???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இந்தியாவுடன் இனி பேச்சுவார்த்தை இல்லை: இம்ரான் கான் 0 ப.சிதம்பரத்தை சிபிஐ கையாளும் விதம் மிகவும் வருத்தமளிக்கிறது: மம்தா பானர்ஜி 0 அமெரிக்கா டாலருக்கு நிகரான இந்திய ரூபாயின் மதிப்பு கடும் சரிவு! 0 ஸ்டெர்லைட் ஆலையில் விஷவாயு தாக்கி 13 ஊழியர்கள் இறந்தது உண்மையா? ஆதாரம் அளிக்க நீதிமன்றம் உத்தரவு 0 ப.சிதம்பரத்திடம் இன்று இரவு முதல் சிபிஐ விசாரணை தொடங்குகிறது! 0 அன்னிய செலாவணி மோசடி வழக்கில் சசிகலா விளக்கம் அளிக்க உயர்நீதிமன்றம் உத்தரவு 0 நிலவின் முதல் படத்தை அனுப்பியது சந்திரயான் - 2 0 காஷ்மீர் பிரச்சினையில் மத்தியஸ்தம் செய்வது குறித்து டிரம்ப் மீண்டும் பேட்டி 0 காஷ்மீர் விவகாரத்தை திசை திருப்பவே ப. சிதம்பரம் கைது நடவடிக்கை: கார்த்தி சிதம்பரம் 0 ப.சிதம்பரத்தை வேட்டையாட துடிப்பது வெட்கக்கேடானது: பிரியங்கா காந்தி 0 நீதிக்கு தலைவணங்குவேன்; தலைமறைவாக மாட்டேன்: கைதாகும் முன் பேட்டியளித்த ப.சிதம்பரம் 0 ப.சிதம்பரத்துக்கு எதிராக அதிகார துஷ்பிரயோகம்: ராகுல் காந்தி, மு.க.ஸ்டாலின் கண்டனம் 0 காஷ்மீர் விவகாரம்: டெல்லியில் திமுக இன்று ஆர்ப்பாட்டம் 0 ப. சிதம்பரம் கைதை கண்டித்து தமிழகத்தில் இன்று ஆர்ப்பாட்டம் 0 10,000 ஊழியர்களை நீக்க பார்லே நிறுவனம் முடிவு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

கிடைத்தது 5.38% வாக்குதான்! டிடிவியின் எதிர்காலம் என்ன?

Posted : வெள்ளிக்கிழமை,   மே   24 , 2019  09:25:40 IST


Andhimazhai Image


 "பாத்துகிட்டே இருங்க. தமிழ்நாடு முழுக்கவே ஆர்.கே.நகர் ஆகப்போகுது...  அமமுக பெரிய வெற்றி பெறப்போவுது" என்று உறுதியுடன் விடாத நம்பிக்கையுடன் பல தினகரன் விசுவாசிகள் சொல்லிக்கொண்டிருந்தனர். குறைந்த பட்சம் இந்த தேர்தலில் நாங்கள் ஐம்பது லடசம் வாக்குகளாவது வாங்குவோம் என்பது அவர்கள் பலரின் கருத்தாக இருந்தது. அதற்கு ஏற்றதுபோல் பல இடங்களில் பிரம்மாண்டமான கூட்டம் தினகரனுக்குக் கூடியது. பெரும்பாலான கருத்துக்க் கணிப்பாளர்களும் அதிமுகவின் தோல்விக்கு தினகரன் பிரிக்கக்கூடிய வாக்குகள்தான் வழி வகுக்கும் என்று கருதினார்கள்.  ஆனால் இந்த தேர்தலில் மிகப்பெரிய ஏமாற்றமாக அமைந்துவிட்டது அமமுக பற்றிய கணிப்புகள்.

 இக்கட்சிக்கு மொத்தம் 22,01564 வாக்குகள் மட்டுமே  கிடைத்துள்ளன. 5.38% வாக்குவங்கியை மட்டுமே பதிவு செய்திருக்கும் அமமுக பரவலாக மூன்றாவது இடத்தில் உள்ளது. ஆனால் திமுககூட்டணி பெற்ற வெற்றி வாக்குகளின் எண்ணிக்கையைப் பார்க்கும்போது தினகரன் பிரித்த வாக்குகள் மிகச் சொற்பமாகவே இருக்கின்றன.

அமமுக கட்சியில், சிவகங்கை தொகுதியில் போட்டியிட்ட தேர்போகி எ. பாண்டி, திருச்சி தொகுதியில் சாருபாலா ஆர். தொண்டைமான், விருதுநகரில் பரமசிவ அய்யப்பன், இராமநாதபுரத்தில் வ. து.ந. ஆனந்த், தஞ்சாவூரில் பொன். முருகேசன் ஆகியோர் மட்டுமே ஒரு லட்சம் வாக்குகளுக்குமேல் பெற்றிருக்கின்றனர்

 
மக்களவைத் தேர்தலில் அமமுக மூன்றாவது இடம் பிடித்த தொகுதிகள்:

 திருவண்ணாமலை – 38,639 வாக்குகள்

ஆரணி – 46,326 வாக்குகள்

சிவகங்கை – 1,17,560 வாக்குகள்

விழுப்புரம் – 58,019 வாக்குகள்

தேனி – 99,867 வாக்குகள்

கள்ளக்குறிச்சி – 50,179 வாக்குகள்

திருச்சி – 1,00,818 வாக்குகள்

விருதுநகர் – 1,07,033 வாக்குகள்

இராமநாதபுரம் – 1,20,785 வாக்குகள்

கடலூர் – 43,766 வாக்குகள்

தூத்துக்குடி – 76,886 வாக்குகள்

சிதம்பரம் – 61,193 வாக்குகள்

தென்காசி – 91,130 வாக்குகள்

அரக்கோணம் – 66,360 வாக்குகள்

மயிலாடுதுறை – 66,401 வாக்குகள்

திருநெல்வேலி – 62,209 வாக்குகள்

நாகப்பட்டினம் – 68,451 வாக்குகள்

தர்மபுரி – 50,380 வாக்குகள்

தஞ்சாவூர் – 1,00,568

 
இக்கட்சியிலும் யாருமே கட்டுத்தொகை பெறவில்லை. தொகுதியில் பதிவான மொத்த வாக்குகளில் 6 சதவீத வாக்குகளை ஒரு வேட்பாளர் பெற்றால் மட்டுமே, அவருக்கு இத்தொகை திரும்ப வழங்கப்படும் என்பது குறிப்பிடத்தக்கது.

இதேபோல் சட்டமன்ற இடைத்தேர்தலிலும் சில இடங்களைத் தவிர அமமுக பெரிதாக வேறெங்கும் பிரகாசிக்க முடியவில்லை.

 "ஜெயலலிதா கற்றுத்தந்த துணிவோடு, ஃபீனிக்ஸ் பறவையைப்போல மீண்டும் எழுந்து நிற்போம். தூய்மையான அன்போடு தமிழ்நாட்டு மக்களின் மனங்களை முழுமையாக வென்றெடுக்க தொடர்ந்து பாடுபடுவோம். தமிழகத்தின் உரிமைகளுக்காக அ.ம.மு.க-வின் குரல் எப்போதும் போல ஓங்கி ஒலித்திடும்." என்று தேர்தல் முடிவுகளைக் குறித்து கருத்து தெரிவித்துள்ளார் தினகரன்.

"எங்களுக்குக் கிடைத்த சின்னம் மிகத்தாமதமாக வழங்கப்பட்டது ஒரு முக்கியக் காரணம். இன்னொன்று அவர் கட்சியை இன்னும் பல மாதங்கள் முன்பே பதிவு செய்து அமைப்பு ரீதியாக இன்னும் பலமாக்கி இருந்திருக்கவேண்டும். இவை இரண்டும்தான் குறைபாடு. ஆனாலும் இந்த சறுக்கல்களைத் தாண்டி எழும் மன உறுதி அவருக்கு உள்ளது" என்கிறார் ஒரு அமமுக ஆதரவாளர்.

பார்க்கத்தானே போகிறோம்?


English Summary
Future of Ttv dinakaran

click here
 

 

Print

 

கேலரி
புகைப்படத்தொகுப்பு -
மேலும்...