???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 வேளாண் சட்டத்திருத்த மசோதாக்களுக்கு எதிர்ப்பு: நாட்டின் பல்வேறு பகுதிகளில் விவசாய அமைப்புகள் போராட்டம் 0 தன்னை விவசாயி எனக்கூறிக்கொள்ளும் முதலமைச்சரை வரலாறு மன்னிக்காது: மு.க.ஸ்டாலின் காட்டம் 0 மே -ஆகஸ்ட் வரையில் மாத ஊதியம் பெறும் 66 லட்சம் பேர் வேலையிழப்பு 0 மாநிலங்களவையில் எதிர்க்கட்சிகளின் கடும் அமளிக்கு இடையே வேளாண் மசோதாக்கள் நிறைவேறின 0 விவசாய சட்டங்களால் தமிழக விவசாயிகளுக்கு பாதிப்பு ஏற்படாது: எடப்பாடி பழனிசாமி அறிக்கை 0 மருத்துவ பரிசோதனை முடித்து துணைமுதல்வர் வீடு திரும்பினார் 0 அச்சு ஊடகங்கள், வானொலிகளுக்கு வரிக்குறைப்பா? வைகோவின் கேள்விக்கு அமைச்சர் விளக்கம் 0 வேளாண் மசோதாக்களை நிறைவேற்ற மாநிலங்களவை இன்று கூடுகிறது! 0 தமிழகத்தில் 2 நாட்களுக்கு மழைக்கு வாய்ப்பு: வானிலை ஆய்வு மையம் 0 வரும் 21ம் தேதி திமுக தோழமை கட்சிகள் கூட்டம் 0 வங்கி திவால் சட்டத் திருத்த மசோதா மாநிலங்களவையில் நிறைவேறியது 0 பள்ளிகள் திறப்புக்கு பின் சுழற்சி முறையிலான வகுப்புகள் கிடையாது: அமைச்சர் செங்கோட்டையன் 0 மொபைல்போன் வாங்க சாக்கடை அகற்றிய மாணவன்: லேப்டாப் வழங்கியது திமுக 0 பிரதமர் மோடியின் பிறந்தநாள் கொண்டாட்டத்தில் பலூன்கள் தீப்பிடித்து விபத்து 0 கூகுள் ப்ளேஸ்டோரில் மீண்டும் Paytm ஆப்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

கடலூர் அருகே ஹைட்ரோகார்பன் எடுக்க ஏல அறிவிப்பு

Posted : ஞாயிற்றுக்கிழமை,   ஜனவரி   19 , 2020  19:32:58 IST

இந்தியாவில் எண்ணெய் வளங்களைக் கண்டறிந்து உற்பத்தி செய்வதற்காக ஹைட்ரோ கார்பன் வளங்களைக் கண்டறிதல் மற்றும் உரிமம் வழங்கும் open acreage licensing என்ற கொள்கையை மத்திய அரசு கடந்த 2017-ஆம் ஆண்டு அறிமுகம் செய்தது. அனைத்து வகையான ஹைட்ரோ கார்பன் வளங்களையும் ஒரே உரிமத்தின் மூலம் கண்டறிந்து எடுப்பது தான் இக்கொள்கையின் நோக்கமாகும்.

இதன்கீழ் முதல் சுற்று ஏலத்தில், மரக்காணம் முதல் வேளாங்கண்ணி வரை, வேதாந்தா நிறுவனமும், ஓ.என்.ஜி.சி நிறுவனமும் 5094 ச.கி.மீ பரப்பளவை ஏலத்தில் எடுத்தன. இரண்டாவது சுற்று ஏலத்தில், திருவாரூர், நாகை மாவட்டங்களில் 471 ச.கி.மீ பரப்பளவை ஆயில் இந்தியா லிமிடெட் நிறுவனமும், மூன்றாவது சுற்றில் நாகை மற்றும் இராமநாதபுரம் மாவட்டங்களில் 1863 ச.கி.மீ பரப்பளவில் ஹைட்ரோகார்பன் எடுக்க ஓ.என்.ஜி.சி. நிறுவனமும் ஏலத்தில் எடுத்தன.

ஐந்தாம் சுற்று ஏல அறிவிப்பு ஜனவரி 14ஆம் தேதி வெளியானது. இந்தியா முழுவதும் மொத்தம் 19,789 ச.கி.மீ பரப்பளவு ஏலம் விடப்படுகிறது. இதில் காவிரிப்படுகையில் மட்டும் கடலூரை ஒட்டியுள்ள ஆழமான கடற்பகுதியில் 4,064.22 ச.கி.மீ. பரப்பளவு ஏலத்தில் வழங்கப்பட இருக்கிறது.  இந்த ஏலத்திற்கான காலம் மார்ச் 18 ஆம் தேதியுடன் முடிவடைகிறது.

இதுகுறித்து அறிக்கை வெளியிட்டுள்ள மீத்தேன் திட்ட எதிர்ப்புக் கூட்டமைப்பின் தலைமை ஒருங்கிணைப்பாளர் பேராசிரியர் த. செயராமன், "இத்திட்டம் நடைமுறைப்படுத்தப்பட்டால், புதுச்சேரி, கடலூர், நாகை, காரைக்கால் கடற்பகுதியிலிருந்து மீன்கள் வெளியேறிவிடும். மீன்கள் அற்ற கடற் பகுதியாக கிழக்குக் கடற்பகுதி மாறும். ஆழ்கடலில் ஹைட்ரோகார்பன் கிணறுகள் அமைக்கப்பட்டால் அக்கடற்பகுதியில் மீன்பிடிப் படகுகள், கப்பல்கள் நடமாட அனுமதி இல்லை.

ஆகவே, மீனவர்கள் கடலில் இருந்து கட்டாயமாக வெளியேற்றப்படுவார்கள்.அப்பகுதி இரசாயன மயமாகும். மீன்பிடித்தொழில் நிரந்தரமாக முடிவுக்கு வரும்" எனத் தெரிவித்துள்ளார்.



click here
 

 

Print

 

கேலரி
புகைப்படத்தொகுப்பு -
மேலும்...