புதுவையில் ஆளுநர் மாளிகை அருகே போராட்டத்தில் ஈடுபட்ட புதுவை சமூக நலத்துறை அமைச்சர் கந்தசாமியை சந்திக்க சென்ற முதல்வர் நாராயணசாமி தடுத்து நிறுத்தப்பட்டதால், அவரும் சாலையில் அமர்ந்து தர்ணாவில் ஈடுபட்டார்.
மக்களுக்கான நலத்திட்டங்கள் தொடர்பான 15 கோப்புகளுக்கு ஒப்புதல் கோரிய அமைச்சர் கந்தசாமி, துணைநிலை ஆளுநர் கிரண்பேடியுடன் விவாதிக்க நேரம் கோரினார். இவை இரண்டுக்கும் கிரண்பேடி ஒப்புதல் அளிக்காததால், அவர் தொடர்ந்து 10 நாட்களாக போராட்டத்தில் ஈடுபட்டு வருகிறார். இன்று அமைச்சர் கந்தசாமியை சந்திக்க முதல்வர் நாராயணசாமி உள்ளிட்ட அமைச்சர்கள் சட்டப்பேரவை வளாகம் நோக்கி வந்தனர்.
அவர்களையும் காவல்துறையினர் அனுமதிக்காததால் முதல்வர் நாராயணசாமி சாலையில் அமர்ந்து தர்ணாவில் ஈடுபட்டார். இதனையடுத்து காவல்துறையினர் மற்றும் துணை இராணுவப் படையினர் அனைவரையும் வலுக்கட்டாயமாக அகற்றினர்.
