???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 இந்தியாவுடன் இனி பேச்சுவார்த்தை இல்லை: இம்ரான் கான் 0 ப.சிதம்பரத்தை சிபிஐ கையாளும் விதம் மிகவும் வருத்தமளிக்கிறது: மம்தா பானர்ஜி 0 அமெரிக்கா டாலருக்கு நிகரான இந்திய ரூபாயின் மதிப்பு கடும் சரிவு! 0 ஸ்டெர்லைட் ஆலையில் விஷவாயு தாக்கி 13 ஊழியர்கள் இறந்தது உண்மையா? ஆதாரம் அளிக்க நீதிமன்றம் உத்தரவு 0 ப.சிதம்பரத்திடம் இன்று இரவு முதல் சிபிஐ விசாரணை தொடங்குகிறது! 0 அன்னிய செலாவணி மோசடி வழக்கில் சசிகலா விளக்கம் அளிக்க உயர்நீதிமன்றம் உத்தரவு 0 நிலவின் முதல் படத்தை அனுப்பியது சந்திரயான் - 2 0 காஷ்மீர் பிரச்சினையில் மத்தியஸ்தம் செய்வது குறித்து டிரம்ப் மீண்டும் பேட்டி 0 காஷ்மீர் விவகாரத்தை திசை திருப்பவே ப. சிதம்பரம் கைது நடவடிக்கை: கார்த்தி சிதம்பரம் 0 ப.சிதம்பரத்தை வேட்டையாட துடிப்பது வெட்கக்கேடானது: பிரியங்கா காந்தி 0 நீதிக்கு தலைவணங்குவேன்; தலைமறைவாக மாட்டேன்: கைதாகும் முன் பேட்டியளித்த ப.சிதம்பரம் 0 ப.சிதம்பரத்துக்கு எதிராக அதிகார துஷ்பிரயோகம்: ராகுல் காந்தி, மு.க.ஸ்டாலின் கண்டனம் 0 காஷ்மீர் விவகாரம்: டெல்லியில் திமுக இன்று ஆர்ப்பாட்டம் 0 ப. சிதம்பரம் கைதை கண்டித்து தமிழகத்தில் இன்று ஆர்ப்பாட்டம் 0 10,000 ஊழியர்களை நீக்க பார்லே நிறுவனம் முடிவு
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

காவிரியிலிருந்து 9.2 டி.எம்.சி. தண்ணீர் திறக்க கர்நாடகாவுக்கு உத்தரவு!

Posted : புதன்கிழமை,   மே   29 , 2019  00:21:06 IST

நடப்பு நீராண்டுக்கான மூன்றாவது மற்றும் கடைசி காவிரி நீர் மேலாண்மை ஆணையத்தின் கூட்டம் டெல்லியில் தொடங்கி நடைபெற்று வருகிறது. மத்திய நீர்வள ஆணையத் தலைவரும், காவிரி நீர் மேலாண்மை ஆணையத்தின் தலைவருமான மசூத் உசைன் தலைமையில் இந்தக் கூட்டம் நடக்கிறது.

இதில் மத்திய அரசின் தலைமை பொறியாளர் நவீன் குமார், தமிழகத்தின் சார்பில் பொதுப்பணித் துறை முதன்மை செயலர் எஸ்.கே.பிரபாகர், காவிரி தொழிநுட்ப பிரிவு தலைவர் சுப்ரமணியம், கர்நாடக அரசு சார்பில் பொதுப்பணித்துறை செயலர் ராகேஷ் சிங், கேரளா சார்பில் முதன்மை பொறியாளர்கள் அசோக் மற்றும் மேத்யூ வில்சன்,  புதுச்சேரி முதன்மை பொறியாளர் அன்பரசன் உள்ளிட்டோர் பங்கேற்றுள்ளனர்.

இந்த கூட்டத்தில் தமிழக அரசின் சார்பில் 3 பிரதான கோரிக்கைகள் முன்வைக்கப்பட்டன.மேகதாது அணை தொடர்பான விரிவான திட்ட அறிக்கையை கூட்டத்தில் ஒரு பொருள் நிரலாக சேர்த்ததற்கு கடும் எதிர்ப்பு தெரிவிக்கப்பட்டது.

இது தொடர்பாக உச்சநீதிமன்றத்தில் வழக்கு நிலுவையில் உள்ளதால் இந்த விவகாரம் குறித்து மேலாண்மை ஆணையத்தின் எந்தக் கூட்டத்திலும் விவாதிக்கக் கூடாது என வலியுறுத்தப்பட்டது.

குறுவை சாகுபடிக்கு ஏதுவாக ஜூன் மாதம் திறக்க வேண்டிய 9.2 டி.எம்.சி. நீரை உடனடியாக திறக்க உத்தரவிட வேண்டும் என்றும், இதேபோல் எந்த குறைபாடும் இல்லாமல் ஒவ்வொரு மாதமும் கர்நாடக அரசு நீர் திறக்க உத்தரவிட வேண்டுமெனவும் கோரிக்கை வைக்கப்பட்டது.

சுற்றுச்சூழலை பாதுகாப்பதற்காக பிப்ரவரி முதல் மே வரை ஒவ்வொரு மாதமும் 2.5 டி.எம்.சி. நீரை கர்நாடகா வழங்க வேண்டும் என்றும், அதேபோல் தற்போதைய நீராண்டில் திறந்துவிடாமல் நிலுவையில் இருக்கும் 2 டி.எம்.சி. நீரை மே மாதத்திற்குள் உடனடியாக திறந்துவிட வேண்டுமென்ற கோரிக்கையும் முன்வைக்கப்பட்டது.

கடந்த ஜூன் முதல் மே வரையிலான நீர் திறப்பு, நீர் வரத்து, மழைப்பொழிவு 4 மாநில அணைகளின் நீர்மட்டம் குறித்தும் இந்தக் கூட்டத்தில் விரிவான ஆலோசனை மேற்கொள்ளப்பட்டது. இதனை தொடர்ந்து தற்போது, காவிரியிலிருந்து தமிழகத்திற்கு 9.2 டி.எம்.சி. தண்ணீரை உடனே திறக்க கர்நாடகாவிற்கு காவிரி மேலாண்மை ஆணையம் உத்தரவிட்டுள்ளது.



click here
 

 

Print

 

கேலரி
புகைப்படத்தொகுப்பு -
மேலும்...