அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 எட்டாவது முறை பீகார் முதலமைச்சராகப் பதவியேற்றார் நிதிஷ்குமார்! 0 பிளவுகளைக் கடந்து நிச்சயமாக அதிமுக ஒன்றிணையும் – சசிகலா 0 ஒன்றாகத் தேர்வு எழுதி, ஒன்றாகத் தேர்ச்சி பெற்று, அரசு வேலைக்கு செல்லும் தாய் – மகன்! 0 பிரியங்கா காந்திக்கு மீண்டும் கொரோனா தொற்று உறுதி! 0 போதைப் பொருள் விற்பவர்கள் சொத்துகள் முடக்கப்படும் – முதலமைச்சர் 0 நிதிஷ் குமார் செய்தது நம்பிக்கை துரோகம்: பா.ஜ.க. 0 கள்ளக்குறிச்சி கலவர வழக்கில் கைதான 64 பேருக்கு நிபந்தனை ஜாமீன் 0 அரசியல் பேச ஆளுநர் மாளிகை கட்சி அலுவலகம் அல்ல: சிபிஐ(எம்) கண்டனம் 0 முல்லை பெரியாறு அணை பாதுகாப்பாக உள்ளது: மு.க.ஸ்டாலின் பதில் 0 பீகாரை போல் ஜனநாயக சக்திகள் ஒன்றிணைய வேண்டும்: திருமாவளவன் 0 நான் பேசியது சட்டத்துக்கு புறம்பானது இல்லை: கனல் கண்ணன் முன்ஜாமீன் கோரி மனுத்தாக்கல் 0 செஸ் ஒலிம்பியாட்: தங்கம் வென்ற தமிழக வீரர்கள்! 0 ஆட்சி அமைக்க உரிமை கோரினார் நிதீஷ் குமார்! 0 அதிமுகவின் முதல் எம்பியான மாயத்தேவர் காலமானார்! 0 அரசியல் அலுவலகமா ஆளுநர் மாளிகை? கே.பாலகிருஷ்ணன் கண்டனம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

கார்கி: திரைவிமர்சனம்!

Posted : வியாழக்கிழமை,   ஜுலை   14 , 2022  14:34:14 IST


Andhimazhai Image

பாலியல் குற்றச்சாட்டில் தந்தை கைது செய்யப்பட, அவரை மீட்க இளம் பெண் நடத்தும் பாசப்போராட்டமே கார்கி.

தனியார் பள்ளி ஒன்றில் ஆசிரியராக வேலைப் பார்க்கும் கார்கிக்கு (சாய் பல்லவி) திருமண ஏற்பாடுகள் மும்முரமாக நடக்க, அவருடைய அப்பா(ஆர்.எஸ். சிவாஜி) ஒரு நாள் வீட்டிற்கு வராமல் போகிறார். அவரைத் தேடத் தொடங்கும் கார்கிக்கு இடிமேல் இடி விழுகிறது. அடுக்குமாடி குடியிருப்பு ஒன்றில், சிறுமி ஒருவரைக் கூட்டுப் பாலியல் வன்கொடுமை செய்த குற்றத்திற்காக, நான்கு பேருடன் சேர்த்து ஐந்தாவது நபராக ஆர்.எஸ்.சிவாஜி கைது செய்யப்படுகிறார். ஊடகங்களில் இது தலைப்பு செய்தியாக வர, சாய் பல்லவியின் குடும்பம் ஆடிப்போகிறது.

தன் அப்பாவின் நற்குணத்தை சிறுவயதிலேயே அறிந்த சாய் பல்லவி, அவர் இந்த கொடூரமான குற்றத்தை செய்திருக்கமாட்டார் என உறுதியாக நம்புகிறார். அவரைக் காப்பாற்றவும் போராடுகிறார். ஆனால், வழக்கை நடத்துவதற்கு ஒரு வழக்கறிஞரும் முன்வரவில்லை. இயல்பிலேயே திக்கிப் பேசும் வழக்கறிஞரான இந்திரன்ஸ் (காளி வெங்கட்) அந்த வழக்கை எடுத்து நடத்துகிறார். அவரின் புத்திக்கூர்மையால் வழக்கில் திருப்பம் ஏற்படுகிறது. இந்த திருப்பம் அடுத்தடுத்த உண்மைகளை வெளிக்கொண்டு வர, ஆர்.எஸ்.சிவாஜி குற்றவாளியா? இல்லையா என்பது தான் படத்தின் மீதிக் கதை.

சிறுமிக்கு நடக்கும் பாலியல் வன்கொடுமையும், அதை சுற்றி அரங்கேறும் நிகழ்வுகள் தான் படத்தின் கதை என சுருக்கிவிட முடியாது. அழுக்குப் படிந்த ஆண் மனதின் அக உலகை நுட்பமாக சொல்லியிருக்கிறது படம். அடுத்த என்ன என்ற எதிர்பார்ப்புடன் படம் நகர்ந்தாலும், பொதுசமூகத்தின் மனசாட்சி, மீடியா, நீதிமன்றம் என அத்தனை விஷயங்களையும் கேள்விக்குட்படுத்துகிறார் இயக்குநர் கெளதம் ராமசந்திரன்.

தனி ஒரு ஆளாக நின்று அப்பாவை வழக்கிலிருந்து மீட்கப் போராடும் சாய் பல்லவியின் நடிப்பு அபாரம். சேலையும், ஹேண்ட் பேக்கும் ‘கார்கி’  கதாபாத்திரத்தை உறுதிமிக்கதாக காட்டியிருக்கிறது. அதேபோல், வழக்கறிஞராக வரும் காளி வெங்கட் பட்டையைக் கிளப்பியிருக்கிறார். வெகுளியான கதாபாத்திரத்தில் அழகாக நடித்திருக்கிறார். நீதிபதியாக வரும் சுதா மம்மி மிக இயல்பான நடிப்பை வழங்கியுள்ளார். “ஒரு பொண்ணுக்கு எங்கெங்க வலிக்கும்னு தெரியும். ஒரு ஆணுக்கு எங்கெங்க திமிர் இருக்கும்னு தெரியும்” என அவர் பேசும் வசனம் கவனிக்க வைக்கிறது.

படத்தின் டைட்டில் தொடங்கும் போதே கோவிந்த் வசந்தாவின் வயலின் இசை மனதை உலுக்கிவிடுகிறது. காட்சியின் உணர்வுகளுக்கு ஏற்ப பின்னணி இசை கச்சிதமாகப் பொருந்தியிருப்பது படத்திற்கு பெரும் பலம்.

ஸ்ரீயந்தியின் ஒளிப்பதிவு ரசிக்க வைக்கிறது. சென்னையை பருந்து பார்வையில் காட்டி பிரமிக்க வைத்துள்ளார். பார்த்துப் பழக்கப்பட்ட சென்னை படத்தில் பார்க்க பார்க்க அழகாக இருக்கிறது.

பாதிக்கப்பட்டவர், குற்றம் செய்தவர் என்ற பார்வையில் படம் நகராமல், குற்றம் செய்தவரின் குடும்பத்தின் பார்வையிலிருந்து படம் நகர்வதால், பார்வையாளர்களுக்கு  ‘கார்கி’ வித்தியாசமான திரை அனுபவத்தைக் கொடுக்கும் என்பதில் ஐயமில்லை.     

-தா பிரகாஷ்



 

 

Print

 

கேலரி
புகைப்படத்தொகுப்பு -
மேலும்...