புனே சீரம் இந்திய நிறுவனத்தில் இருந்து 5.56 லட்சம் கொரோனா தடுப்பூசி மருந்துகள் இன்று காலை 10.30 மணிக்கு சென்னை வந்தன. சென்னையில் இருந்து தமிழகத்தில் உள்ள 10 கிடங்குகளுக்கு இந்த தடுப்பூசி மருந்துகள் கொண்டு செல்லப்படுகின்றன.
இதுகுறித்து பேசிய சுகாதாரத்துறை செயலர் ராதாகிருஷ்ணன் “5.56 லட்சம் கொரோனா தடுப்பு மருந்து இன்று தமிழகம் வர உள்ளது. ஒருவருக்கு 30 நாள் இடைவேளையில் 2 முறை தடுப்பூசி போடப்படும். மருத்துவர்கள், செவிலியர்கள் உள்ளிட்டோருக்கு முதலில் தடுப்பூசி செலுத்தப்படும். சென்னையில் இருந்து தமிழகத்தின் 10 மையங்களுக்கு அனுப்பி வைக்கப்படும்” என்று ராதாகிருஷ்ணன் தெரிவித்துள்ளார்.
