அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 எட்டாவது முறை பீகார் முதலமைச்சராகப் பதவியேற்றார் நிதிஷ்குமார்! 0 பிளவுகளைக் கடந்து நிச்சயமாக அதிமுக ஒன்றிணையும் – சசிகலா 0 ஒன்றாகத் தேர்வு எழுதி, ஒன்றாகத் தேர்ச்சி பெற்று, அரசு வேலைக்கு செல்லும் தாய் – மகன்! 0 பிரியங்கா காந்திக்கு மீண்டும் கொரோனா தொற்று உறுதி! 0 போதைப் பொருள் விற்பவர்கள் சொத்துகள் முடக்கப்படும் – முதலமைச்சர் 0 நிதிஷ் குமார் செய்தது நம்பிக்கை துரோகம்: பா.ஜ.க. 0 கள்ளக்குறிச்சி கலவர வழக்கில் கைதான 64 பேருக்கு நிபந்தனை ஜாமீன் 0 அரசியல் பேச ஆளுநர் மாளிகை கட்சி அலுவலகம் அல்ல: சிபிஐ(எம்) கண்டனம் 0 முல்லை பெரியாறு அணை பாதுகாப்பாக உள்ளது: மு.க.ஸ்டாலின் பதில் 0 பீகாரை போல் ஜனநாயக சக்திகள் ஒன்றிணைய வேண்டும்: திருமாவளவன் 0 நான் பேசியது சட்டத்துக்கு புறம்பானது இல்லை: கனல் கண்ணன் முன்ஜாமீன் கோரி மனுத்தாக்கல் 0 செஸ் ஒலிம்பியாட்: தங்கம் வென்ற தமிழக வீரர்கள்! 0 ஆட்சி அமைக்க உரிமை கோரினார் நிதீஷ் குமார்! 0 அதிமுகவின் முதல் எம்பியான மாயத்தேவர் காலமானார்! 0 அரசியல் அலுவலகமா ஆளுநர் மாளிகை? கே.பாலகிருஷ்ணன் கண்டனம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

பிரதமரின் மிரட்டலுக்கு காங்கிரஸ் பயப்படாது: ராகுல் காந்தி

Posted : வியாழக்கிழமை,   ஆகஸ்ட்   04 , 2022  23:36:19 IST

நேஷனல் ஹெரால்டு வழக்கு விசாரணை கடந்த சில மாதங்களாக தீவிரமடைந்துள்ளது. காங்கிரஸ் கட்சி தலைவர் சோனியா காந்தி, ராகுல் காந்தி ஆகியோரிடம் மணிக்கணக்கில் அமலாக்கத்துறையினர் விசாரணை நடத்தினர். இந்நிலையில், இந்த வழக்கு தொடர்பாக டெல்லியில் உள்ள யங் இந்தியா அலுவலகத்திற்கு அமலாக்கத்துறை நேற்று மாலை சீல் வைத்தது.
 
அமலாக்கத்துறையின் அனுமதியின்றி அலுவலகத்தை திறக்கக்கூடாது என அங்கு நோட்டீஸ் ஒட்டப்பட்டது. இதற்கு எதிர்ப்பு தெரிவித்து காங்கிரஸ் கட்சியினர் போராட்டத்தில் ஈடுபடக் கூடும் என்பதால், சீல் வைக்கும் நடவடிக்கைக்கு முன்பாக அக்கட்சியின் தலைமை அலுவலகம் மற்றும் சோனியா இல்லம் அமைந்துள்ள ஜன்பத் பகுதிகளிலும் போலீசார் குவிக்கப்பட்டுள்ளனர். இதனால், அப்பகுதி முழுவதும் நேற்று மாலை முதல் பரபரப்பாக காணப்பட்டது.அமலாக்கத்துறையின் இந்த நடவடிக்கைக்கு காங்கிரஸ் கட்சியின் மூத்த தலைவர்கள் அபிஷேக் மனு சிங்வி, ஜெய்ராம் ரமேஷ், அஜய் மாக்கன் ஆகியோர் செய்தியாளர்களை சந்தித்து கட்சி சார்பில் கண்டனம் தெரிவித்தனர்.
 
மேலும் அக்கட்சியின் மாநிலங்களவைத் தலைவர் மல்லிகார்ஜுன கர்கே இந்த விவகாரத்தை இன்றைய மாநிலங்களவை கூட்டத்தில் எழுப்பினர். இந்நிலையில், கர்நாடகா மாநிலத்திற்கு சுற்றுப் பயணம் மேற்கொண்ட ராகுல் காந்தி இந்த நடவடிக்கைகளைத் தொடர்ந்து நேற்று இரவே அவசர அவசரமாக டெல்லி திரும்பினார். இன்று காலை நாடாளுமன்றத்திற்கு வருகை தந்த அவர், இந்த நடவடிக்கைகள் தொடர்பாக செய்தியாளர்களிடம் கருத்து தெரிவித்தார்.
 
இது குறித்து அவர், "நேஷனல் ஹெரால்டு குறித்து சொல்ல வேண்டும் என்றால், இந்த ஒட்டுமொத்த நடவடிக்கைகளுமே எங்களை அச்சுறுத்தி பார்க்க வேண்டும் என்ற நோக்கில் மேற்கொள்ளப்படுகிறது. இதன் மூலம் எங்களை முடக்கி பேச விடாமல் தடுத்து விடலாம் என பிரதமர் மோடியும் அமித் ஷாவும் நினைக்கின்றார்கள். ஆனால் அவர்கள் எண்ணம் பலிக்காது. நரேந்திர மோடியும், அமித் ஷாவும் ஜனநாயகத்திற்கு எதிராக செயல்படுகிறார்கள். நீங்கள் என்ன வேண்டுமானாலும் செய்து கொள்ளுங்கள் அதற்கு நாங்கள் அஞ்சமாட்டோம்" என ராகுல் காந்தி தெரிவித்துள்ளார்.
 


 

 

Print

 

கேலரி
புகைப்படத்தொகுப்பு -
மேலும்...