2 கோடி பயனாளர்களைத் தொட்டது பாஸ்ட்டேக்!

இந்தியாவில் 2 கோடி பயனாளர்கள் பாஸ்ட்டேக் முறையை பயன்படுத்துவதாக தேசிய நெடுஞ்சாலைத்துறை ஆணையம் தெரிவித்துள்ளது.

முன்னதாக ஒரு நாளைக்கு ரூ. 70 கோடியாக இருந்த சுங்க வரி வசூல், தற்போது ரூ. 92 கோடியாக அதிகரித்துள்ளது. இதில், 75 சதவீத கட்டணம் சுங்கச்சாவடிகளில் பாஸ்ட்டேக் மூலம் செலுத்தப்படுவதாக தேசிய நெடுஞ்சாலைத்துறை ஆணையம் தெரிவித்துள்ளது.

தேசிய நெடுஞ்சாலைத்துறை ஆணையம் கடந்த ஒரு வருடமாக சுங்கச்சாவடிகளில் நெருக்கடி மற்றும் காற்று மாசுபாட்டைக் குறைக்கும் வகையில் பாஸ்ட்டேக் முறையை அறிவுறுத்தி வந்தது.

டிஜிட்டல் முறையில் பணம் செலுத்தும் இந்த தொழில்நுட்பத்தின் மூலம் சுங்கச்சாவடிகளில் வாகனங்கள் காத்திருக்கமால் விரைந்து செல்ல முடியும். சமூக இடைவெளி கட்டாயமாகிவிட்ட இந்த காலக்கட்டத்தில் பாஸ்ட்டேக் முறை அதிகரித்துள்ளது.