???????? - Andhimazhai.com - Andhimazhai - Web Portal for tamils
 
 
 
Andhimazhai - headlines, Tamil Latest News 0 தமிழகத்தில் 2-வது நாளாக ஆயிரத்தை கடந்த கொரோனா தொற்று 0 வன்முறையை நிறுத்தாவிட்டால் ராணுவத்தை பயன்படுத்துவேன்: டிரம்ப் எச்சரிக்கை 0 ஊரடங்கு காலத்தை வீணடிக்காமல் கொரோனாவை கட்டுப்படுத்த தீவிர முயற்சி வேண்டும்: மு.க.ஸ்டாலின் 0 தனியார் மருத்துவமனைகளில் கொரோனா பரிசோதனை கட்டணம் ரூ.3 ஆயிரமாக குறைப்பு 0 சிறு, குறு தொழில்களுக்கு ரூ.20,000 கோடி: பிரகாஷ் ஜவடேகர் 0 ஆர்.எஸ்.பாரதிக்கு மீண்டும் நிபந்தனை பிணை 0 தென்மேற்கு பருவமழை தொடங்கியது: சென்னையில் மழைக்கு வாய்ப்பு 0 காட் மேன் வெப்சீரிஸ் இயக்குநர், தயாரிப்பாளர் மீது வழக்குப் பதிவு! 0 இடியால் சேதமான தாஜ்மஹாலின் பிரதான கல்லறை 0 தியேட்டர்கள் திறக்க அனுமதி வேண்டும்: அரசுக்கு பாரதிராஜா கடிதம் 0 இந்தியாவில் கொரோனாவால் பாதிக்கப்பட்டவர்கள் எண்ணிக்கை 1,82,143 ஆக உயர்வு! 0 'மத்திய அரசு ரூ.7,500, மாநில அரசு ரூ.5 ஆயிரம் நிவாரணம் வழங்க வேண்டும்' 0 காய்ச்சல், இருமல் இருந்தால் பஸ்சில் அனுமதி இல்லை: தமிழக அரசு 0 ஒரே நாளில் 1,149 பேருக்கு கொரோனா: 13 பேர் உயிரிழப்பு 0 இது மிகவும் கவனமாக இருக்க வேண்டிய நேரம்: பிரதமர் மோடி
Feed Facebook Twitter
 
முகப்பு | செய்திகள் | கேலரி | சினிமா | சிறப்புப் பகுதி | இதழ் | பத்தி
Andhimazhai Magazine Subscription
 

சட்டமன்ற இடைத்தேர்தலில் தனித்தனியாகப் போட்டி! - மாயாவதி, அகிலேஷ் அறிவிப்பு

Posted : செவ்வாய்க்கிழமை,   ஜுன்   04 , 2019  04:58:45 IST


Andhimazhai Image

உத்தர பிரதேசத்தில் நடைப்பெறவுள்ள சட்டமன்ற இடைத்தேர்தலில் பகுஜன் சமாஜ் கட்சி தனித்து போட்டியிடுவதாக அக்கட்சியின் தலைவர் மாயாவதி அறிவித்துள்ளார்.

 
மக்களவைத் தேர்தலில் பாஜக – காங்கிரஸ் கட்சிகளுக்கு மாற்றாக உத்தர பிரதேசத்தில் பகுஜன் சமாஜ் கட்சி மற்றும் சமாஜ்வாதி கட்சிகளின் தலைமையில் மூன்றாவது அணி உருவாக்கப்பட்டது.
 
பாஜகவை வீழ்த்த வேண்டும் என்கிற முதன்மை இலக்கோடு உருவாக்கப்பட்ட இந்த கூட்டணியில் பகுஜன் சமாஜ் கட்சி 38 தொகுதிகளிலும், சமாஜ்வாதி கட்சி 37 தொகுதிகளிலும் போட்டியிட்டன. மொத்தமுள்ள 80 தொகுதிகளில் சில தொகுதிகள் இக்கூட்டணியில் இடம்பெற்ற கட்சிகளுக்கு வழங்கப்பட்டது.
 
பல ஆண்டுகளுக்கு பிறகு மாயாவதியும் முலாயம் சிங்கும் ஒரேமேடையில் பிரசாரம், அனைத்து பிற்படுத்தப்பட்ட பட்டியலின சமூக மக்களையும் ஒன்றிணைக்கும் உத்தி, தீவிர களப்பணி என பலவிதமாக உழைத்தும் பகுஜன் சமாஜ் கட்சி 10 தொகுதிகளிலும், சமாஜ்வாதி கட்சி 5 தொகுதிகளிலும் மட்டுமே வென்றன. 62 தொகுதிகளில் வெற்றிப்பெற்று உத்தர பிரதேசத்தில் பாஜக மீண்டும் வரலாறு படைத்திருக்கிறது.
 
இந்நிலையில், சட்டமன்ற உறுப்பினர்களாக இருந்து, மக்களவை உறுப்பினர்களாகியிருக்கும் 11 பேர் தமது எம்.எல்.ஏ பதவியை ராஜினாமா செய்ததால் 11 சட்டமன்ற தொகுதிகளில் இடைத்தேர்தல் நடைப்பெறவுள்ளது. மக்களவைத் தேர்தலில் பெரிய வெற்றியைப் பெற முடியாவிட்டாலும், சட்டப்பேரவையில் தனது பலத்தை நிலைநிறுத்திக்கொள்ள மாயாவதி விரும்புவதாக கூறப்படுகிறது.
 
கூட்டணிக் கணக்கு பலிக்காததாலும், சமாஜ்வாதி வாக்குகள் பகுஜன் கட்சி வேட்பாளர்களுக்கு கிடைக்காததாலும் தனது அதிருப்தியை வெளிப்படுத்தியிருந்த மாயாவதி, 11 சட்டமன்ற தொகுதிகளுக்கான இடைத்தேர்தலில் தனித்து போட்டியிடவுள்ளதாக அறிவித்துள்ளார்.
 
இதையடுத்து பதிலுக்கு தாங்களும் தனித்துப் போட்டியிடப்போவதாக உடனடியாக அகிலேஷும் அறிவித்துள்ளார்.
 
தேர்தலில் தனித்துப் போட்டியிட்டாலும் சமாஜ்வாதி கட்சியுடனான நட்பு தொடரும். அகிலேஷின் அரசியல் பயணத்தை பொறுத்து மீண்டும் தேர்தல் களத்தில் இணைவது பற்றி யோசிக்கப்படுமென மாயாவதி தெரிவித்திருக்கிறார். 
 
உத்தர பிரதேச அரசியலில் ஏற்பட்டிருக்கும் இந்த திருப்பம், கூட்டணி முறிவுக்கான ஆரம்பமென தேசிய அளவில் பரவலாக பேசப்படுகிறது.

English Summary
BSP and SP contesting separately in legislative byelection

click here
 

 

Print

 

கேலரி
புகைப்படத்தொகுப்பு -
மேலும்...