???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 நட்சத்திரங்களுடன் ஒரு வண்ணத்துப்பூச்சி- 11 -இயக்குநர் ராசி அழகப்பன் எழுதும் தொடர் 0 நித்தியானந்தா ஆசிரமத்தில் சிறுவர், சிறுமியர்களுக்கு கொடுமை: முன்னாள் சிஷ்யை புகார்! 0 போராட்ட களத்தையே வாழ்வாக்கி வெற்றி கண்டவர் கலைஞர்: மு.க.ஸ்டாலின் புகழாரம் 0 இடைத்தேர்தல் வேட்புமனு தாக்கல் இன்று தொடக்கம்! 0 திகார் சிறையில் உள்ள ப.சிதம்பரத்தை சந்திக்கிறார் சோனியா காந்தி! 0 ஹவுடி-மோடி: ஒரே மேடையில் தோன்றிய மோடி-டிரம்ப்! 0 இடைத்தேர்தலில் அ.தி.மு.கவுக்கு மக்கள் பாடம் புகட்டுவார்கள்: விசிக அறிக்கை 0 மதத்தின் பெயரால் நடக்கும் கொலைகள் கடந்த 6 ஆண்டுகளில் அதிகரிப்பு: சசி தரூர் 0 நேருவால்தான் காஷ்மீரின் ஒரு பகுதி பாகிஸ்தானுடன் உள்ளது: அமித்ஷா குற்றச்சாட்டு 0 கீழடியில் பொருள்களுக்கு அருங்காட்சியகம் அமைக்க ஆலோசனை: அமைச்சர் மாஃபா பாண்டியராஜன் 0 நாங்குநேரி, விக்கிரவாண்டி இடைத்தேர்தல்: அ.தி.மு.க. விருப்ப மனு விநியோகத்தை தொடங்கியது 0 மஹாராஷ்டிரா, ஹரியானா மாநில சட்டப்பேரவைக்கு ஒரே கட்டமாக தேர்தல்! 0 வங்கி இணைப்புக்கு எதிர்ப்பு தெரிவித்து வேலை நிறுத்தம்! 0 தாயிடமிருந்து குழந்தைக்கு எச்.ஐ.வி பரவாமல் தடுப்பதில் உலக அளவில் தமிழகம் இரண்டாம் இடம்! 0 அமமுகவை தொடர்ந்து போட்டியில் இருந்து விலகிய மக்கள் நீதி மய்யம்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

வெளிநாட்டு சுற்றுப் பயணத்தை முடித்துக்கொண்டு சென்னை திரும்பினார் முதலமைச்சர்!

Posted : திங்கட்கிழமை,   செப்டம்பர்   09 , 2019  22:46:13 IST

13 நாள் வெளிநாட்டு பயணத்தை முடித்துக் கொண்டு முதலமைச்சர் எடப்பாடி பழனிசாமி சென்னை திரும்பினார். இந்த பயணத்தில் 8 ஆயிரத்து 835 கோடி ரூபாய் அளவிற்கு முதலீடுகள் ஈர்க்கப்பட்டுள்ளதாக முதலமைச்சர் பழனிசாமி தெரிவித்துள்ளார்.

தமிழகத்திற்கு முதலீடுகளை ஈர்க்கும் விதமாக இங்கிலாந்து, அமெரிக்கா, துபாய் நாடுகளில் முதலமைச்சர் எடப்பாடி பழனிசாமி சுற்றுப்பயணம் மேற்கொண்டார். 13 நாட்கள் சுற்றுப்பயணத்தின் இறுதி நாளான நேற்று துபாயில் முதலமைச்சர் முன்னிலையில் பல்வேறு நிறுவனங்கள் தமிழகத்தில் தொழில் தொடங்குவதற்கான புரிந்துணர்வு ஒப்பந்தங்கள் மேற்கொள்ளப்பட்டன.

இதைத் தொடர்ந்து தனது வெளிநாடுகள் பயணத்தை முடித்துக் கொண்டு துபாயில் இருந்து புறப்பட்ட முதலமைச்சர் பழனிசாமி, காலை 3 மணியளவில் சென்னை திரும்பினார். அவரை சென்னை விமான நிலையத்தில் அ.தி.மு.க.வினர் ஆட்டம், பாட்டத்துடன் உற்சாகமாக வரவேற்றனர்.

விமானத்தில் வந்து இறங்கியதும் முதலமைச்சர் பழனிசாமியை முன்னாள் மக்களவை துணை சபாநாயகர் தம்பிதுரை பொன்னாடை போர்த்தி வரவேற்றார். அதைத் தொடர்ந்து அமைச்சர்கள், அதிமுக எம்.பி.க்கள் பூங்கொத்துகள் கொடுத்து முதலமைச்சருக்கு வரவேற்பு அளித்தனர்.

அதே நேரத்தில் துணை முதலமைச்சர் ஓ.பன்னீர்செல்வம், அவரது மகனும் எம்.பி.யுமான ரவீந்திரநாத் குமாரும் வரவில்லை. பின்னர் செய்தியாளர்களை சந்தித்த முதலமைச்சர் பழனிசாமி, தன்னுடைய பயணம் மிகவும் திருப்திகரமாக இருந்ததாகக் குறிப்பிட்டார். தமிழகத்தில் பிறந்து கல்வி கற்று வெளிநாடுகளுக்கு சென்ற தமிழர்கள் மீண்டும் தாயகத்துக்கு திரும்பி முதலீடு செய்ய ஆர்வம் காட்டுவதாகவும் தெரிவித்தார்.

தொடர்ந்து பேசிய முதலமைச்சர், வெளிநாட்டினரை சந்திக்கும் போது அவர்களது உடையில் இருந்தால் மட்டுமே முதலீடுகளை ஈர்க்க முடியும் என்றார்.

வெளிநாடுகளில் தமிழர்கள் மிகுந்த அர்ப்பணிப்புடன் உழைத்து தமிழகத்துக்கு பெருமை சேர்ப்பதாக குறிப்பிட்ட முதலமைச்சர், தமிழகத்தில் மருத்துவம், தொழில்நுட்பம் உள்ளிட்ட அனைத்துத் துறைகளிலும் தொழில் தொடங்க முதலீட்டாளர்கள் ஆர்வம் காட்டுவதாக தெரிவித்தார். பருவமழை பொய்க்கும் காலங்களில் இருக்கும் நீரை எப்படி பயன்படுத்துவது? என்பது குறித்து அறிய அடுத்த கட்டமாக இஸ்ரேல் சென்று ஆய்வு நடத்த உள்ளதாகவும் முதலமைச்சர் கூறினார்.

புதிய முதலீடுகள் மூலம் வேலைவாய்ப்பு பெருகி தமிழகம் வளர்ச்சிப் பாதைக்கு செல்லும் எனக்கூறிவிட்டு முதலமைச்சர் பழனிசாமி அங்கிருந்து பசுமை வழிச்சாலையில் உள்ள தனது இல்லத்துக்கு புறப்பட்டுச்சென்றார்.



click here
 

 

Print

 

கேலரி
புகைப்படத்தொகுப்பு -
மேலும்...