???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 மொழித்திமிர் காட்டிய அதிகாரி இந்தி பூமிக்கு மாற்றப்பட வேண்டும்: ராமதாஸ் 0 மக்களைக் காக்க வேண்டிய அரசு கொல்லும் அரசாக மாறிவிட்டது: மு.க.ஸ்டாலின் 0 இடைநீக்கத்தை ரத்து செய்யும் வரை நாடாளுமன்றத்தை எதிர்க்கட்சிகள் புறக்கணிப்பு 0 நவம்பர் முதல் வாரம் கல்லூரிகள் திறப்பு 0 மாணவர் சேர்க்கை தகவல்களை அக்டோபர் 7-ஆம் தேதிக்குள் அனுப்பவேண்டும்: பள்ளிக்கல்வித்துறை 0 வேளாண் மசோதாவுக்கு எதிராக பேசிய அதிமுக எம்.பி.யிடம் விளக்கம் கேட்கப்படும்: முதலமைச்சர் 0 அண்ணா பல்கலைக்கழக பெயர்மாற்றம்: வழக்கு தொடர பேராசிரியர்கள் முடிவு 0 இரவு முழுவதும் நாடாளுமன்ற வளாகத்திலேயே கழித்த இடைநீக்கம் செய்யப்பட்ட எம்.பிக்கள் 0 வேளாண் மசோதாக்களுக்கு எதிர்ப்பு தெரிவித்து 24ம் தேதி காங்கிரஸ் நாடு தழுவிய போராட்டம் 0 மாநிலங்களவையில் அமளியில் ஈடுபட்ட 8 எம்.பிக்கள் சஸ்பெண்ட் 0 தட்டார்மடம் கொலை வழக்கு: காவல் ஆய்வாளர் ஹரிகிருஷ்ணன் சஸ்பெண்ட் 0 தமிழகத்தில் புதிதாக 5,344 பேருக்கு கொரோனா; 60 பேர் உயிரிழப்பு 0 பொருளாதார மேம்பாட்டுக்காக உயர்மட்ட குழு அறிக்கை சமர்பித்தது! 0 தமிழகம் முழுவதும் 28-ந் தேதி திமுக தோழமை கட்சிகள் கண்டன ஆர்ப்பாட்டம் 0 வேளாண் சட்டத்திருத்த மசோதாக்களுக்கு எதிர்ப்பு: நாட்டின் பல்வேறு பகுதிகளில் விவசாய அமைப்புகள் போராட்டம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

தடுப்பு முகாமா அல்லது சிறைச்சாலையா?

Posted : புதன்கிழமை,   டிசம்பர்   25 , 2019  04:38:00 IST


Andhimazhai Image
சட்டவிரோதமாக குடியேறியதாக கருதப்படும் இசுலாமியர்களை தடுப்பு முகாம்களில் அடைக்கப்போவதாக சொல்லப்படுவது வதந்தி. இவ்வாறு குடியுரிமை திருத்தச் சட்டத்துக்கு ஆதரவாக கடந்த ஞாயிற்றுக்கிழமை நடைபெற்ற கூட்டத்தில் உரையாற்றிய பிரதமர் நரேந்திர மோடி கூறியிருந்தார். அவரது இந்த கருத்தை தொடர்ந்து அசாம் உள்ளிட்ட மாநிலங்களில் கட்டப்பட்டிருக்கும் தடுப்பு முகாம்களின் புகைப்படத்தை பதிவிட்டு பலரும் பிரதமருக்கு கேள்வியெழுப்பியுள்ளனர்.
 
தடுப்பு முகாமானது, தேசிய குடிமக்கள் பதிவேட்டின்படி சட்டவிரோதமாக நாட்டில் குடியேறியவர்களாக கருதப்படுவர்களுக்காக கட்டப்படுவதாகும். வெளிநாட்டினர் சட்டம் 1946-ன்படி இந்த நடவடிக்கை மேற்கொள்ளப்படுகிறது. மத்திய அரசு மட்டுமின்றி, மாநில அரசுகளும் தடுப்பு மையங்களை உருவாக்குகின்றன. 
 
அசாமில் சட்டவிரோதமாக குடியேறியவர்களை கண்டறிந்து, பூர்வீக இந்தியர்களை அடையாளப்படுத்துவதற்காக தேசிய குடிமக்கள் பதிவேடு நடத்தப்பட்டது. கடந்த ஆகஸ்ட் 31-ஆம் தேதி வெளியிடப்பட்ட பதிவின்படி ஏறக்குறைய 19 லட்சத்துக்கும் அதிகமானோரது பெயர்கள் விடுபட்டிருந்தன. மேலும் அவர்களது குடியுரிமையை நீதிமன்றம் சென்று நிரூபிக்க வேண்டிய நிலைக்கு அவர்கள் தள்ளப்பட்டிருக்கிறார்கள். பெயர் விடுபட்டவர்கள் மீண்டும் விண்ணப்பிக்கவும் வாய்ப்பளிக்கபடுமென சொல்லப்பட்டது.
 
ஆனால், மறுபுறம் குடியுரிமை திருத்தச் சட்டம், தேசிய குடிமக்கள் பதிவேட்டை விரிவுப்படுத்துவதற்கான சமிக்ஞைகள் என சூழல் மாறியிருக்கிறது. அதுமட்டுமில்லாமல் தொடர்ந்து உருவாக்கப்பட்டுவரும் தடுப்பு முகாம்களும் பல்வேறு கேள்விகளை எழுப்புகின்றன.
 
கடந்த 2005-இல் அப்போதைய காங்கிரஸ் முதல்வர் தருண் கோகாய் அசாமில் முதல் தடுப்பு முகாமை கட்டினார். பிறகு 2018 வரை ஆங்காங்கே முகாம்கள் உருவாகி வந்திருக்கின்றன. இப்போதைய நிலைமைக்கு கோல்பரா, தேஸ்பூர், ஜோர்ஹாட், டிப்ருகார், சில்ச்சார் மற்றும் கோக்ரஜார் என அசாமின் ஆறு இடங்களில் தடுப்பு முகாம்கள் உள்ளன. இதில் சில முகாம்கள் சிறைச்சாலைக்கு உட்பட்ட இடத்தில் உள்ளன.  மாட்டியாவில் சுமார் 3,000 பேர் தங்கும் அளவுக்கு இந்தியாவின் மிகப்பெரிய தடுப்பு முகாம் கட்டப்படுகிறது.
 
 
இதேபோல் கர்நாடகாவில் ஒரு முகாம் உள்ளது. மும்பை, மேற்கு வங்கத்தின் இரண்டு இடங்களில் தடுப்பு முகாம்கள் உருவாக்கும் பணிகள் தொடங்கியிருக்கின்றன. டெல்லி, கோவா ஆகிய இடங்களிலும் தடுப்பு முகாம் வரப்போகிறது. தடுப்பு முகாம்கள் கட்டுவதற்கான வழிகாட்டுதல்களை மாநில அரசுகளுக்கு மத்திய அரசு வழங்கியிருக்கிறது. அதில், அடிப்படை நவீன வசதிகள் கொண்டிருக்க வேண்டும், திறன்மேம்பாட்டு மையங்கள் இருக்க வேண்டும், குழந்தைகள் பாதுகாப்பகம் இருக்க வேண்டுமென சொல்லப்பட்டிருக்கிறது. 
 
இதில் அனைவருக்கும் எழும் முக்கிய, கேள்வி என்னவென்றால் இந்த முகாம்கள் சட்ட விரோதமாக குடியேறியவர்களாக கருதப்படுபவர்களுக்கு உரிய வசதிகளுடன்கூடிய வசிப்பிடமாக இருக்கப்போகிறதா? அல்லது தண்டனை பெற்றவர்களுக்கான சிறைச்சாலையாக இருக்கப்போகிறதா? என்பதுதான். 
 


click here
 

 

Print

 

கேலரி
புகைப்படத்தொகுப்பு -
மேலும்...