கே.ஜி.எஃப் படத்தில் நடித்த நகைச்சுவை நடிகர் திடீர் மரணம்!

கே.ஜி.எஃப் படத்தில் இரண்டு பாகங்களிலும் நடித்த மோகன் ஜூனேஜா இன்று காலமானார். அவருக்கு வயது 54.
 

பிரபல கன்னட நகைச்சுவை நடிகர் மோகன் ஜூனேஜா கன்னடம், தமிழ், தெலுங்கு, மலையாளம் என நான்கு மொழிகளில் நூற்றுக்கும் மேற்பட்ட படங்களில் நடித்துள்ளார். உலகம் முழுவதும் சினிமா ரசிகர்களால் கொண்டாடப்பட்ட கே.ஜி.எஃப் படத்தின் இரண்டு பாகங்களிலும் நடித்துள்ளார்.

மோகன் ஜூனோ கல்லீரல் தொடர்பான நோயால் நீண்ட நாட்களாக பெங்களூரில் உள்ள ஒரு தனியார் மருத்துவமனையில் சிகிச்சை பெற்று வந்தார். இந்நிலையில், அவர் சிகிச்சை பலனின்றி இன்று உயிரிழந்துள்ளார். அவரின் மறைவிற்கு ரசிகர்களும் கன்னட திரையுலகினரும் இரங்கல் தெரிவித்து வருகின்றனர்.