ரஜினி அரசியல் கட்சி நடத்துகிறாரா? முதல்வர் பழனிசாமி

கோவை விமான நிலையத்தில் செய்தியாளர்களிடம் பேசிய முதலமைச்சர் எடப்பாடி பழனிசாமி, நாடாளுமன்றத் தேர்தலில் இருந்த கூட்டணியே, உள்ளாட்சித் தேர்தலிலும் தொடரும் எனவும், உள்ளாட்சித் தேர்தலை எதிர்கொள்ள அதிமுக தயாராக இருப்பதாகவும் குறிப்பிட்டார்.

அதனைத் தொடர்ந்து அரசியல் வெற்றிடம் தொடர்பாக நடிகர் ரஜினி தெரிவித்த கருத்து பற்றி செய்தியாளர்கள், முதல்வரிடம் கேள்வி எழுப்பினர். அதற்கு பதிலளித்த அவர், ரஜினி திரைத்துறையில் இருப்பதாகவும், அரசியல் வெற்றிடம் பற்றி கருத்து சொல்ல அவர் அரசியல் கட்சி நடத்துகிறாரா? என்றும் கேள்வி எழுப்பினார். அதிமுகவைப் பொறுத்தவரை தமிழகத்தில் அரசியல் வெற்றிடம் இல்லை என்றும் முதல்வர் பழனிசாமி திட்டவட்டமாக கூறினார்.