மீனவர்கள் மரணம்: விசாரணை நடத்த இலங்கை அரசு குழு அமைப்பு

தமிழகத்தை சேர்ந்த 4 மீனவர்கள் உயிரிழந்த விவகாரத்தில் இலங்கை அரசு சார்பில் விசாரணை குழு அமைக்கப்பட்டுள்ளது. அதிபர் கோத்தபய ராஜபக்சே உத்தரவின் பேரில் ஒரு குழுவும் இலங்கை கடல்தொழில் அமைச்சகத்தின் சார்பில் மற்றொரு குழுவும் அமைக்கப்பட்டுள்ளது. இந்த குழு தாக்கல் செய்யும் அறிக்கையின் அடிப்படையில் நடவடிக்கை மேற்கொள்ளப்படலாம் என எதிர்பார்க்கப்படுகிறது. இதனிடையே கைப்பற்றப்பட்ட 4 மீனவர்களின் உடல்களையும் பிரேத பரிசோதனை செய்யாமல் இந்தியாவிடம் ஒப்படைக்கவும் இலங்கை அரசு முடிவு செய்துள்ளது.