???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 சங்கர் ஆணவ கொலை வழக்கில் மூவர் விடுதலை எதிர்த்து மேல் முறையீடு:அரசு வழக்கறிஞர் 0 உடுமலை சங்கர் ஆணவ கொலை வழக்கு : கௌசல்யா தந்தை உட்பட ஆறு பேருக்கு தூக்கு! 0 விராட் கோலி - அனுஷ்கா: ஒரு காதல் திருமணத்தின் கதை! 0 புலன் மயக்கம் - 66 - அடுத்த வீட்டுக் கவிஞன் - ஆத்மார்த்தி எழுதும் தொடர்! 0 குமரிக்கு செல்கிறார் முதல்வர் எடப்பாடி பழனிச்சாமி 0 குஜராத் தேர்தலில் பாக். தலையீடு: பிரதமர் மோடிக்கு பிரகாஷ்ராஜ் காட்டமான கேள்வி 0 ரஜினியின் 68 வது பிறந்த நாள்; அரசியல் அறிவிப்புக்கு ரசிகர்கள் எதிர்பார்ப்பு! 0 விராட் கோலி - அனுஷ்கா சர்மா இத்தாலியில் திருமணம்! 0 பொன்வண்ணன் ராஜினாமா கடிதத்தை ஏற்கமாட்டோம்: நடிகர் சங்கத்தலைவர் நாசர் 0 காங். தலைவரான ராகுல் காந்தி: டிடிவி தினகரன் வாழ்த்து 0 ஸ்டாலின் முதல்வராகும் நாள் தொலைவில் இல்லை: வைகோ 0 திருமாவளவனின் பேச்சை திட்டமிட்டே அரசியலாக்குகிறார்கள்: ஸ்டாலின் குற்றச்சாட்டு 0 ஒகி புயல் பாதிப்பு: விவசாயிகளுக்கு நிவாரண தொகை அறிவிப்பு 0 தமிழகத்தில் நவோதயா பள்ளிகளைத் திறக்க உச்சநீதிமன்றம் இடைக்காலத் தடை! 0 டிவிட்டரில் மோடியை விளாசிய சத்ருகன் சின்ஹா!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

டெங்கு காய்ச்சல்: ஆறு மாதக் குழந்தையுடன் தாய் தற்கொலை

Posted : செவ்வாய்க்கிழமை,   அக்டோபர்   03 , 2017  06:05:37 IST


Andhimazhai Image
 
அன்புக்கொடி தூங்கவில்லை அல்லது தூக்கம் வரவில்லை. எதேதோ சொல்லிப் புலம்பினார். பெரியசாமியால் தன் மனைவியைத் தேற்ற முடியவில்லை. ஆறுதல் வார்த்தைகள் கையறு நிலையில் பயனற்றுப் போய்விடும் போல. தெய்வங்கள் துணைக்கு வராத கணமொன்றில்தான் அன்புக்கொடி அந்த முடிவை  எடுத்திருக்க வேண்டும். அந்த முடிவைச் செயல்படுத்த அவர் கணவர் உறங்கும் வரை காத்திருந்தார். பெரியசாமி அதிகாலை நான்கு மணிக்கு ஆழ்ந்து உறங்கிப்போனார். கண்விழித்தவர் தன் மனைவியையும் குழந்தையும் காணாது தேடத்துவங்கினார். அவர்கள் இருவரும் அருகிலுள்ள கிணற்றில் பிணமாக மீட்கப்பட்டார்கள்.  திருமணமாகிப் பத்து வருடங்களுக்குப் பிறகு பிறந்த தன் ஆண் குழந்தையுடன் அந்த ஏழைத்தாய் அன்புக்கொடி  தற்கொலை செய்து கொண்டார். என்ன காரணம்?
 
 
நாமக்கல் மாவட்டம் பேளுக்குறிச்சி கிராமத்தைச் சேர்ந்தவர் பெரியசாமி. முடி திருத்துநர் இவரது தொழில். சொற்ப வருமானம். மனைவி அன்புக்கொடி, வயது 32. இவர்களது மகன் சர்வன் ஆறு மாதக் குழந்தை.   கடந்த ஞாயிறு அன்று குழந்தைக்கு உடல் நலம் சரியில்லாமல் போனது. கடுமையான காய்ச்சல். அன்புக்கொடியும் பெரியசாமியும் சேலத்தில் இருக்கும் ஒரு தனியார் மருத்துவமனைக்கு மகனை அழைத்துச் சென்றார்கள். குழந்தையைப் பரிசோதித்த மருத்துவர்கள் அவனுக்கு டெங்கு காய்ச்சல் இருப்பதை உறுதி செய்தனர். மருத்துவம் செய்ய தினமும் நான்காயிரம் ரூபாய் வரை செலவாகும் என அவர்களுக்குச் சொல்லப்பட்டது. அவ்வளவு பணம் செலவு செய்ய இயலாத அன்புக்கொடியும், பெரியசாமியும்  திங்கள் இரவு 11 மணிக்கு  மனம் கனத்து வீடு திரும்பினார்கள். அன்புக்கொடிக்கு மன உளைச்சல். மகனுக்கு மருத்துவம் பார்க்குமளவுக்கு கையில் பணம் இல்லாததே மன உளைச்சலுக்குக் காரணமாகச் சொல்லப்படுகிறது. பொருளிலார்க்கு இவ்வுலகம் இல் என்பது வள்ளுவர் வாக்கு. மனம் வெறுத்து மகனுடன் தற்கொலை செய்துகொண்ட செய்தி அதிச்சியில் ஆழ்த்துகிறது. இனி அவர் ஒரு செய்தி மட்டுமே. 
 
 
இதனிடையே சென்னையில் சுகாதாரத்துறை அமைச்சர் விஜயபாஸ்கர்  இன்று டெங்கு விழிப்புணர்வு முகாமைத் தொடங்கி வைத்தார். மேலும் வாகனங்களில் சென்னை நகர் முழுவதும் நிலவேம்பு கசாயம் வழங்கும் பணியையும் அவர் தொடங்கி வைத்தார். சென்னையில் டெங்கு காய்ச்சல் வேகமாக பரவி வருவதை தடுக்க தமிழக சுகாதாரத்துறை தீவிர நடவடிக்கை எடுத்து வருகிறது. அவர்கள் பல ஆண்டுகளாக மிகத் தீவிரமாக டெங்குவை ஒழிக்கப் போராடித்தான் வருகிறார்கள். அரசின் கணக்கீட்டுப்படி தமிழகத்தில் இதுவரை ஐம்பதுக்கும் மேற்பட்டோர் டெங்குக் காய்ச்சலுக்கு பலியாகியுள்ளனர். எனினும் இன்று தன் குழந்தையுடன் தற்கொலை செய்து கொண்ட அன்புக்கொடி எத்தனையாவது உயிரிழப்பு என்று யாராலும் உறுதியாகச் சொல்ல முடியாதுதான்.    


click here
 

 

Print

 

கேலரி
புகைப்படத்தொகுப்பு -
மேலும்...