கச்சா எண்ணெய் சேமிப்பு தொட்டிகள்; இந்தியாவுக்கு அளிக்க இலங்கை அரசு ஒப்புதல்!

இலங்கை திரிகோணமலையில் உள்ள எண்ணெய் கிணறுகளை இந்தியாவுக்கு வழங்குவது தொடர்பான ஒப்பந்தத்திற்கு இலங்கை அமைச்சரவை ஒப்புதல் அளித்துள்ளது. கடந்த திங்கள் கிழமை நடைபெற்ற அமைச்சரவைக் கூட்டத்தில் இதற்கான ஒப்புதல் வழங்கப்பட்டுள்ளது.

இது தொடர்பாக இலங்கை அரசு வெளியிட்டுள்ள அறிவிப்பில், சிலோன் பெட்ரோலியம் கார்ப்பரேஷன் மற்றும் இந்தியன் ஆயில் கார்ப்பரேஷன் இணைந்து உருவாக்கும் நிறுவனம் 61 எண்ணெய் தொட்டிகளை நிர்வகிக்கும். இந்த நிறுவனத்தில் சிலோன் பெட்ரோலியம் கார்ப்பரேஷன் நிறுவனம் 51 சதவீத பங்குகளையும், இந்தியன் ஆயில் கார்ப்பரேஷன் நிறுவனம் 49 சதவீத பங்குகளையும் வைத்திருக்கும் என தெரிவிக்கப்பட்டுள்ளது.

பொருளாதார நெருக்கடியை சமாளிப்பதற்காகவே இலங்கை அமைச்சரவை இதற்கு ஒப்புதல் அளித்துள்ளதாகக் கூறப்படுகிறது.