புரெவி புயல் தற்போது வலுவிழந்து காற்றழுத்த தாழ்வு மண்டலமாக மாறியுள்ளது. இந்த காற்றழுத்த தாழ்வு மண்டலம் தூத்துக்குடி – ராமநாதபுரம் இடையே கரையைக் கடக்கும் என வானிலை ஆய்வு மையம் தெரிவித்துள்ளது.
மன்னர் வளைகுடா பகுதியில் நிலை கொண்டிருந்த புரெவி புயல் இன்று மாலை 5:30 மணியளவில் வலுவிழுந்து காற்றழுத்த தாழ்வு மண்டலமாக மாறியுள்ளது. இதன்காரணமாக அடுத்த 24 மணி நேரத்தில் தமிழகம் மற்றும் புதுச்சேரியில் ஒரு சில இடங்களில் மழை பெய்ய வாய்ப்புள்ளது. தமிழகத்தை பொறுத்தவரையில் தென் தமிழக மாவட்டங்களில் கனமழை பொழியும் என வானிலை ஆய்வு மையம் தெரிவித்துள்ளது.
