம்டிஏ காலனியில் முதலமைச்சர் எடப்பாடி பழனிசாமியை இழிவாக பேசி வரும் திமுக தலைவர் ஸ்டாலின், உதயநிதி ஆகியோரை கண்டித்து அதிமுக சார்பில் கண்டன ஆர்ப்பாட்டம் நடைபெற்றது. முன்னாள் அமைச்சரும், அதிமுக செய்தி தொடர்பாளருமான கோகுல இந்திரா தலைமையில் ஆர்ப்பாட்டம் நடைபெற்றது. 

 

இதனை தொடர்ந்து செய்தி தொடர்பாளர் கோகுல இந்திரா செய்தியாளர்களை சந்தித்தார். அப்போது, சசிகலா ஒரு கட்சியின் தலைவராக இருந்தவர் எனவும் ஜெயலலிதாவுக்கு துணையாக தவவாழ்க்கை வாழ்ந்தவர் எனவும் கூறினார்.