ஊரடங்கு காலத்தில் பெண்களுக்கு எதிரான குடும்ப வன்முறை அதிகரிப்பு

கொரோனா தொற்றைக் கட்டுப்படுத்துவதற்காக நாடு முழுவதும் கடந்த 25-ம் தேதி முதல் 21 நாள் ஊரடங்கு உத்தரவு அமலுக்கு வந்துள்ளது. இந்நிலையில், மார்ச் 23-ம் தேதி முதல் ஏப்ரல் 1-ம் தேதி வரையிலான காலகட்டத்தில் பெண்களுக்கு எதிராக 257 குற்றச் சம்பவங்கள் அரங்கேறியிருப்பதாக தேசிய மகளிர் ஆணையம் தெரிவித்துள்ளது.

மார்ச் முதல் வாரத்தில் 116 குற்றச் சம்பவங்கள் மட்டுமே நடந்ததாகவும் தெரிவிக்கப்பட்டுள்ளது. குறிப்பாக மார்ச் முதல் வாரத்தில் இரண்டு பாலியல் பலாத்காரம் சம்பவங்கள் மட்டுமே நடைபெற்ற நிலையில், மார்ச் இறுதி வாரத்தில் அது 13-ஆக அதிகரித்துள்ளது.