???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 குடிநீர் தட்டுப்பாட்டுக்கு காரணமான அமைச்சர் வேலுமணி பதவி விலக வேண்டும்: ஸ்டாலின் 0 15 ஆண்டுகளுக்கு பிறகு ஜோடி சேர்ந்த மாதவன் - சிம்ரன் 0 பாகிஸ்தான் மீது இந்திய அணி நடத்திய மற்றொரு தாக்குதல்: கிரிக்கெட் வெற்றி குறித்து அமித்ஷா! 0 நாடு முழுவதும் மருத்துவர்கள் வேலைநிறுத்தம் 0 17-வது மக்களவையின் முதல் கூட்டத்தொடர் இன்று தொடக்கம்! 0 வெப்ப அலை காரணமாக ஒரே நாளில் 29 உயிரிழப்பு 0 நீட், ஹைட்ரோ கார்பன் திட்டங்களை கைவிட வலியுறுத்துவோம்: டி. ஆர். பாலு 0 நீட் தேர்வு தோல்வியால் எடப்பாடியைச் சேர்ந்த மாணவர் தற்கொலை 0 தமிழக உரிமைகளை டெல்லியில் அடகு வைத்துவிட்டு திரும்பியுள்ளார் முதலமைச்சர்: ஸ்டாலின் குற்றச்சாட்டு 0 தமிழ்ச் சூழலின் அவலம் பற்றிய புலம்பலில் இருக்கும் இன்பம் அலாதியானது!- காலச்சுவடு கண்ணன் நேர்காணல்! 0 மீன்பிடி தடைகாலம் நிறைவடைந்து கடலுக்குள் சென்றனர் மீனவர்கள்! 0 ஒற்றுமையோடு செயல்பட்டால் ஸ்டாலின் முதல்வராவது உறுதி: ப.சிதம்பரம் 0 முத்தலாக் மசோதாவை மாநிலங்களவையில் எதிர்ப்போம்: நிதிஷ் குமார் 0 கொரியாவில் சர்வதேச பட விழாவில் திரையிட சூப்பர் டீலக்ஸ் தேர்வு! 0 மெட்ரோவில் இலவச பயணம் செய்ய அனுமதியளிக்கக் கூடாது: மோடிக்கு மெட்ரோ மேன் கடிதம்
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

எதிர்க்கட்சி அந்தஸ்தை பெற காங்கிரஸ் யோசிக்கும் புதிய திட்டம்!

Posted : வெள்ளிக்கிழமை,   மே   31 , 2019  01:28:39 IST

மக்களவைத் தேர்தல் தோல்வி குறித்து விவாதிக்க கூட்டணி கட்சிகளின் கூட்டத்திற்கு காங்கிரஸ் கட்சி அழைப்பு விடுத்திருப்பதாக தகவல் வெளியாகியுள்ளது. இதனிடையே, சரத்பவாரின் தேசியவாத காங்கிரஸ் கட்சியை தங்களோடு இணைப்பது குறித்தும் காங்கிரஸ் கட்சி ஆலோசித்து வருவதாக கூறப்படுகிறது.

மக்களவைத் தேர்தலில் தோல்வியடைந்த காங்கிரஸ் கட்சிக்கு 52 எம்.பி.க்கள் மட்டுமே இருப்பதால், எதிர்க்கட்சி அந்தஸ்தைக் கூட பெறமுடியவில்லை. இந்த படுதோல்விக்கு பொறுப்பேற்று பல்வேறு மாநில காங்கிரஸ் தலைவர்கள் பதவியை ராஜினாமா செய்துள்ள நிலையில், பதவி விலகும் முடிவில் ராகுல் காந்தியும் உறுதியாக இருப்பதாக கூறப்படுகிறது.

இதனால், பழங்குடியின அல்லது சிறுபான்மையினத்தவரை தலைவராக நியமிக்கலாம் என ராகுல் காந்தி கூறியதாக தகவல் வெளியாகியுள்ளது. இதனிடையே, மக்களவையில் எதிர்க்கட்சி அந்தஸ்தை பெற குறைந்தபட்சம் 10 சதவீத இடங்கள் பெற்றிருக்க வேண்டும் என்பதால், 5 எம்.பி.க்களைக் கொண்ட சரத்பவாரின் தேசியவாத காங்கிரஸ் கட்சியை, காங்கிரஸ் கட்சியோடு இணைக்க பேச்சுவார்த்தை நடந்து வருவதாக கூறப்படுகிறது.

ஒருவேளை அவ்வாறு இணைக்கப்பட்டால், காங்கிரஸ் தலைவர் பதவியை சரத்பவாருக்கு வழங்கவும் காங்கிரஸ் முடிவு செய்துள்ளதாக தகவல் வெளியாகியுள்ளது. இதன்மூலம் காங்கிரஸ் கட்சியின் பலம் 57ஆக அதிகரிக்கும் என்பதால், எதிர்க்கட்சி அந்தஸ்தை பெற்றுவிடலாம் என கணக்கு போட்டுள்ளதாக கூறப்படுகிறது.

மேலும் தேர்தல் தோல்வி குறித்து விவாதிக்க இன்று கூட்டணி கட்சிகள் கூட்டத்துக்கு காங்கிரஸ் அழைப்பு விடுத்திருப்பதாக கூறப்படும் நிலையில், நாளை நடைபெறவுள்ள காங்கிரஸ் எம்.பி.க்கள் கூட்டத்தில் புதிய தலைவர் தேர்ந்தெடுக்கப்படுவார் என்றும் தகவல் வெளியாகியுள்ளது.
 



click here
 

 

Print

 

கேலரி
புகைப்படத்தொகுப்பு -
மேலும்...