அந்திமழை - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 பெட்ரோல், டீசல் விலை குறைப்பு! – நிதியமைச்சர் நிர்மலா சீதாராமன் 0 ஆறு பேர் விடுதலை – முதலமைச்சர் ஆலோசனை! 0 தமிழகத்தில் அடுத்த ஐந்து நாட்களுக்கு மிதமான மழை – வானிலை ஆய்வு மையம்! 0 சர்ச்சைப் பேச்சு: விளக்கம் அளித்துள்ள லியோனி! 0 ஐபிஎல் இறுதி போட்டியில் வெளியிடப்படும் அமீர் கானின் லால் சிங் சத்தா திரைப்படத்தின் ட்ரெய்லர்! 0 விவாதங்களை நடத்த அனுமதிக்கும் நிறுவனங்கள் மீது தாக்குதலை நடத்தும் பாஜக அரசு – ராகுல் காந்தி 0 நெஞ்சுக்கு நீதி: திரைவிமர்சனம்! 0 கொடுங்கையூர் குப்பை கிடங்கில் தீ விபத்து: புகை சூழ்ந்ததால் பொதுமக்கள் அவதி! 0 தமிழ்நாட்டில் ஒமைக்ரான் பிஏ-4 வகை கொரோனா தொற்று பாதிப்பு உறுதி! 0 'பிரதமர் மோடி நாட்டை பாதுகாக்க வேண்டும்': ராகுல் காந்தி வலியுறுத்தல் 0 இன்று குரூப்-2, 2ஏ முதல்நிலைத் தேர்வு! 0 கைது நடவடிக்கையை தடுக்க முன் ஜாமின் கோரும் கார்த்தி சிதம்பரம்! 0 குஜராத், இமாச்சல் தேர்தலில் காங்கிரஸ் படுதோல்வி அடையும்: பிரசாந்த் கிஷோர்! 0 பேரறிவாளனுக்கு ஏற்ற பெண் கிடைத்தால் உடனே திருமணம் செய்ய தயார்: அற்புதம்மாள் 0 மதுரை தம்பதிக்கு நடிகர் தனுஷ் சார்பில் வக்கீல் நோட்டீஸ்!
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி

Andhimazhai Magazine Subscription 
 

மாநில மொழிகளைப் புறக்கணித்த சிபிஎஸ்இ: வலுக்கும் எதிர்ப்பு!

Posted : வெள்ளிக்கிழமை,   அக்டோபர்   22 , 2021  12:58:46 IST


Andhimazhai Image

பத்தாம் வகுப்பு சி.பி.எஸ்.இ தேர்வில் முதல்முறையாக முதன்மை பாடங்கள் மற்றும் துணைப் பாடங்கள் என பிரித்து சி.பி.எஸ்.இ வெளியிட்ட அட்டவணை சர்ச்சையைக் கிளப்பியுள்ளது. இந்தி மற்றும் ஆங்கிலம் ஆகிய மொழிப் பாடங்களை முதன்மை பாடங்களாகவும் தமிழ், மலையாளம், தெலுங்கு, பஞ்சாபி உள்ளிட்ட மாநில மொழிகளை துணைப் பாடங்களாகவும் சி.பி.எஸ்.இ குறிப்பிடப்பட்டுள்ளது. இதன் மூலம் மத்திய அரசு, இந்தியை மட்டுமே முதன்மைப்படுத்துவதாக அரசியல் கட்சியினர் குற்றம்சாட்டியுள்ளனர்.


மத்திய அரசின் இந்த முடிவுக்கு எதிர்ப்பு தெரிவித்து ட்வீட் செய்துள்ள பஞ்சாப் முதல்வர் சரண்ஜித் சன்னி,“பஞ்சாபி மொழியை முதன்மை பாடங்களிலிருந்து நீக்கிய சி.பி.எஸ்.இ-யின் சர்வாதிகாரத்தை கடுமையாகக் கண்டிக்கிறேன். சி.பி.எஸ்.இ-யின் தன்னிச்சையான முடிவு கூட்டாட்சி தத்துவதற்கு எதிரானது. பஞ்சாப் இளைஞர்கள் தாய் மொழியைப் படிப்பதற்கான அடிப்படை உரிமை பறிக்கப்படுகிறது.” என பதிவிட்டுள்ளார்.


அதேபோல், பாமகவின் இளைஞரணி தலைவர் அன்புமணி ராமதாஸ் தனது ட்வீட்டர் பக்கத்தில், “நவம்பர் 17-ஆம் தேதி தொடங்கும் பத்தாம் வகுப்பு சி.பி.எஸ்.இ தேர்வில் இந்தி மற்றும் ஆங்கிலம் உள்ளிட்ட பாடங்கள் முதன்மைப் பாடங்களாகவும் (Major Subjects), தமிழ் உள்ளிட்ட மாநில மொழிப் பாடங்கள் முக்கியத்துவம் இல்லாத (Minor Subjects) பாடங்களாகவும் அறிவிக்கப்பட்டுள்ளன!


முக்கியத்துவம் வாய்ந்த பாடங்களுக்கானத் தேர்வை சி.பி.எஸ்.இ அமைப்பே நேரடியாக நடத்தி மதிப்பெண் வழங்குமாம். முக்கியத்துவம் இல்லாத பாடங்களுக்கானத் தேர்வுகளை அந்தந்த பள்ளிகளே நடத்தி மதிப்பெண் வழங்கிக் கொள்ளலாமாம். இது நியாயமல்ல!


பத்தாம் வகுப்பு சி.பி.எஸ்.இ தேர்வுக்கான பாடங்களை முதன்மைப் பாடங்கள், முக்கியத்துவம் இல்லாத பாடங்கள் என பிரித்திருப்பது இதுவே முதல்முறையாகும். இவ்வாறு வகைப்படுத்துவதன் தமிழ் உள்ளிட்ட மாநில மொழிப் பாடங்களை சிறுமைப்படுத்த சி.பி.எஸ்.இ முயல்கிறது. இது கண்டிக்கத்தக்கது!


தமிழ் உள்ளிட்ட மாநில மொழிப் பாடங்களை முக்கியத்துவமற்ற பாடங்களாக அறிவிப்பதன் மூலம் அவற்றை மாணவர்கள் விரும்பிப் படிக்காத நிலை உருவாகிவிடும். அந்த வகையில் இது மாநில மொழிப் பாடங்களுக்கு எதிரான செயல் தான். இதை சி.பி.எஸ்.இ கைவிட வேண்டும்!” என வலியுறுத்தியுள்ளார்.










 



 

 

Print

 

கேலரி
புகைப்படத்தொகுப்பு -
மேலும்...